সতীশ ধাৱন মহাকাশ কেন্দ্ৰৰ পৰা উৎক্ষেপণ কৰা হ’ব 100 সংখ্যক ৰকেটটো
শ্ৰীহৰিকোটাৰ সতীশ ধাৱন মহাকাশ কেন্দ্ৰৰ পৰা জানুৱাৰী মাহত 100 সংখ্যক ৰকেটটো উৎক্ষেপণ কৰা হ’ব বুলি জনায় ইছৰোৰ মুৰব্বী এছ সোমনাথে ৷
Published : January 7, 2025 at 5:14 PM IST
হায়দৰাবাদ: শ্ৰীহৰিকোটাৰ সতীশ ধাৱন মহাকাশ কেন্দ্ৰই এক উল্লেখযোগ্য মাইলৰ খুঁটি অৰ্জন কৰিবলৈ সাজু হৈছে ৷ শ্ৰীহৰিকোটা বন্দৰৰ পৰা উৎক্ষেপণ হ’ব 100 সংখ্যক ৰকেটটো । শ্ৰীহৰিকোটাৰ সতীশ ধাৱন মহাকাশ কেন্দ্ৰৰ পৰা জিঅ’চিনক্ৰ’নাছ চেটেলাইট লঞ্চ ভেহিকেল (জিএছএলভি)ৰ দ্বাৰা ওপৰলৈ কঢ়িয়াই অনা NVS-02 উপগ্ৰহ উৎক্ষেপ কৰা হ’ব । এই উৎক্ষেপণৰ জৰিয়তে মহাকাশ কেন্দ্ৰটোৰ পৰা 100 টা ৰকেট উৎক্ষেপণ সম্পূৰ্ণ কৰা প্ৰধান দেশসমূহৰ ভিতৰত অন্তৰ্ভুক্ত হ’ব শ্ৰীহৰিকোটাৰ সতীশ ধাৱন মহাকাশ কেন্দ্ৰটো ।
শ্ৰীহৰিকোটাৰ পৰা 99 সংখ্যক উৎক্ষেপণ সোমবাৰে (30 ডিচেম্বৰ, 2024) PSLV-C60 অভিযানটো আছিল যিয়ে মহাকাশ ডকিং পৰীক্ষা চলোৱাৰ বাবে দুখন মহাকাশযানক বৃত্তাকাৰ কক্ষপথত সফলতাৰে স্থাপন কৰিছিল বুলি ইছৰোৰ অধ্যক্ষ এছ সোমনাথে জনায় ।
শ্ৰীহৰিকোটাক উৎক্ষেপণ স্থান হিচাপে বাছনি কৰাৰ দুটা প্ৰধান কাৰণ
- ই পূব উপকূলত অৱস্থিত যিয়ে পূব দিশত ৰকেট নিক্ষেপ কৰাত সহায় কৰে ।
- বিষুৱৰেখাৰ সমীপত ইয়াৰ সান্নিধ্য । “পূব দিশলৈ ৰকেট নিক্ষেপ কৰিলে পৃথিৱীৰ ঘূৰ্ণনৰ সুবিধা ল’ব পাৰি । বিষুৱৰেখাৰ ওচৰৰ উৎক্ষেপণ স্থানৰ বাবে পৃথিৱীৰ ঘূৰ্ণনৰ বাবে প্ৰদান কৰা বেগৰ পৰিমাণ প্ৰায় 450 মিটাৰ প্ৰতি ছেকেণ্ড, যাৰ ফলত কোনো এটা উৎক্ষেপণ বাহনৰ পেলোড যথেষ্ট বৃদ্ধি পাব পাৰে । ভূ-স্থিৰ উপগ্ৰহবোৰ বিষুৱীয় সমতলত থকাটো বাধ্যতামূলক । গতিকে, এনে উপগ্ৰহৰ বাবে উৎক্ষেপণ স্থান বিষুৱৰেখাৰ যিমান ওচৰত থাকে সিমানেই ভাল ।
উল্লেখ্য যে, যেতিয়াৰে পৰা ভাৰতে দেশত উপগ্ৰহ আৰু ইয়াৰ উৎক্ষেপণ বাহন বিকশিত কৰাৰ সিদ্ধান্ত লৈছিল তেতিয়াৰ পৰাই ভাৰতৰ ভৱিষ্যত উপগ্ৰহ উৎক্ষেপণৰ বাবে আদৰ্শ স্থান বাছি লোৱাৰ বাবে চিন্তা-চৰ্চা আৰম্ভ হৈছিল ৷ 1960 চনৰ পৰাই আৰম্ভ হোৱা এই কাৰ্যসূচীৰ নেতৃত্ব দিছিল ভাৰতীয় মহাকাশৰ প্ৰতিষ্ঠাপক বিক্ৰম সাৰাভাইয়ে ৷
1968 চনৰ মাৰ্চ মাহত বিক্ৰম সাৰাভাইৰ সহযোগী তথা বিজ্ঞানী চিটনীয়ে ইয়াৰ বাবে শ্ৰীহৰিকোটাকে ধৰি সম্ভাৱ্য স্থানৰ মানচিত্ৰ প্ৰস্তুত কৰাত সহায় কৰে । এক সাক্ষাৎকাৰত চিতনিছে কয়- “1968 চনৰ আগষ্ট মাহত বিক্ৰম সাৰাভাইয়ে সেই (শ্ৰীহৰিকোটা)ৰ এক জৰীপ কৰিছিল ।... আৰু 1968 চনৰ অক্টোবৰ মাহত আমি প্ৰায় 40,000 একৰ মাটি অধিগ্ৰহণ কৰিলোঁ ।"
উপলব্ধ সুবিধাবোৰ
কঠিন প্ৰপেলেণ্ট উৎপাদন উদ্যোগ, ৰকেট মটৰ ষ্টেটিক পৰীক্ষাৰ সুবিধা, বিভিন্ন ধৰণৰ ৰকেটৰ বাবে লঞ্চ কমপ্লেক্স, টেলিমেট্ৰি, টেলিকমাণ্ড, ট্ৰেকিং, তথ্য আহৰণ আৰু প্ৰক্ৰিয়াকৰণৰ সুবিধা আৰু অন্যান্য সমৰ্থিত সেৱাসমূহ ।
