টেষ্ট ক্ৰিকেটত 10,000 ৰাণ সম্পূৰ্ণ অষ্ট্ৰেলিয়াৰ ক্ৰিকেটাৰ ষ্টিভ স্মিথৰ

নতুন দিল্লী: অষ্ট্ৰেলিয়া ক্ৰিকেট দলৰ প্ৰাক্তন অধিনায়ক তথা সোঁহতীয়া তাৰকা বেটছমেন ষ্টিভ স্মিথে টেষ্ট ক্ৰিকেটত এক নতুন অভিলেখ গঢ়িছে । স্মিথে টেষ্ট ক্ৰিকেটত সম্পূৰ্ণ কৰিছে 10,000 ৰাণ ।

ক্ৰিকেটাৰগৰাকীয়ে শ্ৰীলংকাৰ গালে ক্ৰিকেট ষ্টেডিয়ামত এই গুৰুত্বপূৰ্ণ মাইলৰ খুঁটি স্পৰ্শ কৰে ৷ সম্প্ৰতি গালেত অষ্ট্ৰেলিয়াই শ্ৰীলংকাৰ বিৰুদ্ধে দুখন খেলৰ শৃংখলাৰ প্ৰথমখন টেষ্ট মেচ খেলি আছে ।

টেষ্টত 10,000 ৰাণ সম্পূৰ্ণ ষ্টিভ স্মিথৰ

খেলখনত অষ্ট্ৰেলিয়াৰ প্ৰথম ইনিংছৰ 31 অভাৰৰ দ্বিতীয়টো বলত এক ৰাণ সংগ্ৰহ কৰিয়েই এই কৃতিত্ব গঢ়ে অষ্ট্ৰেলিয়াৰ ক্ৰিকেটাৰগৰাকীয়ে ৷ সেই সময়ত শ্ৰীলংকাৰ স্পিনাৰ প্ৰবাথ জয়সূৰ্যই বলিং কৰি আছিল ৷ এই মাইলৰ খুঁটি অৰ্জন কৰা বিশ্বৰ 15 তম বেটছমেনত পৰিণত হৈছে স্মিথ ৷

ইয়াৰ লগতে টেষ্ট ৰাণৰ ক্ষেত্ৰত স্মিথে যুটীয়াভাৱে বিশ্বৰ দ্বিতীয়গৰাকী বেটছমেন হিচাপে 10,000 দ্ৰুততম ৰাণ সংগ্ৰহ কৰিছে । ব্ৰায়ান লাৰাই মাত্ৰ 111 টা ইনিংছতে এই অভিলেখ অৰ্জন কৰিছিল ৷ আনহাতে, শ্ৰীলংকাৰ প্ৰাক্তন উইকেটকীপাৰ বেটছমেন কুমাৰ ছাংগাকাৰাই 115 টা ইনিংছত আৰু এতিয়া ষ্টিভ স্মিথে 115 টা ইনিংছত এই অভিলেখ স্থাপন কৰে ৷ সমান্তৰালকৈ অষ্ট্ৰেলিয়াৰ হৈ 10,000 টেষ্ট ৰাণ সংগ্ৰহকাৰী পঞ্চমগৰাকী বেটছমেনত পৰিণত হয় ৷

ষ্টিভ স্মিথৰ আকৰ্ষণীয় টেষ্ট কেৰিয়াৰ

ষ্টিভ স্মিথে 2010 চনত অষ্ট্ৰেলিয়াৰ হৈ টেষ্ট ক্ৰিকেটত অভিষেক কৰিছিল । তেওঁ এতিয়ালৈকে 115 খন মেচত 205 টা ইনিংছত 10,001 ৰাণ সংগ্ৰহ কৰিছে । খেলুৱৈগৰাকীৰ গড় হৈছে 55.87, আনহাতে তেওঁৰ ষ্ট্ৰাইক ৰেট হৈছে 35.55 । বৰ্তমানলৈকে টেষ্ট কেৰিয়াৰত 34 টা শতক আৰু 41 টা অৰ্ধশতক অৰ্জন কৰা স্মিথৰ নামত আছে(টেষ্টত) 1,094 টা চাৰি আৰু 58 টা ছয় ৷

লগতে পঢ়ক: আই পি এলৰ পৰৱৰ্তী ছিজনত ৰাজস্থান ৰয়েলছৰ খেলুৱৈক দেখা যাব নতুন ৰূপত