চিৰাজ-কৃষ্ণৰ সন্মুখত আঁঠু ল'লে ইংলেণ্ডে, শৃংখলাত সমতা স্থাপন

লণ্ডন : লণ্ডনৰ অভালত অনুষ্ঠিত পঞ্চম টেষ্টত ইংলেণ্ডক ৬ ৰাণত পৰাস্ত কৰে ভাৰতে । ইয়াৰ লগে লগে পাঁচখন মেচৰ শৃংখলাটো ২-২ ব্যৱধানত সমতা স্থাপন কৰে ।

৩৭৪ ৰাণৰ লক্ষ্য খেদি খেদি ইংলেণ্ডৰ সমগ্ৰ দলটোৱে দ্বিতীয় ইনিংছত ৩৬৭ ৰাণ সংগ্ৰহ কৰি অল আউট হৈছিল । মহম্মদ চিৰাজে ৫টা উইকেট দখল কৰি টিম ইণ্ডিয়াৰ জয়ত আটাইতকৈ গুৰুত্বপূৰ্ণ ভূমিকা পালন কৰাৰ বিপৰীতে প্ৰসিদ্ধ কৃষ্ণই ৪টা উইকেট দখল কৰে । ইয়াৰ উপৰিও ছিৰিজত সৰ্বাধিক উইকেট (২৩) দখল কৰা বলাৰ হিচাপে পৰিগণিত হৈছে ছিৰাজ ।

শুভমন গিলে ইতিহাস সৃষ্টি কৰিলে

এই দৰ্শনীয় জয়ৰ জৰিয়তে অধিনায়ক শুভমন গিলেও ইতিহাসৰ সৃষ্টি কৰিছে । লণ্ডনৰ অভেল খেলপথাৰত টেষ্ট মেচত জয়ী হোৱা তৃতীয়জন ভাৰতীয় অধিনায়ক হিচাপে পৰিগণিত হৈছে তেওঁ । ইয়াৰ পূৰ্বে ২০২১ চনত ইয়াত বিৰাট কোহলীয়ে আৰু ১৯৭১ চনত অজিত ৱাডেকাৰে জয়লাভ কৰিছিল ।

মেচখনৰ নায়ক হৈ পৰিল ছিৰাজ

অভাল টেষ্টৰ পঞ্চম দিনা ভাৰতক জয়ী হ’বলৈ ৪ উইকেটৰ প্ৰয়োজন হোৱাৰ বিপৰীতে ইংলেণ্ডক ৩৫ ৰাণৰ প্ৰয়োজন হৈছিল । খেল আৰম্ভ হোৱাৰ লগে লগে ভাৰতে ২৯ ৰাণত ৪ উইকেট দখল কৰে । খেলখনৰ নায়ক হিচাপে পৰিগণিত হোৱা ছিৰাজে চাৰিটা উইকেটৰ ভিতৰত তিনিটা উইকেট দখল কৰাৰ বিপৰীতে কৃষ্ণই এটা উইকেট লাভ কৰে ।

সমগ্ৰ খেলখনত মুঠ ৯টা উইকেট দখল কৰিবলৈ সক্ষম হয় ছিৰাজে । লগতে প্ৰথম ইনিংছত ৪টা উইকেট দখল কৰে । আনহাতে প্ৰসিদ্ধ কৃষ্ণইও খেলখনত ৮টা উইকেট দখল কৰি ভাৰতৰ জয়ত ডাঙৰ ভূমিকা পালন কৰিছিল ।

আনকি ৰুট আৰু ব্ৰুকছৰ শতকেও ইংলেণ্ডক জয়ত সহায় কৰিব নোৱাৰিলে

আনহাতে, ইংলেণ্ডৰ হৈ হেৰী ব্ৰুক আৰু জো ৰুটে শতক অৰ্জন কৰি চতুৰ্থ উইকেটৰ বাবে ১৯৫ ৰাণৰ অংশীদাৰিত্ব ভাগ কৰে । ব্ৰুক ১১১ ৰাণ আৰু ৰুটে ১০৫ ৰাণ সংগ্ৰহ কৰে ।

এনে লাগিছিল যে মেচখন ভাৰতৰ পৰা বহু দূৰলৈ গৈছে । কিন্তু যেতিয়া খেলখনৰ চতুৰ্থ দিনৰ অন্তিম মেচত ভাৰতে প্ৰতিশোধ লয় আৰু ইংলেণ্ডৰ জয় পৰাজয়লৈ পৰিণত হয় ।