আই পি এল ২০২৫ৰ ফাইনেলত টছত পৰাস্ত হোৱাৰ পাছত ৰয়েল চেলেঞ্জাৰছ বেংগালুৰুৱে প্ৰথমে বেটিং কৰি ২০ অভাৰত ৯টা উইকেট হেৰুৱাই ১৯০ ৰাণ সংগ্ৰহ কৰে । এতিয়া আইপিএল ২০২৫ৰ বিজয়ী হ’বলৈ ২০ অভাৰত ১৯১ ৰাণ সংগ্ৰহ কৰিব লাগিব পঞ্জাব কিংছে । আৰচিবিৰ হৈ এই মেচত সৰ্বাধিক ৰাণ সংগ্ৰহ কৰে বিৰাট কোহলী আৰু জিতেশ শৰ্মাই । বিৰাটে ৩৫টা বলত ৩টা চাৰিৰ সৈতে ৪৩ ৰাণৰ ইনিংছ খেলিছিল । জিতেশে ১০টা বলত ২টা চাৰি আৰু ২টা ছয়ৰে ২৪ ৰাণৰ ইনিংছ খেলিছিল ।
এই দুজনৰ উপৰিও লিয়াম লিভিংষ্টনে ১৫টা বলত ২৫ ৰাণ, মায়ংক যাদৱে ১৮ বলত ২৪ ৰাণ আৰু ৰজত পাটিদাৰে ১৮ বলত ২৬ ৰাণ সংগ্ৰহ কৰে । পঞ্জাব কিংছৰ হৈ কাইল জেমিছনে সৰ্বাধিক উইকেট দখল কৰে । ৪ অভাৰত ৪৮ ৰাণত ৩ উইকেট দখল কৰে । একে সময়তে অন্তিম অভাৰত আৰ্ষদীপ সিঙে ৩টা উইকেট দখল কৰে । তেওঁ ৰোমাৰিয়া শ্বেফাৰ্ডক ১৭ ৰাণ, ক্ৰুনাল পাণ্ডিয়াক ৪ আৰু ভূৱনেশ্বৰ কুমাৰক ১ ৰাণত আউট কৰে । এই দুজনৰ উপৰিও আজমতুল্লাহ উমৰজাই, যুজবেন্দ্ৰ চাহাল আৰু বিজয় কুমাৰ বৈশ্যকে ১টাকৈ উইকেট দখল কৰে ।
