মুল্লানপুৰ : আই পি এল ২০২৫ৰ এলিমিনেটৰত মুম্বাই ইণ্ডিয়ানছে গুজৰাট টাইটানছক ২০ ৰাণত পৰাস্ত কৰে । এই জয়ৰ জৰিয়তে মুম্বাইয়ে নিজকে ফাইনেলৰ দৌৰত ৰাখি কোৱালিফায়াৰ ২ত স্থান লাভ কৰিছে । ইফালে এই পৰাজয়ৰ লগে লগে আই পি এল ২০২৫ত গুজৰাটৰ যাত্ৰাৰ অন্ত পৰিছে ।
এতিয়া অহা ১ জুনত আহমেদাবাদৰ নৰেন্দ্ৰ মোদী ষ্টেডিয়ামত কোৱালিফায়াৰ ২ত পাঞ্জাব কিংছৰ বিৰুদ্ধে খেলিব মুম্বাই ইণ্ডিয়ানছে । এই মেচত জয়ী হোৱা দলটোৱে অহা ৩ জুনত ফাইনেলত প্ৰৱেশ কৰিব, য’ত ৰয়েল চেলেঞ্জাৰছ বেংগালুৰুৰ বিৰুদ্ধে খেলিব ।
Next stop: Qualifier 2️⃣ 😍@mipaltan are all set to meet the @PunjabKingsIPL for a ticket to glory 🎟
— IndianPremierLeague (@IPL) May 30, 2025
Scorecard ▶ https://t.co/R4RTzjQfph#TATAIPL | #GTvMI | #Eliminator | #TheLastMile pic.twitter.com/vK0oAjcG5s
মুম্বাইৰ বিৰুদ্ধে পৰাস্ত হৈ আই পি এল ২০২৫ৰ পৰা বাহিৰ গুজৰাট
এই খেলখনত মুম্বাই ইণ্ডিয়ানছে টছত জয়ী হৈ প্ৰথমে বেটিং কৰি ২০ অভাৰত ৫টা উইকেট হেৰুৱাই ২২৮ ৰাণ সংগ্ৰহ কৰে । গুজৰাট টাইটানছে ২২৯ ৰাণৰ লক্ষ্য অনুসৰণ কৰি ২০ অভাৰত ৬ উইকেট হেৰুৱাই ২০৮ ৰাণহে সংগ্ৰহ কৰিবলৈ সক্ষম হয় আৰু মেচখন ২০ ৰাণত পৰাস্ত হয় । মুম্বাইৰ হৈ ৰোহিত শৰ্মাই অৰ্ধশতকৰ এক উজ্জ্বল ইনিংছ খেলিছিল ।
ছাই সুদৰ্শন আৰু ৱাশ্বিংটন সুন্দৰে বেটেৰে দেখুৱালে নিজৰ যাদু
গুজৰাট টাইটানছৰ হৈ ইনিংছ মুকলি কৰিবলৈ আহিছিল ছাই সুদৰ্শন আৰু শুভমন গিল । গুজৰাটে প্ৰথমটো আঘাত লাভ কৰে যেতিয়া ট্ৰেণ্ট ব’ল্টে ইনিংছৰ চতুৰ্থ বলত গিলক ১ ৰাণত আউট কৰে । ইয়াৰ পিছত কুছাল মেণ্ডিছ আৰু সুদৰ্শনৰ মাজত দ্বিতীয় উইকেটৰ বাবে ৬৪ ৰাণৰ অংশীদাৰিত্ব হয় । কিন্তু মেণ্ডিছে ২০ ৰাণ সংগ্ৰহ কৰি ছাণ্টনাৰৰ বলত হিট উইকেট আউট হয় ।
𝗢𝗻𝗲. 𝗦𝘁𝗲𝗽. 𝗖𝗹𝗼𝘀𝗲𝗿. 🔥#MumbaiIndians #PlayLikeMumbai #TATAIPL #GTvMI pic.twitter.com/NIWegJY551
— Mumbai Indians (@mipaltan) May 30, 2025
