হায়দৰাবাদ : ছানৰাইজাৰ্ছ হায়দৰাবাদ আৰু মুম্বাই ইণ্ডিয়ানছৰ মাজত বুধবাৰে মেচখন চলি থকা সময়তে খেলপথাৰৰ মাজৰ এটা দৃশ্যই সকলোকে আচৰিত কৰি তুলিছিল । অনুৰাগীসকলে ভাবিবলৈ বাধ্য হৈছিল যে এইয়া আম্পায়াৰৰ ভুল নে বেটছমেনৰ । হায়দৰাবাদৰ ৰাজীৱ গান্ধী আন্তঃৰাষ্ট্ৰীয় ষ্টেডিয়ামত অনুষ্ঠিত আই পি এল ২০২৫ৰ ৪১ সংখ্যক মেচখনত এক অদ্ভুত ঘটনাৰ বলি হ’ল ঈশান কিষাণ ।
এই মেচত আম্পায়াৰে আউট নিদিয়া সত্ত্বেও হায়দৰাবাদৰ বিস্ফোৰক বেটছমেন ঈশান কিষাণ খেলৰ মাজতে হঠাৎ পেভিলিয়নলৈ উভতি আহে । খেলপথাৰত লাগি থকা স্কীনটো দেখা গৈছিল যে বাওঁহাতৰ বেটছমেনজনৰ বেটখনে বলটো স্পৰ্শ কৰা নাছিল যদিও তেওঁ পেভিলিয়নলৈ উভতি যোৱাৰ সিদ্ধান্ত লৈছিল । এই সমগ্ৰ ঘটনাই খেলপথাৰত আৰু পৰ্দাত খেলখন চাই থকা সকলো অনুৰাগীক স্তম্ভিত কৰি তুলিছে ।
Fairplay or facepalm? 🤯
— Star Sports (@StarSportsIndia) April 23, 2025
Ishan Kishan walks... but UltraEdge says 'not out!' What just happened?!
Watch the LIVE action ➡ https://t.co/sDBWQG63Cl #IPLonJioStar 👉 #SRHvMI | LIVE NOW on Star Sports 1, Star Sports 1 Hindi & JioHotstar! pic.twitter.com/bQa3cVY1vG
দৰাচলতে কিষাণ পেভিলিয়নলৈ উভতি অহাৰ পাছতহে আম্পায়াৰে আঙুলি দাঙে । দীপক চহৰৰ তৃতীয় অভাৰত এই ঘটনাটো সংঘটিত হয়, যেতিয়া বলটো লেগৰ তললৈ গৈ থকা অৱস্থাত বেটছমেনে ফাইন লেগৰ দিশে লৈ যাবলৈ চেষ্টা কৰে । অৱশ্যে এম আইৰ প্ৰাক্তন বেটছমেনগৰাকীয়ে শ্বটটো মিছ কৰাৰ পাছত উইকেটৰ পিছফালৰ পৰা উইকেটকীপাৰে বলটো কেচ কৰে ৷
ঈশান কিষাণ নিজেই পেভিলিয়নলৈ উভতি আহিছিল
আম্পায়াৰে ৱাইড ছিগনেল দিবলৈ ওলোৱা সময়তে, ২৬ বছৰীয়া খেলুৱৈগৰাকীয়ে খোজকাঢ়ি খেলপথাৰলৈ যোৱাৰ সিদ্ধান্ত লয় । কোনেও আবেদন কৰিবলৈ আগ্ৰহ প্ৰকাশ কৰা নাছিল আৰু আম্পায়াৰকো বিভ্ৰান্তত পৰা যেন লাগিছিল যদিও অৱশেষত তেওঁ আঙুলিটো ওপৰলৈ তুলিলে । এম আইৰ অধিনায়ক হাৰ্দিক পাণ্ডিয়াই কিষাণৰ এই পদক্ষেপৰ শলাগ লৈ হেলমেটত থপৰিয়াই দিয়ে । ইয়াৰ লগতে এম আইৰ আন একাংশ খেলুৱৈয়েও তেওঁৰ খেলুৱৈ মনোভাৱক প্ৰশংসা কৰে ।
অৱশ্যে ৰিপ্লেত যি দেখিলে, সেইয়া দেখি কিষাণো স্তম্ভিত হৈ পৰে । বলটো তেওঁৰ বেটত স্পৰ্শ নকৰাকৈ উইকেটকীপাৰৰ গ্ল’ভছত সোমাই যায় ৷ যাৰবাবে কোনেও আবেদন নকৰিলে আৰু আম্পায়াৰেও তেওঁক আউট দিব নিবিচাৰিছিল ৷ কিন্তু বেটছমেনজনে নিজেই পেভিলিয়নমুখী হোৱাত আম্পায়াৰে তেওঁক আউট ঘোষণা কৰে । ইয়াৰ পিছত ঈশানক নিজৰ সিদ্ধান্তত অনুতপ্ত হোৱা যেন দেখা যায় । কিষাণে এই পৰ্যন্ত প্ৰতিযোগিতাখনত গড়ে ২৩.১৬ আৰু ষ্ট্ৰাইক ৰেট ১৬৩.৫২ ত ১৩৯ ৰাণ সংগ্ৰহ কৰিছে ।
