তেজপুৰত ৭৮ সংখ্যক স্বাধীনতা দিৱসত বিশেষ আকৰ্ষণ অসম ৰাইফলছৰ মহিলা বাহিনী - INDEPENDENCE DAY 2024

তেজপুৰ, ১২ আগষ্ট: সমগ্ৰ দেশৰ লগতে উত্তৰ অসমৰ তেজপুৰ চহৰৰ মাজমজিয়াত ঐতিহাসিক নেহৰু মৈদানতো স্বাধীনতা দিৱস উদযাপনৰ বাবে জিলা প্ৰশাসনে ব্যাপক আয়োজন কৰিছে ৷ বিগত বৰ্ষৰ দৰে এইবাৰো জিলাখনৰ ৭৮ সংখ্যক স্বাধীনতা দিৱসত পেৰেডত বিভিন্ন শিক্ষানুষ্ঠানৰ লগতে সুৰক্ষা বাহিনীৰ লোকে অংশগ্ৰহণ কৰিব । ইতিমধ্যে নেহৰু মৈদামত ব্যাপক উৎসাহ-উদ্দীপনাৰে ইয়াৰ কুচ-কাৱাজ চলি আছে ৷

এইবাৰ নেহৰু মৈদানত আয়োজিত হ’বলগীয়া পেৰেডত অংশগ্ৰহণ কৰিছে সশস্ত্ৰ সীমা বল, আই টি বি পি, অসম ৰাইফলছ, অসম আৰক্ষী, গৃহৰক্ষী বাহিনী, আহোম ইণ্ডাষ্ট্ৰিয়েল ফৰ্চ, তেজপুৰ দৰং মহাবিদ্যালয়, তেজপুৰ মহাবিদ্যালয়, স্কাউট-গাইড, এন চি চি বাহিনীয়ে । জিলাখনৰ বিভিন্ন প্ৰান্তৰ লোকসমাগম হোৱা নেহৰু মৈদানৰ এইবাৰৰ স্বাধীনতা দিৱসৰ কাৰ্যসূচীৰ আকৰ্ষণৰ মূল কেন্দ্ৰ হৈছে অসম ৰাইফলছৰ ৩০ নং বাহিনীৰ মহিলা জোৱানসকলৰ পেৰেড ৷

লগতে পঢ়ক: সমাগত স্বাধীনতা দিৱস: বিজেপিৰ যুৱ মৰ্চাৰ উদ্যোগত বিশাল বাইক ৰেলী - INDEPENDENCE DAY 2024

স্বাধীনতা দিৱসৰ আকৰ্ষণ: প্ৰত্যেক বছৰেই এইবাৰো তেজপুৰৰ নেহৰু মৈদানত দেশৰ স্বাধীনতা দিৱস কাৰ্যসূচীত সুৰক্ষা বাহিনীৰ লগতে সেনাইৰ দ্বাৰা এক বিশেষ প্ৰদৰ্শনী কৰা হয় ৷ এইবাৰ প্ৰথমবাৰৰ বাবে অসম ৰাইফলছৰ ৩০ নং বাহিনীৰ মহিলা জোৱানসকলে ভাগ লৈছে । এই পেৰেড আকৰ্ষণীয় মহিলা সকলে সেনাৰ পুৰুষ জোৱানসকলৰ সমান্তৰালভাৱে ভাগ লৈছে ।

অসম ৰাইফলছৰ এই বিষয়াই কয়, "এইবাৰ আমি দ্বিতীয়বাৰৰ বাবে কুচকাৱাজত অংশ লৈছো ৷ অৱশ্যে অসম ৰাইফলছৰ লক্ৰৰাৰ ৩০ নং বাহিনীৰ মহিলা জোৱানসকলৰ লগত প্রথমবৰাৰ বাবে ভাগ লৈছো । মহিলা জোৱানসকলে বিভিন্ন কমবেত প্ৰশিক্ষণ অন্য জোৱানসকলৰ দৰে সমানে অংশগ্ৰহণ কৰে ।"

লগতে পঢ়ক: সমাগত স্বাধীনতা দিৱস উদযাপনৰ বাবে ধেমাজিত ব্যাপক প্ৰস্তুতি - INDEPENDENCE DAY 2024