ইয়াৰ পিছতে ৱাশ্বিংটন সুন্দৰৰ সৈতে সুদৰ্শনে তৃতীয় উইকেটৰ বাবে ৮৪ ৰাণৰ অংশীদাৰিত্ব কৰে । গুজৰাটে তৃতীয়টো আঘাত লাভ কৰে যেতিয়া জছপ্ৰিত বুমৰাহে সুন্দৰক এটা উজ্জ্বল য়ৰ্কাৰে বল কৰে । সুন্দৰে ২৪টা বলত ৫টা চাৰি আৰু ৩টা ছয়ৰে ৪৮ ৰাণৰ ইনিংছ খেলিছিল । ইয়াৰ পাছতে গুজৰাটৰ হৈ সৰ্বাধিক ৰাণ সংগ্ৰহ কৰা সুদৰ্শনে, কিন্তু ৰিচাৰ্ড গ্লিছনে বলত তেওঁ পেভিলিয়নমুখী হয় । সুদৰ্শনে ১০টা চাৰি আৰু ১টা ছয়ৰ সৈতে ৪৯টা বলত ৮১ ৰাণৰ ইনিংছত খেলিছিল ।
মুম্বাইৰ বলাৰসকলে দিলে বৃহৎ জয়ৰ সোৱাদ
ইয়াৰ পিছত শ্বাৰফেন ৰাদাৰফোৰ্ডে ২৪ ৰাণ সংগ্ৰহ কৰি আউট হয় । গুজৰাটৰ হৈ ৰাহুল তেৱাতিয়াই ১৬ ৰাণ আৰু শ্বাহৰুখ খানে ১৩ ৰাণ সংগ্ৰহ কৰে । মুম্বাইৰ হৈ ট্ৰেণ্ট ব’ল্টে ২টা উইকেট, জেছপ্ৰীত বুমৰাহ, ৰিচাৰ্ড গ্লিছন, অশ্বিনী কুমাৰ আৰু মিচেল ছাণ্টনাৰে ১-১ উইকেট দখল কৰি নিজৰ দলটোক ২০ ৰাণত জয়লাভ কৰোৱায় ।
মুম্বাইৰ হৈ অৰ্ধ শতক অৰ্জন কৰে ৰোহিত শৰ্মাই
মুম্বাই ইণ্ডিয়ানছৰ হৈ ৰোহিত শৰ্মা আৰু জনী বেইৰষ্টোৱে ইনিংছ আৰম্ভ কৰে আৰু প্ৰথম উইকেটৰ বাবে ৭.২ অভাৰত ৮৪ ৰাণ সংযোজন কৰে । মুম্বাইৰ হৈ বেইৰষ্টোৱে ৪টা চাৰি আৰু ৩টা ছয়ৰে ২২টা বলত ৪৭ ৰাণৰ ইনিংছ খেলে । মুম্বাইৰ হৈ অৰ্ধশতক অৰ্জন কৰি সৰ্বাধিক ৰাণ সংগ্ৰহ কৰে ৰোহিত শৰ্মাই । ৰোহিতে ৫০টা বলত ৯টা চাৰি আৰু ৪টা ছয়ৰ সহায়ত ৮০ ৰাণৰ উজ্জ্বল ইনিংছ খেলিছিল ।
Two moments of brilliance ⚡️
— IndianPremierLeague (@IPL) May 30, 2025
Were these two the defining moments of the #Eliminator? 🤔
Scorecard ▶ https://t.co/R4RTzjQfph#TATAIPL | #GTvMI | #TheLastMile | @mipaltan pic.twitter.com/7hDL0s5Mye
সূৰ্যকুমাৰ যাদৱে ২০টা বলত ১ চাৰি আৰু ৩ ছয়ৰে ৩০ ৰাণ আৰু তিলক বাৰ্মাই ১১টা বলত ৩টা চাৰিৰে ২৫ ৰাণ সংগ্ৰহ কৰে । অধিনায়ক হাৰ্দিক পাণ্ডিয়াই ২২ ৰাণ আগবঢ়াই দলটোক ২২৮ ৰাণলৈ লৈ যায় । গুজৰাটৰ হৈ প্ৰসিদ্ধ কৃষ্ণ, ছাই কিশোৰে ২-২ আৰু মহম্মদ চিৰাজে ১ উইকেট দখল কৰে ।
