খেলৰ মাজভাগত বাতিল পাঞ্জাব কিংছ আৰু দিল্লী কেপিটেলছৰ মাজত চলি থকা মেচখন

ধৰ্মশালা : হিমাচল প্ৰদেশৰ ধৰ্মশালাত পঞ্জাব কিংছ আৰু দিল্লী কেপিটেলছৰ মাজত অনুষ্ঠিত হৈছিল IPL ২০২৫ৰ ৫৮ সংখ্যক মেচখন । এই খেলখন চলি থকাৰ মাজতে কাৰিকৰীক বিজুতি ঘটাৰ ফলত আধাতে সামৰিব লগা হয় । তাৰ পাচতে IPL কৰ্তৃপক্ষই দৰ্শকক হিমাচল প্ৰদেশ ক্ৰিকেট সন্থাৰ ষ্টেডিয়ামৰ পৰা ওলাই যাবলৈ কয় । এই অনাকাংক্ষিত পৰিস্থিতিৰ বাবে BCCI-এ সকলোৰে ওচৰত ক্ষমা বিচাৰিছে ।

জানিব পৰা মতে, হঠাতে ধৰ্মশালাৰ সমগ্ৰ অঞ্চলটোত বিদ্যুৎ বিচ্ছিন্ন হৈ পৰে । যাৰ ফলত ষ্টেডিয়ামৰ এটা লাইট টাৱাৰ বেয়া হৈ পৰে । IPL আৰু পঞ্জাব কিংছে তেওঁলোকৰ অফিচিয়েল X একাউণ্টত পোষ্ট কৰি মেচ বাতিলৰ বিষয়ে সকলোকে অৱগত কৰে ।

• পঞ্জাব আৰু দিল্লীৰ মাজৰ খেলখন বাতিল কৰা হয়

এই মেচখনত পঞ্জাব কিংছৰ অধিনায়ক শ্ৰেয়াছ আয়াৰে টছত জয়লাভ কৰি প্ৰথমে বেটিং কৰাৰ সিদ্ধান্ত লয় । প্ৰথমে বেটিং কৰি পঞ্জাবে ১০.১ অভাৰত ১ উইকেট হেৰুৱাই ১২২ ৰাণ সংগ্ৰহ কৰে । ইয়াৰ পিছতে ষ্টেডিয়ামৰ লাইট বন্ধ হৈ যায় আৰু কিছু সময়ৰ পিছতে মেচ বাতিল কৰাৰ কথা ঘোষণা কৰে কৰ্তৃপক্ষই ।

• প্ৰিয়াংশ আৰু প্ৰভসিমৰনে ভাল ইনিংছ খেলিছিল

পঞ্জাব কিংছৰ হৈ প্ৰভসিমৰন সিং আৰু প্ৰিয়াংশ আৰ্যই উজ্জ্বল ইনিংছ খেলিছিল । আৰ্যই ৫টা চাৰি আৰু ৬টা ছয়ৰ সহায়ত ৩৪টা বলত ৭০ ৰাণৰ ইনিংছ খেলিছিল । টি নটৰাজনে মাধৱ তিৱাৰীক কেচ আউত কৰে । আনহাতে প্ৰভসীমৰণ সিঙে ২৮টা বলত ৭টা চাৰিৰ সৈতে ৫০ ৰাণৰ ইনিংছ খেলে ।

• পঞ্জাব কিংছ আৰু দিল্লী কেপিটেলছৰ প্লেইং-১১

পঞ্জাব কিংছ : প্ৰভসিমৰন সিং, প্ৰিয়ংশ আৰ্য, জোছ ইংলিছ (উইকেটকীপাৰ), শ্ৰেয়াছ আয়াৰ (অধিনায়ক), নেহাল ৱাধেৰা, শশাংক সিং, মাৰ্কাছ ষ্টোইনিছ, মাৰ্কো জনছন, আজমতুল্লাহ উমৰজাই, যুজবেন্দ্ৰ চাহাল, আৰ্ছদীপ সিং।

দিল্লী কেপিটেলছ : ফাফ ডু প্লেছিছ, অভিষেক পোৰেল (উইকেটকীপাৰ), কে এল ৰাহুল, সমীৰ ৰিজভি, অক্ষৰ পেটেল (অধিনায়ক), ত্ৰিষ্টান ষ্টাবছ, মাধৱ তিৱাৰী, মিচেল ষ্টাৰক, দুষমন্ত চমীৰা, কুলদীপ যাদৱ, টি নটৰাজন ।