বিপদত শিক্ষানুষ্ঠান; ফেব্ৰুৱাৰী মাহৰ দৰমহা বন্ধ কৰিবলৈ নিৰ্দেশ বিত্ত বিভাগৰ
Assam Finance department : ফেব্ৰুৱাৰী মাহৰ দৰমহাৰ পৰা বঞ্চিত হ’ব চৰকাৰী কৰ্মচাৰী ৷ ৰাজ্যৰ বিত্ত বিভাগে বৃহস্পতিবাৰে এক নিৰ্দেশনাযোগে সকলো কোষাগাৰ বিষয়ালৈ ফেব্ৰুৱাৰী মাহৰ দৰমহা বন্ধ ৰাখিবলৈ নিৰ্দেশ জাৰি কৰিছে ।
Published : March 1, 2024 at 9:09 AM IST
গুৱাহাটী, 1 মাৰ্চ : ৰাজ্যৰ একাংশ চৰকাৰী কৰ্মচাৰীলৈ দুঃখবৰ ৷ ফেব্ৰুৱাৰী মাহৰ দৰমহা নাপায় ৰাজ্যৰ তিনিটা বিভাগৰ কৰ্মচাৰীয়ে ৷ ৰাজ্যৰ বিত্ত বিভাগে বৃহস্পতিবাৰে প্ৰদান কৰিছে এক নতুন নিৰ্দেশনা ৷ ‘AISHE' (All India Survey on higher education) প'ৰ্টেলত তথ্য নিদিয়া ৰাজ্যৰ উচ্চ শিক্ষাৰ শিক্ষানুষ্ঠানসমূহৰ কৰ্মচাৰীৰ ফেব্ৰুৱাৰী মাহৰ দৰমহা বন্ধ ৰাখিবলৈ ৰাজ্যৰ বিত্ত বিভাগে সকলো কোষাগাৰ বিষয়ালৈ নিৰ্দেশ জাৰি কৰিছে । এই নিৰ্দেশ জাৰি হোৱাৰ পাচতে মহাবিদ্যালয় তথা অসমৰ উচ্চ শিক্ষানুষ্ঠানসমূহত কৰ্মৰত লাখ লাখ চাকৰিয়াল লোকৰ মাজত হাহাকাৰ পৰিৱেশৰ সৃষ্টি হৈছে ।
উল্লেখ্য যে, উচ্চ শিক্ষাৰ শিক্ষানুষ্ঠানসমূহে AISHE প'ৰ্টেলত (All India Survey on Higher Education চমুকৈ AISHE) শুদ্ধ আৰু সম্পূৰ্ণ তথ্য আপলোড কৰিব লাগিব বুলি নিৰ্দেশনাটোত কোৱা হৈছে । তথ্য আপলোড কৰি উচ্চ শিক্ষাৰ শিক্ষানুষ্ঠানসমূহে উচ্চ শিক্ষা বিভাগৰ পৰা প্ৰমাণ-পত্ৰ লৈ কোষাগাৰত জমা দিব লাগিব । এই প্রমাণ-পত্ৰ কোষাগাৰত জমা দিবলৈ ব্যৰ্থ হোৱা উচ্চ শিক্ষাৰ শিক্ষানুষ্ঠানসমূহৰ ক্ষেত্ৰত ফেব্ৰুৱাৰী মাহৰ দৰমহা বন্ধ ৰাখিবলৈ বিত্ত বিভাগে নিৰ্দেশ প্ৰদান কৰিছে ।
উল্লেখ্য যে, শেহতীয়া এই নির্দেশনাই সকলো চৰকাৰী/ প্ৰাদেশীকৃত/ চৰকাৰী আদর্শ/ পণ্ডিত দীনদয়াল উপাধ্যায় আদর্শ মহাবিদ্যালয়, সকলো ৰাজ্যিক বিশ্ববিদ্যালয়, সকলো অভিযান্ত্রিক মহাবিদ্যালয়/ পলিটেকনিক প্রতিষ্ঠান, সকলো বি এড মহাবিদ্যালয়, জিলা শিক্ষা প্রতিষ্ঠান, সকলো চিকিৎসা মহাবিদ্যালয় আৰু পেৰামেডিকেল কলেজ আৰু প্রতিষ্ঠানক সামৰি ল'ব বুলি নিৰ্দেশনাটোত উল্লেখ কৰা হৈছে ।
- " class="align-text-top noRightClick twitterSection" data="">
মন কৰিবলগীয়া যে একাংশ উচ্চ শিক্ষানুষ্ঠানে এই নিৰ্দেশ পালন কৰিছে ।
