হায়দৰাবাদ: দেওবাৰে অতীত ৰোমন্থন কৰি একেবাৰে নষ্টালজিক হৈ পৰিল ৰাজ্য়ৰ মুখ্যমন্ত্ৰী ড৹ হিমন্ত বিশ্ব শৰ্মা ৷ নগাঁৱৰ কামপুৰত এখন দলং উদ্বোধন কৰাৰ পাছত অসমৰ মুখ্যমন্ত্ৰী ড৹ শৰ্মাই এখন অসমীয়া ছবিৰ কথা সুঁৱৰি স্মৃতিবোৰ পুনৰ সজীৱ কৰি তোলে ।
সামাজিক মাধ্যম এক্সৰ এটা পোষ্টত কামপুৰত কপিলী নদীৰ ওপৰত নতুনকৈ নিৰ্মাণ কৰা দলংখন উদ্বোধন কৰি হাতীত উঠি আমোদ লোৱাৰ কথা মুখ্যমন্ত্ৰীগৰাকীয়ে সদৰী কৰে ৷ লগতে প্ৰকাশ কৰে যে, তেওঁ দশক দশক পূৰ্বে একেখন দলঙতে হাতীত উঠি "ককাদেউতা নাতি আৰু হাতী" নামৰ এখন ছবিখনত শিশু অভিনেতাৰ চৰিত্ৰত অভিনয় কৰিছিল ।
शायद आप में से कुछ लोगों को यह नहीं पता होगा कि कई दशकों पहले, मैंने एक फिल्म में बच्चे का किरदार निभाया था। उस फिल्म के एक सीन में मैं एक पुल पर हाथी पर सवार था। आज उसी पुल का पुनर्निर्माण कर उसे जनता को समर्पित किया और फिर से हाथी की सवारी भी की।
— Himanta Biswa Sarma (@himantabiswa) March 30, 2025
इसे कहते हैं, Reel to Real😀 pic.twitter.com/aB0aRvAph7
মুখ্যমন্ত্ৰী ড৹ শৰ্মাই এই মুহূৰ্তটোক "ৰিল টু ৰিয়েল" বুলি অভিহিত কৰে । কিয়নো সেই দলংখনতে এসময়ত শিশুশিল্পী হিচাপে শ্বুটিং কৰিছিল মুখ্যমন্ত্ৰী ড৹ শৰ্মাই ৷
"আপোনালোকৰ মাজৰ কিছুমানে হয়তো নাজানে যে বহু দশকৰ আগতে মই এখন ছবিত শিশুৰ চৰিত্ৰত অভিনয় কৰিছিলো । সেই ছবিখনৰ এটা দৃশ্যত মই এখন দলঙৰে অহা এটা হাতীৰ পিঠিত উঠি আছিলো । আজিও সেই একেখন দলং পুনৰ নিৰ্মাণ কৰি জনসাধাৰণৰ বাবে উৎসৰ্গা কৰা হ'ল আৰু ময়ো পুনৰ হাতীত উঠিলোঁ । ইয়াক কোৱা হয়, Reel to Real," মুখ্যমন্ত্ৰীয়ে এক্সত এনেদৰে পোষ্ট কৰে ।
Kampur Kapili Bridge brings a wave of nostalgia as it is in this very location, I rode an elephant years back for the film 'Kokadeuta Nati aur Hati'.
— Himanta Biswa Sarma (@himantabiswa) March 30, 2025
Today as I dedicated the new bridge here, a long demand of the people, I couldn't help but recreate the cult scene 😁🐘 pic.twitter.com/S4iypz3DV6
উল্লেখ্য যে, কেইবাটাও কাৰ্যসূচীৰে দেওবাৰে কামপুৰত উপস্থিত হৈছিল মুখ্যমন্ত্ৰীগৰাকী ৷ তেওঁ কামপুৰত ৰে’লৱে উৰণসেতুখনো উদ্বোধন কৰে ৷ লগতে মুখ্যমন্ত্রীয়ে ৰাইজৰ বাবে ৱাকিং জ'ন হিচাপে মুকলি কৰে কপিলী নৈৰ স্মৃতি বিজড়িত পুৰণি দলংখন ৷
লগতে পঢ়ক: সমন্বয় আৰু ভাতৃত্ববোধৰ চানেকিৰে দেশজুৰি উদযাপন ঈদ-উল-ফিটৰ - EID AL FITR 2025
