গুৱাহাটী : ভাৰতীয় জনতা পাৰ্টী (বিজেপি)ৰ আজি ৪৬ সংখ্যক প্ৰতিষ্ঠা দিৱস । দেশৰ ভিন্ন প্ৰান্তত বিজেপিৰ কাৰ্যালয়সমূহত আয়োজন কৰা হৈছে প্ৰতিষ্ঠা দিৱসৰ বিভিন্ন অনুষ্ঠান । ৰাজ্যৰ বিভিন্ন প্ৰান্ততো আয়োজন কৰা হয় এই দিৱসৰ বিভিন্ন কাৰ্যসূচী । ইয়াৰ সৈতে সংগতি ৰাখি বশিষ্ঠস্থিত বিজেপিৰ মুখ্য কাৰ্যালয়তো পুৱা আয়োজন কৰা হয় বিভিন্ন অনুষ্ঠানৰ ।
প্ৰতিষ্ঠা দিৱস উপলক্ষে ৰাজ্যিক কাৰ্যালয়ত পুৱা মুখ্যমন্ত্ৰী ড৹ হিমন্ত বিশ্ব শৰ্মা,বিজেপিৰ ৰাজ্যিক সভাপতি দিলীপ শইকীয়া, প্ৰাক্তন ৰাজ্যিক সভাপতি তথা বিধায়ক ভৱেশ কলিতা, মন্ত্ৰী ৰণজিৎ কুমাৰ দাসকে আদি কৰি ভালেসংখ্যক জ্যেষ্ঠ নেতাৰ লগতে কৰ্মকৰ্তাসকলে অংশগ্ৰহণ কৰে ।
প্ৰতিষ্ঠা দিৱসৰ এই দিনটোত অতীত ৰোমন্থণ কৰি মুখ্যমন্ত্ৰী হিমন্ত বিশ্ব শৰ্মাই কয়, "ভাৰতীয় জনতা পাৰ্টী অন্য ৰাজনৈতিক দলতকৈ পৃথক । আন ৰাজনৈতিক দলতকৈ একক সংকল্প লৈ জন্ম হৈছিল ভাৰতীয় জনতা পাৰ্টীৰ । অটল বিহাৰী বাজপেয়ী অধ্যক্ষ হিচাপে আসন শুৱনি কৰিছিল জন্মৰ সময়ত । প্ৰতিষ্ঠা দিৱসৰ সন্মুখত ৱাকফ বিল আইনলৈ ৰূপান্তৰিত হৈছে যিটো আমাৰ দলৰ বৃহৎ সফলতা । প্ৰধানমন্ত্ৰী আৰু গৃহমন্ত্ৰীক অসমৰ ৰাইজৰ হৈ অভিনন্দন ৱাকফ বিধেয়কক আইনত পৰিণত কৰাৰ বাবে ।"
I joined Hon’ble @BJP4Assam President Shri @DilipSaikia4Bjp dangoriya and my fellow Karyakartas to celebrate the 46th #SthapnaDiwas of our party. We are fortunate to be a small part of this epic journey of nation building, which rests on Seva and Samarpan.#BJP4ViksitBharat pic.twitter.com/vS5DonOoj6
— Himanta Biswa Sarma (@himantabiswa) April 6, 2025
মুখ্যমন্ত্ৰীগৰাকীয়ে পুনৰ কয়, "ভাৰতীয় জনতা পাৰ্টী সৰ্ববৃহৎ দল । পাৰ্টীৰ নীতি আদৰ্শৰে আমি সৰ্বাধিক জনপ্ৰিয় । ৪৫ টা বছৰে পৰিয়ালকেন্দ্ৰিক ৰাজনীতি নকৰা বিজেপিয়ে ভৱিষ্যতেও নকৰে পৰিয়ালকেন্দ্ৰিক ৰাজনীতি । চিৰদিন-চিৰকাল কাৰ্যকৰ্তাৰ দল হৈ থাকিব বিজেপি ।"
On BJP’s Sthapana Diwas I am at A.B Vajpayee Bhawan, Guwahati to extend greetings to our Karyakartas and offer tributes to all those who have toiled hard to build the Party for decades. https://t.co/DIgeaFwU7a
— Himanta Biswa Sarma (@himantabiswa) April 6, 2025
উল্লেখ্য যে, ৰাষ্ট্ৰীয় স্বয়ং সেৱক সংঘৰ আদৰ্শৰে অনুপ্ৰাণিত হৈ ১৯৫১ চনত ভাৰতীয় জনসংঘ নামেৰে এই ৰাজনৈতিক দলটো প্ৰতিষ্ঠা কৰা হৈছিল । পাছলৈ ১৯৮০ চনৰ ৬ এপ্ৰিলত ইয়াক ভাৰতীয় জনতা পাৰ্টী নামেৰে নামকৰণ কৰা হয় । তেতিয়াৰ পৰাই আজিৰ এই দিনটোত ভাৰতীয় জনতা পাৰ্টীৰ প্ৰতিষ্ঠা দিৱস পালন কৰি অহা হৈছে ।
