গুৱাহাটী: সমগ্ৰ ৰাজ্যজুৰি অনুষ্ঠিত হৈ আছে বাসন্তী পূজা বা চৈত্ৰ নৱৰাত্ৰি ৷ অসমৰ মুখ্যমন্ত্ৰী ড৹ হিমন্ত বিশ্ব শৰ্মাই চৈত্ৰ নৱৰাত্ৰিৰ অন্তিমটো দিন ৰাম নৱমী উপলক্ষে গুৱাহাটীস্থিত নিজ বাসগৃহত পৰিৱেশন কৰে ‘‘মহা আৰতি’’ ৷
ৰাজ্যবাসীক ৰাম নৱমীৰ শুভেচ্ছা জ্ঞাপন কৰি মুখ্যমন্ত্ৰীগৰাকীয়ে সামাজিক মাধ্যম এক্সত এনেদৰে পোষ্ট কৰে, "ৰঘুবংশৰ মুকুটমণি, দশৰথৰ পুত্ৰ, সীতাৰ প্ৰিয় ৰামচন্দ্ৰৰ বিজয়, ৰাম নৱমীৰ আন্তৰিক শুভেচ্ছা ।" পূৰ্বে উত্তৰ প্ৰদেশৰ মুখ্যমন্ত্ৰী যোগী আদিত্যনাথে ৰাম নৱমী উপলক্ষে গোৰখান্থ মন্দিৰত "কন্যা পূজন" পৰিৱেশন কৰে ।
रघुकुल शिरोमणि, दशरथनंदन, सियावर रामचंद्र की जय🚩🕉️
— Himanta Biswa Sarma (@himantabiswa) April 6, 2025
राम नवमी की हार्दिक शुभकामनाएँ🙏 pic.twitter.com/oXvhb3KOuJ
এই পূজনৰ পিছত ভাষণ প্ৰদান কৰি যোগী আদিত্যনাথে ৰাম নৱমীৰ শুভেচ্ছা জ্ঞাপন কৰি ভাৰতীয় সংস্কৃতিত "মাতৃ শক্তি"ৰ তাৎপৰ্যৰ ওপৰত আলোকপাত কৰে । মুখ্যমন্ত্ৰী যোগী আদিত্যনাথে কয়, "ৰাম নৱমী উপলক্ষে সকলোকে শুভেচ্ছা জনাইছো । মোৰ সৌভাগ্য যে মই কন্যা পূজন কৰিলো । মাতৃ শক্তিৰ প্ৰতি ভক্তি ভাৰতীয় সংস্কৃতিত শিপাই আছে আৰু আমি ইয়াক নৱৰাত্ৰিৰ সময়ত দেখিবলৈ পাওঁ ।"
संधि पूजा - अष्टमी का शेष और नवमी का प्रारम्भ - माँ की पूजा के लिए सबसे पवित्र मुहूर्त माना जाता है।
— Himanta Biswa Sarma (@himantabiswa) April 6, 2025
आज प्रातःकाल की पूजा की कुछ झलकियां। pic.twitter.com/4t1szuAgY2
সংস্কৃত ভাষাত "ন ৰাতি" অৰ্থ নৱৰাত্ৰি হৈছে দেৱী দুৰ্গা আৰু তেওঁৰ নটা অৱতাৰক উদযাপন কৰা হিন্দু উৎসৱ, যাক সামূহিকভাৱে নৱদুৰ্গা বুলি জনা যায় । হিন্দুসকলে বছৰটোৰ ভিতৰতে চাৰিখনকৈ নৱৰাত্ৰি পালন কৰে, কিন্তু মাত্ৰ দুখন ক্ৰমে চৈত্ৰ নৱৰাত্ৰি আৰু শাৰদীয় নৱৰাত্ৰি বহুলভাৱে উদযাপন কৰা হয় ৷ কাৰণ এইবোৰ ঋতুৰ পৰিৱৰ্তনৰ লগত মিলি যায় । ভাৰতত নৱৰাত্ৰি বিভিন্ন ৰূপ আৰু পৰম্পৰাৰে পালন কৰা হয় ।
I and Riniki had the great honour of welcoming Hon’ble Governor Shri @Laxmanacharya54 Ji, who very kindly graced us with his presence on the auspicious Kumari Puja at our residence. pic.twitter.com/B0MDbllZlF
— Himanta Biswa Sarma (@himantabiswa) April 6, 2025
ৰাম নৱৰাত্ৰি নামেৰেও পৰিচিত ন-দিনীয়া এই উৎসৱৰ সামৰণি পৰে ভগৱান ৰামৰ জন্মদিন উপলক্ষে ৰাম নৱমীৰ দিনা । সমগ্ৰ উৎসৱটোৰ ন-দিনৰ আটাইকেইটা দিনে ‘শক্তি’(দুৰ্গা) দেৱীৰ নটা অৱতাৰক সন্মান জনোৱাৰ বাবে পালন কৰা হয় ।
সমগ্ৰ ভাৰতবৰ্ষত এই উৎসৱটো অতি ভক্তিৰে পালন কৰা হয়, দেৱীক বিভিন্ন ৰূপত সন্মান জনোৱাৰ লগতে ৰীতি-নীতি আৰু প্ৰাৰ্থনা কৰা হয় । চৈত্ৰ নৱৰাত্ৰি বা বসন্ত নৱৰাত্ৰি ভাৰতত বসন্তকালত উদযাপন কৰা হয় । হিন্দু সমাজৰ বাবে ৯ দিনীয়া এক গুৰুত্বপূৰ্ণ উদযাপন হিচাপে ইয়াক গণ্য কৰা হয় ।
नारी तू नारायणी। 🚩🙏🏽
— Himanta Biswa Sarma (@himantabiswa) April 6, 2025
महा नवमी के पावन अवसर पर नव कन्या को नवदुर्गा के रूप में पूजने का अपार सौभाग्य प्राप्त हुआ। pic.twitter.com/c4rR2XvgDZ
চৈত্ৰ নৱৰাত্ৰিৰ সময়ত সাধাৰণ লোকসকলে উপবাসে থাকি দেৱী দুৰ্গাক পূজা কৰে । দেৱী শক্তিৰ আমন্ত্ৰণ ঘট স্থাপনো কৰা হয়, যিটো সেই সময়ছোৱাত পালন কৰা এক উল্লেখযোগ্য অনুষ্ঠান ।
