পাকঘৰত ৰান্ধনিৰ কান্দোন, হোৰাহোৰে বাঢ়িছে শাক-পাচলিৰ দাম - price hike in assam

গুৱাহাটী, ১২ জুন : লোকসভা নিৰ্বাচনৰ পিচৰে পৰা ৰাজ্যৰ বজাৰত অভাৱনীয় হাৰত বৃদ্ধি হৈছে বিভিন্ন সামগ্ৰীৰ মূল্য । নি‌য়ন্ত্ৰিনহীন হৈ পৰিছে ৰাজ্যৰ বজাৰ । ঔষধ, টোল কৰ, পেট্ৰ’ল-ডিজেলৰ মূল্য বৃদ্ধিৰ পাচতে এইবাৰ হোৰাহোৰে বাঢ়িছে শাক-পাচলিৰ দাম । এতিয়া সাধাৰণ গ্ৰাহকৰ বাবে যেন একো একোটা জলকীয়া, পটল, ভেণ্ডি, বেঙেনাও ক্ৰয় সামৰ্থৰ বাহিৰলৈ গতি কৰিছে ৷

নিৰ্বাচনৰ আগমুহূৰ্তত যিসমূহ শাক-পাচলিৰ দাম প্ৰতিকিলো ২০ ৰ পৰা ৪০ টকা আছিল সেই সমূহ শাক-পাচলিৰ দাম এতিয়া ৮০ টকাৰ পৰা ১০০ টকা পৰ্যন্ত বৃদ্ধি হৈছে। ফলত দুবেলা-দুসাঁজ খাবলৈ চিন্তা কৰিবলগীয়া হৈছে সাধাৰণ ৰাইজে ।

গুৱাহাটীৰ কোনখন পাইকাৰী বজাৰত কিমান শাক পাচলিৰ দাম জানো আহক-

গড়চুকৰ পামহী পাইকাৰী বজাৰত আজিৰ দিনটোত শাক-পাচলিৰ মূল্য এনেধৰণৰ -

ফাঁচী বজাৰত পাইকাৰী শাক-পাচলিৰ আজিৰ দিনটোৰ মূল্য

মহানগৰীৰ বিভিন্ন পাইকাৰী বজাৰত শাক-পাচলিৰ খুচুৰা মূল্য

ব্যৱসায়ীসকলৰ মতে বৰষুণৰ বাবে শাক-পাচলিৰ দাম বৃদ্ধি হৈছে বুলি জানিবলৈ দিয়ে ৷ যোৱা ১০-১৫ দিনৰ পৰা পাচলিৰ দাম বাঢ়িছে । ফলত লোকেল পাচলি খাৰুপেটীয়া, বৰপেটাৰ পৰা আহিছে বুলি বিক্ৰেতাসকলে জানিবলৈ দিয়ে । তদুপৰি শ্বিলং, পশ্চিমবংগ, ভূটান আদিৰ পৰা এইকেইদিন শাক-পাচলিৰ অনাৰ বাবে এনেদৰে মূল্যবৃদ্ধি হৈছে বুলি বিক্ৰেতাসকলে জানিবলৈ দিয়ে ৷

লগতে পঢ়ক: বজাৰত মূল্যবৃদ্ধিৰ জুই; যোগান বিভাগত তলা লগাবলৈ চৰকাৰক আহ্বান আছুৰ সভাপতিৰ - Price hike in Assam