হায়দৰাবাদ: জাপানৰ মটৰ চাইকেল নিৰ্মাতা কোম্পানী ইয়ামাহা মটৰ চাইকেলে ভাৰতীয় বজাৰত OBD2B-compliant ইঞ্জিন আৰু নতুন ৰঙৰ বিকল্পৰ সৈতে ইয়ামাহা FZ-S Fi মুকলি কৰিছে । কোম্পানীটোৱে এই মটৰ চাইকেলখন 1.35 লাখ টকা (এক্স শ্ব’ৰুম) মূল্যত মুকলি কৰিছে । কোম্পানীয়ে এই আপডেট কৰা মডেলৰ মূল্য 3600 টকা বৃদ্ধি কৰিছে।
2005 চনৰ ইয়ামাহা এফ জেড-এছ ফাইত নতুনত্ব
ইয়ামাহা মটৰ চাইকেলে 2025 চনৰ বাবে FZ-S Fi আপডেট কৰিছে, ইয়াৰ সামগ্ৰিক ডিজাইন আগৰ দৰেই আছে, যদিও ইয়াক কঠোৰ OBD2B নিৰ্গমন নিয়ম মানি চলিবলৈ আপডেট কৰা হৈছে । এটা সূক্ষ্ম আপডেটৰ কথা ক’বলৈ গ’লে কোম্পানীয়ে এক্টিভেটৰটোক নিজৰ টেংক শ্ৰাউডত সংযুক্ত কৰিছে, যিয়ে ইয়াক অধিক উন্নত ৰূপ দিছে ।
অৱশ্যে এই OBD2B আপডেটৰ জৰিয়তে নতুন ইয়ামাহা FZ-S Fi ৰ কাৰ্ব ওজনো এক কিলোগ্ৰাম বৃদ্ধি পাইছে, আৰু এতিয়া ইয়াৰ ওজন 137 কিলোগ্ৰাম । ইয়ামাহাই ক’লা আৰু ধূসৰকে ধৰি সতেজ গ্ৰাফিক্সৰ সৈতে দুটা নতুন ৰঙৰ বিকল্পত FZ-S Fi মুকলি কৰিছে । কিন্তু এই বিকল্পসমূহ আউটগোয়িং মডেলতকৈ বিশেষ পৃথক নহয় ।
2025 চনৰ ইয়ামাহা এফ জেড-এছ ফাইৰ ইঞ্জিন
নতুন FZ-S Fi ত বৰ্তমানৰ 149cc, এয়াৰ-কুল্ড, একক চিলিণ্ডাৰ ইঞ্জিন ব্যৱহাৰ কৰা হৈছে যদিও ইয়াক নতুন কঠোৰ নিৰ্গমন নিয়ম পূৰণ কৰিবলৈ আপডেট কৰা হৈছে । এই ইঞ্জিনে 7250 আৰ পি এমত 12.2 বিএইচপি শক্তি আৰু 5500 আৰ পি এমত সৰ্বোচ্চ 13.3 এন এম টৰ্ক উৎপন্ন কৰে । এই ইঞ্জিনটো 5 স্পীড গিয়াৰবক্সৰ সৈতে সংযুক্ত কৰা হৈছে ।
2025 চনৰ ইয়ামাহা এফ জেড-এছ ফাইৰ মূল্য
কোম্পানীয়ে 1.35 লাখ টকা মূল্যত এই মটৰ চাইকেল মুকলি কৰি নতুন আপডেট কৰা ইয়ামাহা এফ জেড-এছ ফাই বৰ্তমানৰ মডেলতকৈ 3600 টকা অধিক ব্যয়বহুল কৰি তুলিছে । অৱশ্যে বিশেষ কথাটো হ’ল বৰ্তমানৰ FZ-S Fi V4 DLX এতিয়াও কোম্পানীটোৰ ৱেবছাইটত বিক্ৰীৰ বাবে উপলব্ধ ।
লগতে পঢ়ক
