আহমেদাবাদ : আল্টিমেট টেবুল টেনিছৰ ষষ্ঠ সংস্কৰণৰ খিতাপ দখল কৰিলে ইউ মুম্বা টিটিয়ে । ইউটিটি ছিজন ৬ৰ গ্ৰেণ্ড ফাইনেলত জয়পুৰ পেট্ৰিয়টছক ৮-৪ পইণ্টত পৰাস্ত কৰি এই খিতাপ দখল কৰে । ইয়াৰ লগে লগে প্ৰথমটো ইউটিটি খিতাপ দখল কৰি ইতিহাস ৰচিলে মুম্বা টিটিয়ে । উৎকৃষ্ট প্ৰদৰ্শনৰ বাবেই এই জয় লাভ কৰে দলটোৱে ।
লিলিয়ান বাৰ্ডেট আৰু বাৰ্ণাডেট চ'কছৰ জয়েৰে ইউ মুম্বা দলটোৱে প্ৰাৰম্ভিক পৰ্যায়ত অগ্ৰগতি লাভ কৰে । ইয়াৰ পিছত চ'কছ আৰু আকাশ পালে মিক্সড ডাবলছত ৩-০ পইণ্টত জয়লাভ কৰি দলটোক জয়ৰ দিশলৈ লৈ যায় । চতুৰ্থখন মেচত যুৱ তাৰকা অভিনন্দন পি বিৰ আকৰ্ষণীয় জয়ৰ লগে লগে দলটোৱে খিতাপ দখল কৰিবলৈ সক্ষম হয় । অৱশ্যে যশস্বিনী ঘোৰপাড়েয়ে ফাইনেল খেলিব নোৱাৰিলে ।
𝐔 𝐌𝐔𝐌𝐁𝐀 𝐓𝐓 - 𝐂𝐇𝐀𝐌𝐏𝐈𝐎𝐍𝐒 𝐀𝐓 𝐋𝐀𝐒𝐓! 🏆🔥@umumba have DONE IT! After six seasons, they finally lift their first-ever IndianOil UTT title - and they do it in style 💥
— Ultimate Table Tennis (@UltTableTennis) June 15, 2025
A dominant 8-4 win over Jaipur Patriots caps off a season to remember 🤩🧡#UTT pic.twitter.com/4AcWS8X6fx
ফাইনেলত সৰ্বশ্ৰেষ্ঠ প্ৰদৰ্শনৰ বাবে আকাশ আৰু চ'কছক ক্ৰমে শ্ৰেষ্ঠ ভাৰতীয় আৰু শ্ৰেষ্ঠ বিদেশী খেলুৱৈৰ সন্মান প্ৰদান কৰা হয় । ইফালে জিৎ চন্দ্ৰই শ্বট অৱ দ্য ফাইনেল খিতাপ লাভ কৰে ।
Total Takeover in the Title Clash 🧡#UTT #UTTSeason6 #UltimateTableTennis pic.twitter.com/x8AuZ3n6KW
— Ultimate Table Tennis (@UltTableTennis) June 15, 2025
ডেম্পো গোৱা চেলেঞ্জাৰ্ছৰ অধিনায়ক হৰমীত দেশাই আৰু ইউ মুম্বা টিটিৰ অধিনায়ক বাৰ্ণাডেট চ'কছে ক্ৰমে ইউটিটি ছিজন ৬ৰ পুৰুষ আৰু মহিলাৰ এমভিপি হিচাপে নিৰ্বাচিত হোৱাৰ বিপৰীতে গোৱাৰ বিৰুদ্ধে কলকাতা থাণ্ডাৰব্লেডছৰ লীগ মঞ্চৰ মেচত কৃত্তিকা সিনহা ৰয়ৰ বিৰুদ্ধে আকৰ্ষণীয় বিজয়ৰ বাবে এড্ৰিয়ানা ডায়েজক শ্বট অৱ দ্য লীগৰ সন্মান প্ৰদান কৰা হয় ।
That's the point 🧡#UTT #UTTSeason6 #UltimateTableTennis pic.twitter.com/G7Zqxl6T55
— Ultimate Table Tennis (@UltTableTennis) June 15, 2025
চেম্পিয়ন হিচাপে ইউ মুম্বাই ৬০ লাখ টকা উপাৰ্জন কৰাৰ বিপৰীতে ৰাণাৰ্ছ আপ জয়পুৰ পেট্ৰিয়টছে ৪০ লাখ টকা লাভ কৰে । ছেমি ফাইনেলিষ্ট দাবাং দিল্লী টিটিচি আৰু চেলেঞ্জাৰ্ছে ১৭.৫ লাখ টকাকৈ লাভ কৰে ।
𝐂𝐡𝐚𝐦𝐩𝐢𝐨𝐧𝐬 𝐠𝐚𝐥𝐥𝐞𝐫𝐲 𝐥𝐨𝐚𝐝𝐢𝐧𝐠…. 🧡#UTT #UTTSeason6 #UltimateTableTennis pic.twitter.com/H4NeS1vQ0a
— Ultimate Table Tennis (@UltTableTennis) June 15, 2025
ইউটিটি ফাইনেল ২০২৫ৰ চূড়ান্ত স্ক'ৰ :
জয়পুৰ পেট্ৰিয়টছৰ বিৰুদ্ধে ইউ মুম্বা টিটিৰ ৮-৪ পইণ্টত বিজয়
- লিলিয়ান বাৰ্ডেটে কনক ঝাক ২-১ (৪-১১, ১১-৫, ১১-৭) পইণ্টত পৰাস্ত কৰে
- বাৰ্ণাডেট চ'কছে শ্ৰীজা আকুলাক ২-১ (১১-৯, ১০-১১, ১১-৫) পইণ্টত পৰাস্ত কৰে
- জিৎ চন্দ্ৰ/ব্ৰিট এৰলেণ্ডক আকাশ পাল/বাৰ্ণাডেট চ'কছে ৩-০ (১১-৬, ১১-৫, ১১-৫) পইণ্টত পৰাস্ত কৰে
- জিৎ চন্দ্ৰৰ হাতত অভিনন্দন পি বি ১-২ (৫-১১, ৮-১১, ১১-৮) পইণ্টত পৰাস্ত হয়
