উদ্বেগকজন: বৰাক নদী বিলুপ্ত দিশে ডলফিনৰূপে জনাজাত শিহু: বিশেষজ্ঞৰ মতে জলবায়ু পৰিৱৰ্তনৰ ফল
পৰিৱেশ, বন আৰু জলবায়ু পৰিৱৰ্তন মন্ত্ৰণালয় আৰু ভাৰতৰ বন্যপ্ৰাণী প্ৰতিষ্ঠানৰ ৰিভাৰ ডলফিন অৱ ইণ্ডিয়া ২০২৪ শীৰ্ষক প্ৰতিবেদনত প্ৰকাশ পাইছে এই তথ্য ।
Published : March 9, 2025 at 2:13 PM IST
গুৱাহাটী: অসমৰ বৰাক নদীত শূন্য হৈ পৰিছে ৰিভাৰ ডলফিনৰূপে জনাজাত শিহু । এই তথ্য প্ৰকাশ কৰিছে পৰিৱেশ, বন আৰু জলবায়ু পৰিৱৰ্তন মন্ত্ৰণালয় (Ministry of environment, forest and climate change) আৰু ভাৰতৰ বন্যপ্ৰাণী প্ৰতিষ্ঠান (The wildlife institute of India) ৰ ৰিভাৰ ডলফিন অৱ ইণ্ডিয়া ২০২৪ ৰ (River Dolphins in India, 2024) শীৰ্ষক প্ৰতিবেদনত । এই উদ্বেগজনক তথ্য দেখুৱাইছে যে অসমৰ নদীসমূহ জলবায়ু পৰিৱৰ্তনৰ কৱলত এক প্ৰকাৰ পৰিছে ।
উল্লেখ্য যে এই প্ৰতিবেদন মতে, দেশৰ ২৮ খন শিহু পোৱা নদীত অধ্যয়ন কৰা হৈছিল । এই অধ্যয়নত দেশৰ ৮ খন ৰাজ্যত ৬৩২৭ টা শিহুৰ সন্ধান পোৱা গৈছিল ।
- River Dolphins in India, 2024 অনুসৰি বিভিন্ন ৰাজ্যত পোৱা শিহুৰ সংখ্যা
এই অধ্যায়ৰ জড়িত থকা বিশিষ্ট পৰিৱেশ বিজ্ঞানী ড৹ আব্দুল ৱাকিদে কয়, "মণিপুৰৰ সীমান্তৰ পৰা বাংলাদেশ সীমান্তলৈ অসমৰ মাজেৰে যোৱা বৰাক নদীত কোনো শিহুৰ সন্ধান পোৱা যোৱা নাই । বৰাক নদীত এসময়ত শিহু আছিল । কিন্তু ১৯৮০ চনৰ পৰা বৰাক নদীত শিহুৰ অৱস্থিতি হ্ৰাস পায় আহিছে । এতিয়া শেহতীয়া অধ্যয়নত বৰাকত অধ্যয়নত শিহু বিলুপ্তপ্ৰায় ।" তেওঁ কয়, "ইয়াৰ কাৰণ বহুত হ'ব পাৰে । নদীৰ গভীৰতা হ্ৰাস পাইছে । জলবায়ু পৰিৱৰ্তনো অন্য এক কাৰণ ।"
ড৹ আব্দুল ৱাকিদে আৰু কয়, "অসমৰ বৰাক নদীৰ বাহিৰে বাকী যিবোৰ নদীত শিহুৰ সংখ্যা প্ৰায় স্থিতিশীল হৈ আছে । বৃদ্ধি হোৱা নাই, বৰ বিশেষ হ্ৰাসো হোৱা নাই ।"
- River Dolphins in India, 2024 অনুসৰি অসমৰ আন আন নদীত পোৱা শিহুৰ সংখ্যা (বৰ্ষ অনুসৰি)
একেদৰে, কপিলী নদীত যোৱা ১৫ বছৰত ৫ ৰ পৰা ১০ টা শিহুৰ সন্ধান পোৱা গৈছে । বেকী নদীতো একেধৰণে ৪ ৰ পৰা ১০ টা শিহুৰ সন্ধান পোৱা গৈছে । ড৹ আব্দুল ৱাকিদে কয়, "অসমৰ বৰাক নদীৰ বাহিৰে বাকীবোৰ নদীত শিহুৰ সংখ্যা বছৰি সলনি হৈ আছে যদিও নদীকেইখনত শিহু বিলুপ্তপ্ৰায় হোৱা নাই ।" উল্লেখ্য যে ভাৰত চৰকাৰে ২০০৯ চনৰ ৫ অক্টোবৰত জাতীয় জলচৰ প্ৰাণী হিচাপে স্বীকৃতি দিয়া শিহুৰ প্ৰজাতি সংৰক্ষণৰ প্ৰয়োজন । ১৯৯৬ চনত আন্তৰ্জাতিক পৰিবেশ সংৰক্ষণ পৰিষদে শিহুক বিলুপ্তপ্ৰায় জীৱৰূপে স্বীকৃতি দিছে ।
লগতে পঢ়ক: আদৰ্শগাঁৱত জিলিকিছে নৈপৰীয়া সংস্কৃতি আৰু কুমাৰ শিল্প
