বেংগালুৰু : ৰয়েল চেলেঞ্জাৰছ বেংগালুৰু (আৰ চি বি)ৰ অধিনায়ক ৰজত পাটিদাৰ আই পি এলত সৰ্বনিম্ন ইনিংছ খেলি ১০০০ ৰাণ সংগ্ৰহ কৰা দ্বিতীয়জন ভাৰতীয় ক্ৰিকেটাৰ হিচাপে পৰিগণিত হৈছে । আই পি এল ২০২৫ৰ ৩৪ সংখ্যক মেচত পঞ্জাব কিংছৰ বিৰুদ্ধে ৩০ সংখ্যক ইনিংছত তেওঁ এই কৃতিত্ব অৰ্জন কৰে । ৰজতে ১৮টা বলত ২৩ ৰাণৰ ইনিংছ খেলিছিল ।
আই পি এলত ভাৰতীয় বেটছমেনে সৰ্বনিম্ন ইনিংছ কৰাৰ অভিলেখ আছে ছাই সুদৰ্শনৰ নামত । তেওঁ মাত্ৰ ২৫ ইনিংছত এই কৃতিত্ব অৰ্জন কৰে । এতিয়া এই তালিকাত দ্বিতীয় স্থানত আহিছে ৰজত পাটিদাৰ । তেওঁ ৩০ ইনিংছত এই কৃতিত্ব অৰ্জন কৰি শচীন তেণ্ডুলকাৰক তৃতীয় স্থানলৈ ঠেলি দিছে, তেণ্ডুলকাৰে ৩১ ইনিংছত ১০০০ ৰাণ সংগ্ৰহ কৰিছিল ।
Milestone Unlocked 🔓
— IndianPremierLeague (@IPL) April 18, 2025
1️⃣0️⃣0️⃣0️⃣ runs and counting in the #TATAIPL for Rajat Patidar 👏
How many runs will the #RCB skipper score tonight? 🤔#RCBvPBKS | @rrjjt_01 pic.twitter.com/syF6DiPadQ
আই পি এলৰ ১০০০ ৰাণৰ সৰ্বনিম্ন ইনিংছ (ভাৰতীয়)
- ২৫ - ছাই সুদৰ্শন
- ৩০ – ৰজত পাটিদাৰ*
- ৩১ – শচীন তেণ্ডুলকাৰ
- ৩১- ঋতুৰাজ গাইকোৱাদ
- ৩৩- তিলক বাৰ্মা
আৰ চি বিৰ হৈ ১০০০ৰো অধিক ৰাণ সংগ্ৰহ কৰা তৃতীয়জন ভাৰতীয় খেলুৱৈ
ইয়াৰ উপৰিও ৰজত পাটিদাৰে বিৰাট কোহলী আৰু দেৱদত্ত পাদিক্কালৰ পিছত আই পি এলত আৰ চি বিৰ হৈ ১০০০ৰো অধিক ৰাণ সংগ্ৰহ কৰা তৃতীয়জন ভাৰতীয় খেলুৱৈ হিচাপেও পৰিগণিত হৈছে ।
Innings Break!
— IndianPremierLeague (@IPL) April 18, 2025
Dominant bowling show from #PBKS restrict #RCB to 95/9 👊
Chase on the other side ⌛️
Scorecard ▶ https://t.co/7fIn60rqKZ #TATAIPL | #RCBvPBKS pic.twitter.com/FTqo5FErfy
পঞ্জাৱক ৯৬ ৰাণৰ লক্ষ্য দিয়ে আৰ চি বিয়ে
মেচখনৰ কথা ক’বলৈ গ’লে বৰষুণৰ মাজত বাধাপ্ৰাপ্ত ১৪ অভাৰৰ মেচখনত পঞ্জাব কিংছে (পি বি কে এছ) টছত জয়লাভ কৰি প্ৰথমে বলিং কৰাৰ সিদ্ধান্ত লয় । ইফালে প্ৰথমে বেটিং কৰা ৰয়েল চেলেঞ্জাৰছ বেংগালুৰু (আৰ চি বি)ৱে ৯টা উইকেট হেৰুৱাই ৯৫ ৰাণ সংগ্ৰহ কৰে । যাৰ ভিতৰত আছে টীম ডেভিদৰ ৫০ ৰাণৰ উজ্জ্বল ইনিংছ । ইয়াৰ বাহিৰে আন কোনো আৰ চি বিৰ বেটছমেনে প্ৰদৰ্শন কৰিব নোৱাৰিলে ।
