মুম্বাই: আই পি এল ২০২৫ ৰ ২০সংখ্যক মেচত সোমবাৰে ৱাংখেড়ে ষ্টেডিয়ামত ১০ বছৰৰ পাছত মুম্বাই ইণ্ডিয়ানছৰ বিৰুদ্ধে জয়লাভ কৰে ৰয়েল চেলেঞ্জাৰ্ছ বেংগালুৰু (আৰ চি বি) য়ে ।
এই খেলখনত আৰ চি বিৰ অভিজ্ঞ ফাষ্ট বলাৰ ভূৱনেশ্বৰ কুমাৰে ইতিহাস ৰচনা কৰে । সোঁহতীয়া বলাৰজনে মুম্বাই ইণ্ডিয়ানছৰ তাৰকা বেটছমেন তিলক বাৰ্মাৰ গুৰুত্বপূৰ্ণ উইকেটটো দখল কৰাৰ পিছতে ইতিহাসৰ পাতত নিজৰ নাম লিপিবদ্ধ কৰিবলৈ সক্ষম হয় ।
This is a remarkable achievement! 🔥
— Royal Challengers Bengaluru (@RCBTweets) April 8, 2025
Don’t you ever write him off! The best is yet to come. 😤#PlayBold #ನಮ್ಮRCB pic.twitter.com/fMsUz3B5UD
- আই পি এলত সৰ্বাধিক উইকেট দখলকাৰী বলাৰত পৰিণত ভূৱনেশ্বৰ কুমাৰ
ইণ্ডিয়ান প্ৰিমিয়াৰ লীগ (আই পি এল) ৰ ইতিহাসত সৰ্বাধিক সফল ফাষ্ট বলাৰ হিচাপে পৰিগণিত হৈছে ৰয়েল চেলেঞ্জাৰ্ছ বেংগালুৰু (আৰ চি বি) ৰ বলাৰ ভূৱনেশ্বৰ কুমাৰ । ৱেষ্ট ইণ্ডিজৰ অলৰাউণ্ডাৰ ড্ৱেইন ব্ৰাভোক অতিক্ৰমি বলাৰগৰাকীয়ে এই কৃতিত্ব অৰ্জন কৰে ।
টুৰ্ণামেণ্টখনৰ ইতিহাসত সৰ্বাধিক উইকেট দখল কৰা ফাষ্ট বলাৰত পৰিণত হৈছে ভূৱনেশ্বৰ কুমাৰ । ভূৱনেশ্বৰে ১৭৯ খন মেচত ১৮৪ টা উইকেট দখল কৰাৰ বিপৰীতে ড্ৱেইন ব্ৰাভোৱে ১৬১ খন আই পি এল মেচত ১৮৩ টা উইকেট লাভ কৰিছিল ।
The year of rewriting history.
— Royal Challengers Bengaluru (@RCBTweets) April 8, 2025
Away games have turned out nice,
Even broke the jinx twice! 🧿🙏#PlayBold #ನಮ್ಮRCB #IPL2025 #MIvRCB pic.twitter.com/KwahFojAjl
- আই পি এলৰ ইতিহাসত সৰ্বাধিক উইকেট দখলকাৰী শীৰ্ষৰ পাঁচগৰাকী ফাষ্ট বলাৰ
- ভূৱনেশ্বৰ কুমাৰ - 184 উইকেট (179* মেচ)
- ড্ৱেইন ব্ৰাভো - 183 উইকেট (161 উইকেট)
- লাচিত মালিংগা - 170 উইকেট (122 উইকেট)
- যশপ্ৰীত বুমৰাহ -165 উইকেট (134 উইকেট)
- উমেশ যাদৱ - 144 উইকেট (148 মেচ)
- আই পি এলৰ তৃতীয় সৰ্বাধিক উইকেট দখলকাৰীত পৰিণত ভূৱনেশ্বৰ
ভূৱনেশ্বৰ কুমাৰ আই পি এলৰ তৃতীয় সৰ্বাধিক উইকেট দখলকাৰীত পৰিণত হৈছে । আই পি এলৰ সৰ্বাধিক উইকেট দখলকাৰীৰ তালিকাৰ শীৰ্ষ দুটা স্থানত আছে যুজবেন্দ্ৰ চাহাল (১৬২ খন মেচত ২০৬ উইকেট) আৰু পীযুষ চাওলা (১৯২ খন মেচত ১৯২ উইকেট) ।
2015 ➡ 2025 & #RCB complete the 10-year challenge in some fashion! ❤🙌🏻
— Star Sports (@StarSportsIndia) April 7, 2025
A last over thriller that had everyone on the edge of the seats and needless to say, #IPLRivalryWeek has just begun! 💪🏻
Next up on #IPLonJioStar 👉 #KKRvLSG TUE, 2:30 PM, LIVE on Star Sports 2, Star Sports… pic.twitter.com/wgOPM8aT8O
- আই পি এলৰ ইতিহাসত সৰ্বাধিক উইকেট দখল কৰা শীৰ্ষৰ পাঁচগৰাকী বলাৰ
- যুজবেন্দ্ৰ চাহাল - 206 উইকেট (162* মেচ)
- পীযুষ চাওলা - 192 উইকেট (192 মেচ)
- ভূৱনেশ্বৰ কুমাৰ - 184 উইকেট (179* মেচ)
- ড্ৱেইন ব্ৰাভো - 183 উইকেট (161 মেচ)
- আৰ অশ্বিন - 183 উইকেট (216 মেচ)
- মুম্বাই ইণ্ডিয়ানছ বনাম ৰয়েল চেলেঞ্জাৰ্ছ বেংগালুৰুৰ খেলখন কেনে পৰ্যায়ৰ আছিল ?
টছত জয়ী হৈ মুম্বাইয়ে প্ৰথমে বলিং কৰাৰ সিদ্ধান্ত গ্ৰহণ কৰে । বিৰাট কোহলী (৬৭) আৰু অধিনায়ক ৰজত পাটিদাৰৰ (৬৪) অৰ্ধশতক আৰু জিতেশ শৰ্মাৰ অপৰাজিত ৪০ ৰাণৰ সহায়ত দলটোৱে আকাংক্ষিত বিজয় সাব্যস্ত কৰে । দলটোৱে ৫ টা উইকেটৰ বিনিময়ত সংগ্ৰহ কৰে ২২১ ৰাণ ।
Bhuvneshwar Kumar said " playing 11 years for one team & coming into a new team you feel awkward but not in rcb because the way they welcome & manage all the players is really special, so it's a great feeling to be here in rcb". pic.twitter.com/Za970Rjna8
— Johns. (@CricCrazyJohns) April 7, 2025
নিৰ্দিষ্ট লক্ষ্য অনুসৰণ কৰি হাৰ্দিক পাণ্ডিয়াই মাত্ৰ ১৫ টা বলত ৪২ ৰাণৰ দৰ্শনীয় ইনিংছ খেলাৰ বিপৰীতে তিলক বাৰ্মাই ২৯ টা বলত ৫৬ ৰাণ সংগ্ৰহ কৰে । কিন্তু এই যুটিটোৰ প্ৰচেষ্টাই দলটোক জয় প্ৰদান কৰিব নোৱাৰিলে । যাৰ বাবে ১২ ৰাণত পৰাস্ত হয় মুম্বাই ইণ্ডিয়ানছ ।
বৰ্তমানলৈকে আৰ চি বিয়ে ৪ খন মেচৰ তিনিখনত জয় আৰু এখন পৰাজয়ৰে পইণ্ট তালিকাৰ তৃতীয় স্থানত আছে ।
