নতুন দিল্লী: ভাৰতীয় কিংবদন্তি উইকেটকীপাৰ-বেটছমেন তথা প্ৰাক্তন অধিনায়ক এম এছ ধোনীক আই চি চিৰ সন্মানীয় হল অৱ ফেমত অন্তৰ্ভুক্ত কৰা হৈছে ৷ এই একচেটিয়া তালিকাত অন্তৰ্ভুক্ত হোৱা ৭ গৰাকী কিংবদন্তিৰ ভিতৰত বিশ্বকাপ বিজয়ী প্ৰাক্তন অধিনায়কগৰাকীও অন্যতম বুলি আন্তঃৰাষ্ট্ৰীয় ক্ৰিকেট পৰিষদে সোমবাৰে অৰ্থাৎ ৯ জুনত লণ্ডনত অনুষ্ঠিত এক বিশেষ অনুষ্ঠানত ঘোষণা কৰে ৷
শান্ত আচৰণ আৰু অতুলনীয় দক্ষতাৰ বাবে পৰিচিত এম এছ ধোনীৰ খেলৰ সৰ্বশ্ৰেষ্ঠ ফিনিছাৰ, লীডাৰ আৰু উইকেটকীপাৰ হিচাপে আই চি চি ক্ৰিকেট হল অৱ ফেমত অন্তৰ্ভুক্তৰে সন্মানিত কৰা হৈছে ৷ আই চি চিৰ বিবৃতিত কোৱা হৈছে, "ধোনীয়ে সকলো ফৰ্মেটতে উইকেট কিপিঙত নিজৰ সময়তকৈ আগবাঢ়ি আছিল, কিন্তু হয়তো বগা বলৰ বিৰুদ্ধে তেওঁ সৰ্বোত্তম প্ৰদৰ্শন আগবঢ়াইছিল ৷"
Unorthodox, unconventional and effective 🙌
— ICC (@ICC) June 9, 2025
A cricketer beyond numbers and statistics 👏
MS Dhoni is inducted in the ICC Hall of Fame 🥇
More ➡️ https://t.co/oV8mFaBfze pic.twitter.com/AGRzL0aP79
ভাৰতৰ এইগৰাকী মহান খেলুৱৈ আই চি চিৰ তিনিওখন বগা বল প্ৰতিযোগিতাতে জয়লাভ কৰা একমাত্ৰ অধিনায়ক, তেওঁ ২০০৭ চনত উদ্বোধনী আই চি চি পুৰুষৰ টি-২০ বিশ্বকাপ, ২০১১ চনত ৫০ অভাৰৰ বিশ্বকাপ আৰু ২০১৩ চনত আই চি চি চেম্পিয়নছ ট্ৰফীত ভাৰতক সফলতাৰ মুখ দেখুৱাইছিল ৷
The seven new inductees for the ICC Hall of Fame have been confirmed 🙌
— ICC (@ICC) June 9, 2025
Details 👇https://t.co/fREMwMjIkB
তিনিওটা ফৰ্মেটতে ধোনীৰ পৰিসংখ্যা
- ৯০ খন টেষ্ট - গড়ে ৩৮.০৮, ৪,৮৭৬ ৰাণ আৰু ২৯৪ উইকেট
- ৩৫০ খন এদিনীয়া - গড়ে ৫০.৫৭, ১০,৭৭৩ ৰাণ আৰু ৪৪৪ উইকেট
- ৯৮ খন টি-২০ - গড়ে ৩৭.৬০, ১,৬১৭ ৰাণ আৰু ৯১ উইকেট
আই চি চি হল অৱ ফেমত স্থান লাভ কৰা ১১ সংখ্যক ভাৰতীয় ধোনী
আই চি চিৰ হল অৱ ফেমত অন্তৰ্ভুক্ত হোৱা ১১ সংখ্যক ভাৰতীয় হিচাপে পৰিগণিত হৈছে এম এছ ধোনী ৷ তেওঁৰ পূৰ্বে মহান শচীন তেণ্ডুলকাৰ, সুনীল গাভাস্কাৰ, অনিল কুম্বলেৰ দৰে আন আন কিংবদন্তি ভাৰতীয়ই এই তালিকাত স্থান লাভ কৰিছে ৷
2⃣0⃣0⃣7⃣ ICC World T20 winning captain
— BCCI (@BCCI) June 9, 2025
2⃣0⃣1⃣1⃣ ICC Cricket World Cup winning captain
2⃣0⃣1⃣3⃣ ICC Champions Trophy winning captain
1️⃣ Led India to the top spot in ICC Test rankings for the first time in 2009 🙌
Congratulations to the legendary former #TeamIndia Captain MS… pic.twitter.com/vVI3U7kQKv
আই চি চি হল অৱ ফেমত অন্তৰ্ভুক্ত ভাৰতীয় খেলুৱৈৰ সম্পূৰ্ণ তালিকা (বছৰৰ সৈতে):
- বিষেন বেদী - ২০০৯
- কপিল দেৱ - ২০০৯
- সুনীল গাভাস্কাৰ - ২০০৯
- অনিল কুম্বলে - ২০১৫
- ৰাহুল দ্ৰাবিড় - ২০১৮
- শচীন তেণ্ডুলকাৰ - ২০১৯
- ভিনু মানকদ - ২০২১
- ডায়েনা এডুলজি - ২০২৩
- বীৰেন্দ্ৰ সেহৱাগ - ২০২৩
- নীতু ডেভিদ - ২০২৩
- এম এছ ধোনী - ২০২৫
আই চি চি হল অৱ ফেমত অন্তৰ্ভুক্ত হোৱাৰ পিছত ধোনীৰ প্ৰতিক্ৰিয়া
প্ৰাক্তন ভাৰতীয় ক্ৰিকেটাৰ এম এছ ধোনীয়ে হল অৱ ফেমত অন্তৰ্ভুক্ত হোৱাৰ বাবে কৃতজ্ঞতা প্ৰকাশ কৰে ৷ ধোনীয়ে কয়, "বিশ্বৰ কেইবাটাও প্ৰজন্মৰ ক্ৰিকেটাৰৰ অৱদানক স্বীকৃতি দিয়া আই চি চি হল অৱ ফেমত অন্তৰ্ভুক্ত হোৱাটো এক সন্মানৰ কথা ৷ এনে সৰ্বকালৰ মহান ব্যক্তিৰ কাষত আপোনাৰ নামটো মনত ৰখাটো এক আচৰিত অনুভৱ ৷ এইটো মই সদায় সজীৱ কৰি ৰাখিম৷"
উল্লেখ্য যে, এইবাৰ মুঠ ৫ জন পুৰুষ আৰু ২ গৰাকী মহিলা ক্ৰিকেটাৰক এই সন্মানীয় তালিকাত অন্তৰ্ভুক্ত কৰা হৈছে ৷ অষ্ট্ৰেলিয়াৰ প্ৰাক্তন ক্ৰিকেটাৰ মেথিউ হেডেন, দক্ষিণ আফ্ৰিকাৰ হাছিম আমলা, গ্ৰেম স্মিথ আৰু নিউজীলেণ্ডৰ ডেনিয়েল ভেট’ৰীৰ দৰে খেলুৱৈকো হল অৱ ফেমত অন্তৰ্ভুক্ত কৰা হৈছে ৷ একে সময়তে ইংলেণ্ডৰ কিংবদন্তি চাৰা টেইলৰ আৰু পাকিস্তানৰ আইকন ছানা মিৰকো আই চি চি হল অৱ ফেমত অন্তৰ্ভুক্ত কৰা হয় ৷
