আপোন শিল্পীগৰাকীক চাবলৈ হ'লে মহানগৰীৰ কোনটো পথেৰে আপুনি যাব লাগিব, জানেনে ?

গুৱাহাটী : আৰু কিছু সময় । অন্ত পৰিব অসমবাসীৰ অপেক্ষা । অসমভূমি পাবহি অসমবাসীৰ হিয়াৰ আমঠু জুবিন গাৰ্গ । আপোন মানুহজনক শেষবাৰৰ বাবে এবাৰ চাবলৈ হিলদলভাঙি ওলাই আহিছে সৰ্বস্তৰৰ জনতা ।

কি খাৰঘূলি, কি কাহিলিপাৰা কিম্বা কি অর্জুন ভোগেশ্বৰ বৰুৱা ক্রীড়া প্রকল্প । ৰাস্তাই ঘাটে সকলোতে কেৱল মানুহৰ শাৰী ।

আজি নিশা ছিংগাপুৰৰ পৰা দিল্লীত উপস্থিত হোৱাৰ পাচত জুবিন গাৰ্গৰ পাৰ্থিৱ শৰীৰ নিশাই দিল্লীৰ পৰা এয়াৰ ইণ্ডিয়া বিমানযোগে অসমলৈ অনা হ'ব । গুৱাহাটীত উপস্থিত হোৱাৰ পাছত তেওঁৰ নম্বৰ দেহ প্ৰথমে মহানগৰীৰ ভগদত্তপুৰস্থিত বাসগৃহলৈ লৈ যোৱা হ'ব আৰু ইয়াতেই পৰিয়ালৰ সদস্যসকলে শেষশ্রদ্ধা জ্ঞাপন কৰিব ।

তাৰ পাছত অর্জুন ভোগেশ্বৰ বৰুৱা ক্রীড়া প্রকল্পলৈ নিয়া হ'ব আৰু সাধাৰণ ৰাইজে তেওঁৰ প্ৰতি ইয়াতেই অন্তিম শ্রদ্ধা জনোৱাৰ ব্যৱস্থা কৰা হ'ব । লোকপ্রিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰ, ভগদত্তপুৰস্থিত বাসগৃহ আৰু অর্জুন ভোগেশ্বৰ বৰুৱা ক্রীড়া প্রাংগণত বৃহৎ সংখ্যক অনুগামী আৰু ৰাইজৰ সমাগম কৰাৰ সম্ভাৱনা আছে ।

এই পৰিপ্ৰেক্ষিতত, গুৱাহাটী যান-বাহন আৰক্ষীযে তলত উল্লেখ কৰা পথসমূহত যান-বাহন চলাচলৰ ক্ষেত্ৰত কিছু বিধানিষেধ আৰোপ কৰিছে, যাতে এই সময়ছোৱাত যান-বাহনৰ সুশৃংখলিত গতি অব্যাহত থাকে ।

যানবাহনৰ চলাচলৰ ক্ষেত্ৰত নিয়মাৱলী :

১. সকলোধৰণৰ বাণিজ্যিক সামগ্রী কঢ়িওৱা যানবাহনৰ চলাচল ৰাষ্ট্ৰীয় ঘাইপথ-২৭ আৰু ৰাষ্ট্ৰীয় ঘাইপথ-১৭ৰে ২১ ছেপ্টেম্বৰ, পুৱা ৬ বজাৰ পৰা ৰাতি ১১ বজালৈ নিষিদ্ধ কৰা হৈছে । পৰৱৰ্তী নির্দেশনা নিদিয়া পর্যন্ত এই নির্দেশাৱলী বাহাল থাকিব ।

যানবাহনৰ চলাচলৰ ক্ষেত্ৰত নিয়মাৱলী (ETV Bharat)

২. অর্জুন ভোগেশ্বৰ বৰুৱা ক্রীড়া প্রকল্পত শ্রদ্ধাজলি জ্ঞাপন কৰিবলৈ অহা লোকসকলৰ বাবে-

• ৰাষ্ট্ৰীয় ঘাইপথ-২৭ ৰ ৰংমন পইন্টত নামিব লাগিব
• তাৰ পিছত গেট নং ১এ ৰে প্ৰৱেশ কৰিব লাগিব
• শ্রদ্ধাঞ্জলি জ্ঞাপন কৰাৰ পাছত গেট নং ৩ ৰে প্ৰস্থান কৰিব । তেওঁলোকে নামঘৰ পথ, গৰলীয়া অথবা হলি গগৈ পথ লৈ ৰাষ্ট্ৰীয় ঘাইপথ-২৭/ছার্ভিচ ৰোড অভিমুখে যাব পাৰিব ।
• অর্জুন ভোগেশ্বৰ বৰুৱা ক্রীড়া প্রকল্পত কোনো যানবাহনৰ প্ৰৱেশৰ অনুমতি দিয়া নহ'ব ।
• অত্যাৱশ্যকীয়/জৰুৰীকালীন/মিডিয়া (DSNG) যানবাহনসমূহ কেৱল গেট নং ১চিৰে প্ৰবেশ কৰি ইনড'ৰ ষ্টেডিয়ামৰ আগত ৰাখিব পাৰিব ।

