হায়দৰাবাদ: অসম আৰক্ষী কনিষ্টবল (AB & UB) পদৰ লিখিত পৰীক্ষাৰ সময়সীমা পুনৰ নিৰ্ধাৰণ কৰা হৈছে । শেহতীয়া ঘোষণা অনুসৰি, পূৰ্বে এই পৰীক্ষা ২৩ মাৰ্চত অনুষ্ঠিত হ’ব লাগিছিল যদিও এতিয়া ৬ এপ্ৰিলত অনুষ্ঠিত হ’ব । অসম আৰক্ষীয়ে সামাজিক মাধ্যম X ত পোষ্ট কৰি এই তথ্য সদৰী কৰে ৷
অসম আৰক্ষীয়ে সামাজিক মাধ্যম X ত কয়, "কনিষ্টবল (AB & UB) আৰু সমতুল্য পদৰ বাবে লিখিত পৰীক্ষা ২০২৫ চনৰ ৬ এপ্ৰিললৈ (আগতে ২৩ মাৰ্চ ২০২৫) পুনৰ নিৰ্ধাৰণ কৰা হৈছে । ১ এপ্ৰিল ২০২৫ তাৰিখে পুৱা ১১ বজাৰ পৰা https://slprbassam.in ৰ পৰা Admit Card ডাউনলোড কৰিব পাৰিব ৷"
Important Update!
— Assam Police (@assampolice) March 16, 2025
The Written Test for Constable (AB & UB) and equivalent posts has been rescheduled to 6th April 2025 (earlier 23rd March 2025).
Admit Cards can be downloaded from 11 AM on 1st April 2025 from https://t.co/l90xuihUdg@himantabiswa
ফলাফলত অনিয়মৰ অভিযোগ উত্থাপন হোৱাৰ পিছতে আৰক্ষী সঞ্চালক প্ৰধান কাৰ্যালয়ৰ বাহিৰত একাংশ অসন্তুষ্ট প্ৰাৰ্থীয়ে স্পষ্টীকৰণৰ দাবীত প্ৰতিবাদ সাব্যস্ত কৰে ৷ ইয়াৰ পাছতেই অসম আৰক্ষী কনিষ্টবল (AB & UB) পদৰ লিখিত পৰীক্ষাৰ দিন সলনি কৰা হয় ।
কাট অফ মাৰ্কক লৈ হোৱা বিতৰ্কক লৈও একাংশ প্ৰাৰ্থীয়ে প্ৰতিক্ৰিয়া ব্যক্ত কৰে ৷
যোগ্য প্ৰাৰ্থীসকলে আবেদন নম্বৰ, নাম আৰু জন্ম তাৰিখ লিখি ১ এপ্ৰিলৰ পৰা অনলাইনযোগে এডমিট কাৰ্ড ডাউনলোড কৰিব পাৰিব ।
ৰাজ্যিক পৰ্যায়ৰ আৰক্ষী নিযুক্তি ব’ৰ্ডে জোৰ দি কয় যে পৰীক্ষাৰ দিনা প্ৰৱেশৰ অনুমতি পাবলৈ প্ৰাৰ্থীসকলে চৰকাৰীভাৱে প্ৰদান কৰা বৈধ ফটো পৰিচয় পত্ৰ - যেনে আধাৰ কাৰ্ড, পেন কাৰ্ড, ড্ৰাইভিং লাইচেন্স বা ভোটাৰ আইডি -ৰ লগতে এডমিট কাৰ্ডৰ ছপা কপি লৈ আহিব লাগিব ।
লগতে পঢ়ক: পলিটেকনিকৰ ৭৩ শিক্ষকক অব্যাহতি; নিয়মীয়া নিযুক্তিৰ বাবে দিবই লাগিব পৰীক্ষা : মুখ্যমন্ত্ৰী
