আহমেদাবাদ : আহমেদাবাদৰ নৰেন্দ্ৰ মোদী ষ্টেডিয়ামত গুজৰাট টাইটানছ আৰু চেন্নাই ছুপাৰ কিংছৰ মাজত অনুষ্ঠিত হয় আই পি এল ২০২৫ৰ ৬৭ সংখ্যক মেচ । এই খেলখনত চেন্নাই ছুপাৰ কিংছৰ অধিনায়ক মহেন্দ্ৰ সিং ধোনীয়ে টছত জয়লাভ কৰি প্ৰথমে বেটিং কৰাৰ সিদ্ধান্ত লয় আৰু ২০ অভাৰত ৫টা উইকেট হেৰুৱাই মুঠ ২৩০ ৰাণ সংগ্ৰহ কৰে ।
ইয়াৰ মাজতে চেন্নাই ছুপাৰ কিংছৰ বেটছমেনে গুজৰাট টাইটানছৰ বলাৰৰ সকলো প্ৰচেষ্টা ধূলিসাৎ কৰে আৰু দলৰ আটাইতকৈ গুৰুত্বপূৰ্ণ বলাৰ ৰছিদ খানৰ প্ৰচেষ্টাক বেটছমেনে ধূলিসাৎ কৰে । যাৰবাবে ৰছিদ খানৰ নামত এক লজ্জাজনক অভিলেখ পঞ্জীয়ন হয় । আজি আমি আপোনালোকক জনাব বিচাৰিছো আফগানিস্তানৰ তাৰকা লেগ স্পিনাৰ ৰছিদ খানৰ নামত পঞ্জীয়ন হোৱা এই অবাঞ্চিত অভিলেখৰ বিষয়ে ।
ৰছিদ খানৰ নামত এটা লজ্জাজনক অভিলেখ
আই পি এলৰ এটা ছিজনত এজন বলাৰৰ বলত সৰ্বাধিক ছয় কোবোৱা বলাৰৰ ভিতৰত এজন হৈছে ৰছিদ খান । ২০২৫ চনৰ আই পি এলত ৰছিদ খানৰ বলত বেটছমেনে মুঠ ৩১টা ছয় কোবাইছে । এই ছিজনত তেওঁ ১৪খন মেচত মাত্ৰ ৯টা উইকেটহে দখল কৰিছে । ইয়াৰ লগে লগে তেওঁ মহম্মদ ছিৰাজ আৰু ৱানন্দু হাছাৰাংগাক পিছ পেলাইছে ।
Rashid Khan equals an unwanted record in the IPL
— All Cricket Records (@Cric_records45) May 25, 2025
Most sixes conceded in an IPL season
31* - Rashid Khan (2025)
31 - Mohammed Siraj (2022)
30 - Wanindu Hasaranga (2022)
30 - Yuzvendra Chahal (2024)
29 - Dwayne Bravo (2018) pic.twitter.com/AUYGWp5vsw
২০২২ চনৰ আই পি এলত বেটছমেনে মহম্মদ ছিৰাজৰ বলত এটা ছিজনত ৩১টা ছয় কোবোৱা কৰাৰ বিপৰীতে ৱানন্দু হাছাৰংগাৰ বলত আই পি এল ২০২৫ত বেটছমেনে ৩০টা ছয় কোবায় । আজিৰ খেলখনত ৰছিদে দুয়োকে পিছ পেলাই আই পি এলৰ এটা ছিজনত সৰ্বাধিক ছয় খোৱা বলাৰ হিচাপে পৰিগণিত হৈছে ।
