পূৰ্বৰ দামতেই ছুজুকি ইণ্ডিয়াই মুকলি কৰিলে আপডেটেড Suzuki V-Strom 800 DE
ছুজুকি ইণ্ডিয়াই ভাৰতত মুকলি কৰিছে 2025 বৰ্ষৰ Suzuki V-Strom 800 DE ৷ আপডেটেড মডেল মুকলি কৰিলেও কোম্পানীটোৱে বাইকখনৰ দাম পূৰ্বৰ দৰেই একেই ৰাখিছে ৷
Published : June 6, 2025 at 4:51 PM IST
হায়দৰাবাদ: দুচকীয়া বাহন নিৰ্মাতা কোম্পানী Suzuki Motorcycle India ই ভাৰতীয় বজাৰত মুকলি কৰিছে Suzuki V-Strom 800 DE ৰ 2025 বৰ্ষৰ আপডেটেড মডেল ৷ কোম্পানীয়ে এই মটৰ চাইকেলখনৰ দাম 10.30 লাখ (এক্স-শ্ব’ৰুম) টকা নিৰ্ধাৰণ কৰিছে ৷ পুৰণি মডেলটোৰ তুলনাত এই নতুন মডেলটোত যথেষ্ট কম সালসলনি ঘটোৱা হৈছে ৷
2025 Suzuki V-Strom 800 DE ত পৰিৱৰ্তন
Suzuki V-Strom 800 DE খন ভাৰতীয় বজাৰত এবছৰ পূৰ্বে মুকলি কৰা হৈছিল আৰু কোম্পানীয়ে শেহতীয়াকৈ মিড চাইজ ADB ৰ শেহতীয়া মডেলটো বজাৰত মুকলি কৰিছে ৷ 2025 বৰ্ষৰ বাইকখনত যথেষ্ট কম পৰিৱৰ্তন কৰা হৈছে ৷ যদিও বাইকখন এতিয়া OBD-2B নিৰ্গমন নীতি অনুসৰি আৰু নতুন ৰঙৰ বিকল্প প্ৰৱৰ্তন কৰা হৈছে ।
2025 Suzuki V-Strom 800 DE ত ৰঙৰ বিকল্প
বাইকখন নতুন ৰঙৰ পাৰ্ল টেক হোৱাইটত মুকলি কৰা হৈছে, য’ত এতিয়া সোণৰ পৰিৱৰ্তে নীলা ৰঙৰ ৰিম পোৱা গৈছে, আনহাতে গ্লাছ স্পাৰ্কল ব্লেক আৰু চেম্পিয়ন ইয়েলো নং 2 ৰ প্ৰস্তাৱ দিয়া হৈছে । এই বাইকখনৰ আন সকলো দৃশ্যগত উপাদান একেই আছে আৰু ইয়াত 5 ইঞ্চিৰ টিএফটি ডিছপ্লেও দিয়া হৈছে ।
2025 Suzuki V-Strom 800 DE ৰ পাৱাৰ ট্ৰেইন
যান্ত্ৰিকভাৱে নতুন Suzuki V-Strom 800 DE ত দিয়া হৈছে 776CC পেৰেলেল টুইন ইঞ্জিন ৷ নতুন Suzuki V-Strom 800 DE ত 776CC পেৰেলেল টুইন ইঞ্জিনেৰে চালিত, যিয়ে আগৰ দৰেই 83 বিএইচপি শক্তি আৰু 78 এনএম টৰ্ক উৎপন্ন কৰে । চুজুকি ভি-ষ্ট্ৰমৰ ওজন 232 কিলোগ্ৰাম যদিও ইয়াৰ ছাচপেনচন ট্ৰেভেল 220 মিমিও আছে । বাইকখনত 21 ইঞ্চি/17 ইঞ্চি হুইল আকাৰৰ চকা পোৱা যায় আৰু লগতে সম্পূৰ্ণ এডজাষ্টেবল ছাচপেনচনো পোৱা যায় ।
এক কথাত ক’বলৈ গ’লে, এইবোৰৰ উপৰি Suzuki V-Strom ত বৰ বিশেষ একো পৰিৱৰ্তন কৰা হোৱা নাই ৷ কোম্পানীয়ে দামো কম-বেছি কৰা নাই ৷ 2024 ৰ মাৰ্চ মাহত 10.30 লাখ টকাত মুকলি কৰা বাইকখনৰ দাম বৰ্তমানেও একেই ৰাখিছে কোম্পানীয়ে ৷
লগতে পঢ়ক