৩. ৰাষ্ট্ৰীয় ঘাইপথ-২৭ ৰ ছাৰ্ভিচ ৰোড-লখৰা আণ্ডাৰব্রিজৰ পৰা নালাগাৰা (অর্জুন ভোগেশ্বৰ বৰুৱা ক্রীড়া প্ৰকল্পৰ সম্মুখলৈ)-কোনো যানবাহন চলাচল নিষিদ্ধ অঞ্চল হিচাপে ঘোষণা কৰা হৈছে ।

৪. অৱশ্যে জৰুৰীকালীন যানবাহনসমূহ যেনে অগ্নি নির্বাপক বাহন, এম্বুলেন্স, জীৱন ৰক্ষাকাৰী ঔষধ বাহক যানবাহন, অক্সিজেন চিলিণ্ডাৰ বাহক যানবাহন, বিদ্যালয়ৰ বাহন, ওচৰ-পাজৰৰ স্থানীয় ৰাইজ আদিৰ ক্ষেত্ৰত কোনো বাধা নাথাকিব ।

৫. অর্জুন ভোগেশ্বৰ বৰুৱা ক্রীড়া প্ৰকল্পৰ ভিতৰত কোনো যানবাহন ৰখাৰ অনুমতি দিয়া নহ'ব ।

পাৰ্কিং স্থান

যানবাহনৰ চলাচলৰ ক্ষেত্ৰত নিয়মাৱলী (ETV Bharat)

ক) খানাপাৰা ফালৰ পৰা অহা বাহনৰ বাবে -

• লখৰা বিহুতলি, চাগলপাৰা পথৰ মহিন্দ্রা ট্রেক্টৰ ষ্টক য়ার্ড ৰোড
• চাইকেল ট্রেক, সাউকুছি
• বাঁথৌপুৰী বড়ো উচ্চতৰ মাধ্যমিক বিদ্যালয়, আই এছ বি টিৰ ওচৰত
• বড়ো সাহিত্য সভা, আই এছ বি টিৰ ওচৰত
• বি চি জৈন পার্কিং, ২৭ নং ৰাষ্ট্ৰীয় ঘাইপথৰ চাৰ্ভিচ ৰোডত
• গণেশ কাটা, ২৭ নং ৰাষ্ট্ৰীয় ঘাইপথৰ চাৰ্ভিচ ৰোড
• মইনা পাৰিজাত, ২৭ নং ৰাষ্ট্ৰীয় ঘাইপথৰ চার্ভিচ ৰোড
• বৰাগাঁও পথকে ধবি শ্বহীদ নিৱাস ফিল্ড

খ) জালুকবাৰী ফালৰ পৰা বাহনৰ বাবে

• বশিষ্ঠ মন্দিৰপথ, জি এম চি পার্কিং, খানাপাৰা
• আই এছ বি টি খানাপাৰা, গ্রীণউড ৰিজৰ্ট
• এ ডি আৰ পার্কিং, কালি মন্দিৰ ৰোড
• পিংকু পার্কিং, ২৭ নং ৰাষ্ট্ৰীয় ঘাইপথৰ চাৰ্ভিচ ৰোড
• ইনলেন্ড ৱাটাৰ ট্রেন্সপোর্ট পার্কিং, কালি মন্দিৰ ৰোড
• বালাজী পার্কিং, আই এনছ বি টিৰ ওচৰত
• সোণকুছি সোণালী সংঘ ফিল্ড, চাগলপাৰা ৰোড

গ) অসামৰিক আৰু আৰক্ষী প্রশাসনৰ বাহনৰ বাবে

• দক্ষিণ গুৱাহাটী জুনিয়ৰ মহাবিদ্যালয়, হকী ষ্টেডিয়াম ৰোড
• হকী ষ্টেডিয়াম

ঘ) আৰক্ষীৰ লোকসকলক কঢ়িয়াই অনা বাহনৰ বাবে

• পুৰণি ৰাষ্ট্ৰীয় ঘাইপথ পার্কিং, কালি মন্দিৰ ৰোড
• নিউ তামুলী, কালি মন্দিব ৰোড