লৰ্ডছ : লণ্ডনৰ লৰ্ডছ ক্ৰিকেট খেলপথাৰত দক্ষিণ আফ্ৰিকা আৰু অষ্ট্ৰেলিয়াৰ মাজত অনুষ্ঠিত হৈছে বিশ্ব টেষ্ট চেম্পিয়নশ্বিপৰ তৃতীয় ৰাউণ্ডৰ (২০২৩-২৫) ফাইনেল । এই মেচখনত অষ্ট্ৰেলিয়াৰ অধিনায়ক পেট কামিন্সে বলৰ সৈতে উজ্জ্বল প্ৰদৰ্শন আগবঢ়ায় । দক্ষিণ আফ্ৰিকাৰ প্ৰথম ইনিংছত কামিন্সে ৬টা উইকেট দখল কৰে । কামিন্সৰ ধুমুহাময় বলিঙৰ বাবে দক্ষিণ আফ্ৰিকাৰ প্ৰথম ইনিংছ ১৩৮ ৰাণলৈ হ্ৰাস পায় । অষ্ট্ৰেলিয়াই প্ৰথম ইনিংছত ২১২ ৰাণ সংগ্ৰহ কৰিছিল । অৰ্থাৎ প্ৰথম ইনিংছৰ ভিত্তিত কেংগাৰু দলটোৱে ৭৪ ৰাণৰ অগ্ৰগতি লাভ কৰে ।
পেট কামিন্সে নৱমবাৰৰ বাবে টেষ্ট ইনিংছত ৫ বা তাতকৈ অধিক উইকেট দখল কৰিছে । টেষ্ট ক্ৰিকেটত অধিনায়ক হিচাপে এটা ইনিংছত পাঁচটা উইকেট লাভ কৰাৰ ক্ষেত্ৰত এতিয়া যৌথভাৱে দ্বিতীয় স্থানত আছে কামিন্স । কামিন্সে ভাৰতৰ প্ৰয়াত স্পিনাৰ বিষান সিং বেদীক চেৰ পেলাইছে । পাকিস্তানৰ অধিনায়ক হিচাপে ইমৰাণ খানে ১২ বাৰকৈ এটা ইনিংছত ৫ বা তাতকৈ অধিক উইকেট দখল কৰি শীৰ্ষত আছে ।
Australia skipper Pat Cummins rips through the Proteas batting with a five-for in the Ultimate Test 🔥#WTC25 #SAvAUS ✍️: https://t.co/BZICeC71OJ pic.twitter.com/fbyGItEvGh
— ICC (@ICC) June 12, 2025
অধিনায়ক হিচাপে সৰ্বাধিক ৫ উইকেট লাভ
- ১২- ইমৰাণ খান (পাকিস্তান)
- ৯- ৰিচি বেনাউড (অষ্ট্ৰেলিয়া)
- ৯- পেট কামিন্স (অষ্ট্ৰেলিয়া)
- ৮- বিষান সিং বেদী (ভাৰত)
- ৭- কৰ্টনী ৱালছ (ৱেষ্ট ইণ্ডিজ)
ইফালে পেট কামিন্সেও টেষ্ট ক্ৰিকেটত নিজৰ ৩০০ উইকেট সম্পূৰ্ণ কৰিছে । পেট কামিন্স হৈছে ৩০০ টেষ্ট উইকেট দখল কৰা অষ্টমজন অষ্ট্ৰেলিয়ান বলাৰ । টেষ্ট ক্ৰিকেটত কামিন্সে ৪৫.৭ ষ্ট্ৰাইক ৰেটেৰে এই কৃতিত্ব অৰ্জন কৰিছে । টেষ্ট ক্ৰিকেটত নূন্যতম ৩০ উইকেট দখল কৰাৰ ক্ষেত্ৰত কামিন্সৰ ষ্ট্ৰাইক ৰেট চতুৰ্থ শ্ৰেষ্ঠ ।
টেষ্টত শ্ৰেষ্ঠ ষ্ট্ৰাইক ৰেট (নূন্যতম ৩০০ উইকেট)
- ৩৯.১- কাগিছ’ ৰাবাডা (দক্ষিণ আফ্ৰিকা)
- ৪২.৩- ডেল ষ্টেইন (দক্ষিণ আফ্ৰিকা)
- ৪৩.৪- ৱাকাৰ ইউনাছ (পাকিস্তান)
- ৪৫.৭- পেট কামিন্স (অষ্ট্ৰেলিয়া)
- ৪৬.৭- মেলকম মাৰ্শ্বেল (ৱেষ্ট ইণ্ডিজ)
লৰ্ডছ ক্ৰিকেট খেলপথাৰত টেষ্ট ইনিংছত ৫ বা তাতকৈ অধিক উইকেট দখল কৰা চতুৰ্থজন অধিনায়ক পেট কামিন্স । ইংলেণ্ডৰ গাবি এলেনে ১৯৩৬ চনত ভাৰতৰ বিৰুদ্ধে টেষ্ট খেলত দুবাৰকৈ এই কৃতিত্ব অৰ্জন কৰিছিল । তাৰ পিছত বব উইলিছ আৰু ডেনিয়েল ভেট্টৰীয়েও এই ঐতিহাসিক কৃতিত্ব অৰ্জন কৰিছিল ।
লৰ্ডছত পাঁচ উইকেটৰ অধিনায়ক (টেষ্ট ইনিংছ)
- ৫/৩৫ আৰু ৫/৪৩- গাবি এলেন (ইংলেণ্ড) বনাম ভাৰত, ১৯৩৬
- ৬/১০১- বব উইলিছ (ইংলেণ্ড) বনাম ভাৰত, ১৯৮২
- ৫/৬৯- ডেনিয়েল ভেট্টোৰি (নিউজীলেণ্ড) বনাম ইংলেণ্ড, ২০০৮
- ৫/২৮- পেট কামিন্স (অষ্ট্ৰেলিয়া) বনাম দক্ষিণ আফ্ৰিকা, ২০২৫ চনত
