স্পৰ্টছ ডেস্ক, ৬ আগষ্ট : ছুইডেনৰ তাৰকা প'ল ভ'ল্টাৰ আৰ্মাণ্ড মণ্ডো ডুপ্লাণ্টিছে পেৰিছ অলিম্পিকত নৱমবাৰৰ বিশ্ব অভিলেখ ভংগ কৰি স্বৰ্ণ পদক জয় কৰে । লগতে বিশ্ব ক্ৰীড়া ইতিহাসক নিজৰ উৎকৃষ্টতা প্ৰদৰ্শনেৰে এক নতুন মাত্ৰা প্ৰদান কৰে । সোমবাৰে তেওঁৰ তৃতীয়টো প্ৰচেষ্টাত ৬.২৫ মিটাৰ দূৰত্ব অতিক্ৰম কৰি পূৰ্বৰ অভিলেখৰ সীমা অতিক্ৰম কৰে । তেওঁৰ বিশ্ব অভিলেখ আৰু আধিপত্যই দেখুৱায় যে তেওঁ এই ইভেণ্টটোৰ অবিসম্বাদী সম্ৰাট ।
HE DID IT!
— ً ً (@washedszns) August 5, 2024
ARMAND MONDO DUPLANTIS just cleared 6.25m!
- New Olympic Record
- New World Record
- New Personal Best Record
- New Season's Best Record
CONGRATULATIONS, DUPLANTIS. GOAT.
2X OLYMPIC GOLD MEDALIST pic.twitter.com/ehMuq5HXd6
আটাইতকৈ আচৰিত কথাটো হৈছে যে তেওঁ প'ল ভ'ল্টত বিশ্ব অভিলেখ ভংগ কৰা এইটোৱেই প্ৰথম বা দ্বিতীয় ঘটনা নহয় । ছুইডিছ খেলুৱৈগৰাকীয়ে নৱমবাৰৰ বাবে এনে এক উল্লেখযোগ্য কৃতিত্ব অৰ্জন কৰে আৰু ২০২০ চনৰ ৮ ফেব্ৰুৱাৰীত আৰম্ভ কৰা তেওঁৰ অভিলেখ ভংগৰ ধাৰা অব্যাহত ৰাখে । ইয়াৰ উপৰি মণ্ডোৰ এইটো হৈছে একেৰাহে দ্বিতীয়টো অলিম্পিক স্বৰ্ণ । এই প্ৰতিযোগিতাত আমেৰিকাৰ ছেম কেণ্ড্ৰিক্সে ৰূপৰ পদক অৰ্জন কৰে । আনহাতে, গ্ৰীচৰ এমেনাউলি কাৰ্লিছে ব্ৰঞ্জৰ পদক লাভ কৰে । ডুপ্লাণ্টিছে ২০২০ চনত ৰেকৰ্ড ভংগৰ এটা ধাৰা আৰম্ভ কৰিছিল আৰু একেৰাহে ৮ বাৰ অভিলেখ ভংগ কৰিছে ।
9 world records (currently 6.25m), 2 time Olympic champion, 2 time world champion outdoor and 2 time indoor, 3 time European champion and 3 time diamond league champion. Armand “Mondo” Duplantis is one of the greatest athletes of all time pic.twitter.com/bcoG2FgEsB
— m⁷ 아포방포 (@blushingk00) August 5, 2024
মণ্ডোৱে আৰম্ভণিতেই 6.10 মিটাৰ জঁপিয়াই এই ইভেণ্টটোত সোণৰ পদক সুৰক্ষিত কৰিছিল । কিন্তু তেওঁ বিশ্ব ৰেকৰ্ড স্থাপনৰ লক্ষ্যৰে বাৰৰ সীমা অধিক ওপৰলৈ উঠোৱাৰ সিদ্ধান্ত লয় । অৱশ্যে তেওঁ প্ৰথম প্ৰয়াসটোত বিফল হয় । ইয়াৰ পিচত ১০০ মিটাৰৰ পদক সমাৰোহ অনুষ্ঠিত হোৱাৰ বাবে সাময়িক বিৰতি আহে ।
তাৰ পিচত ২৪ বছৰীয়া এথলীটগৰাকীয়ে তেওঁৰ দ্বিতীয়টো প্ৰয়াসতো বিফল হয় । কিন্তু তেওঁ চেষ্টা এৰি দিয়া নাছিল আৰু অন্তিম প্ৰচেষ্টাত এই কৃতিত্ব অৰ্জন কৰিবলৈ মনোবল দৃঢ় কৰিছিল । মণ্ডোৱে অৱশেষত অন্তিম প্ৰচেষ্টাত সফল হয় আৰু বিজয়ৰ গৰ্জন তোলে আৰু এই গৌৰৱময় সাফল্য উদযাপন কৰে ।
