'এদিনীয়া ক্ৰিকেটৰ পৰা মই অৱসৰ...' চেম্পিয়নছ ট্ৰফী জয় কৰাৰ পিছত ৰোহিত শৰ্মা

হায়দৰাবাদ: ৰোহিত শৰ্মাৰ নেতৃত্বত ভাৰতীয় ক্ৰিকেট দলে চেম্পিয়নছ ট্ৰফী ২০২৫ খিতাপ দখল কৰিছে । এই জয়ৰ পাছত ভাৰতীয় অধিনায়ক ৰোহিতে ৫০ অভাৰৰ ফৰ্মেটৰ পৰা অৱসৰ লোৱা নাই বুলি কয় ।

নিউজীলেণ্ডক পৰাস্ত কৰি ভাৰতৰ খিতাপ দখল: ৯ মাৰ্চ দেওবাৰে ডুবাই আন্তঃৰাষ্ট্ৰীয় ষ্টেডিয়ামত অনুষ্ঠিত চেম্পিয়নছ ট্ৰফী ২০২৫ৰ ফাইনেলত ভাৰতে নিউজীলেণ্ডৰ বিৰুদ্ধে ৪ উইকেটত ৰোমাঞ্চকৰ জয়লাভ কৰে । এয়া ভাৰতৰ অভিলেখসংখ্যক তৃতীয়টো চেম্পিয়নছ ট্ৰফী খিতাপ, যিটো যিকোনো দলে অৰ্জন কৰা সৰ্বাধিক জয় । যোৱা বছৰ বাৰ্বাডোছত অনুষ্ঠিত হোৱা টি-২০ বিশ্বকাপ ৰোহিত শৰ্মাৰ নেতৃত্বত জয়লাভ কৰাৰ পিছত ভাৰতে দ্বিতীয়বাৰৰ বাবে আই চি চি টুৰ্ণামেণ্টত জয়লাভ কৰিছে ।

ৰোহিত শৰ্মা (AP)

অৱসৰ সন্দৰ্ভত ৰোহিত শৰ্মাৰ বক্তব্য

মুম্বাইৰ বাসিন্দা ৰোহিতে তেওঁৰ নেতৃত্বত ভাৰতে একেৰাহে দ্বিতীয়বাৰৰ বাবে আই চি চি খিতাপ দখল কৰাৰ পিছত সংবাদমেলত কয়, "আৰু এটা কথা স্পষ্ট কৰি দিওঁ । মই এই ফৰ্মেট (এদিনীয়া)ৰ পৰা অৱসৰ ল’বলৈ যোৱা নাই, মই মাত্ৰ এই কথা কৈছো যাতে আৰু কোনো উৰাবাতৰি নোলায় ।"

ৰোহিত ধোনীৰ পিছত ভাৰতৰ সফল অধিনায়ক

আই চি চি ইভেণ্টত জয়ী হোৱাৰ ক্ষেত্ৰত এম এছ ধোনীৰ পিছতে ভাৰতৰ দ্বিতীয় সফল অধিনায়ক হিচাপে পৰিগণিত হৈছে ৰোহিত । এম এছ ধোনীয়ে ২০১১ চনৰ এদিনীয়া বিশ্বকাপ, ২০০৭ চনৰ টি-২০ বিশ্বকাপ আৰু চেম্পিয়নছ ট্ৰফী ২০১৩ত জয়ী হোৱাৰ বিপৰীতে ৰোহিতে টি-২০ বিশ্বকাপ আৰু চেম্পিয়নছ ট্ৰফী খিতাপ দখল কৰিবলৈ সক্ষম হোৱাৰ বিপৰীতে সৌৰভ গাংগুলী আৰু কপিল দেৱে ক্ৰমে ২০০২ চনৰ চেম্পিয়নছ ট্ৰফী আৰু ১৯৮৩ চনৰ বিশ্বকাপ জয় কৰিছিল ।

ফাইনেলত ৰোহিতে লাভ কৰে প্লেয়াৰ অৱ দ্য মেচৰ বঁটা

ফাইনেলত ৰোহিতে মেন অৱ দ্য মেচৰ বঁটা লাভ কৰে । ফাইনেলৰ নিশা নিউজীলেণ্ডে নিৰ্ধাৰণ কৰি দিয়া ২৫২ ৰাণৰ লক্ষ্য অনুসৰণ কৰি তেওঁ ৮৩টা বলত গড়ে ৯১.৫৬ ত ৭৬ ৰাণৰ গুৰুত্বপূৰ্ণ ইনিংছ খেলিছিল ৷ তেওঁৰ ইনিংছত আছিল ৭টা চাৰি আৰু ৩টা ছয় ।

২০২৪ চনত ৱেষ্ট ইণ্ডিজ আৰু আমেৰিকাত অনুষ্ঠিত হোৱা টি-২০ বিশ্বকাপত ভাৰতে জয়লাভ কৰাৰ পাছতে খেলখনৰ আটাইতকৈ চুটি ফৰ্মেটৰ পৰা ৰোহিত শৰ্মাই অৱসৰ লোৱাৰ কথা ঘোষণা কৰিছিল । তেওঁ টি-২০ ক্ৰিকেটত সৰ্বাধিক ৰাণ সংগ্ৰহকাৰী আৰু ছয় হিটাৰ হিচাপে নিজৰ কেৰিয়াৰৰ পৰা বিদায় লয় ।

২০২৭ চনৰ বিশ্বকাপলৈ খেলিব পাৰিব ৰোহিতে

ইটিভি ভাৰতে ৰোহিতৰ শৈশৱৰ প্ৰশিক্ষক দীনেশ লাডৰ উদ্ধৃতি দি কয় যে আগ্ৰাসী সোঁহাতৰ বেটছমেনগৰাকীয়ে ২০২৭ চনৰ এদিনীয়া বিশ্বকাপলৈকে খেলিব পাৰিব । ৰোহিত যে তেওঁৰ প্ৰজন্মৰ শ্ৰেষ্ঠ বেটছমেন আৰু ফৰ্মত থাকিলে বিপক্ষৰ বলাৰক ছিন্নভিন্ন কৰি পেলায় তাত কোনো সন্দেহ নাই । ডুবাই আন্তঃৰাষ্ট্ৰীয় ষ্টেডিয়ামত অনুষ্ঠিত চেম্পিয়নছ ট্ৰফীৰ ফাইনেলত ৰোহিতে ৭৬ ৰাণৰ ইনিংছ খেলি দলটোৰ জয়ৰ ভেটি স্থাপন কৰিছিল ।

৩৭ বছৰীয়া ৰোহিতৰ কেইবাটাও অভিলেখ আছে, য’ত এদিনীয়াত সৰ্বাধিক ব্যক্তিগত স্ক’ৰ ২৬৪ ৰাণ অন্তৰ্ভূক্ত । ২০০৭ চনত বেলফাষ্টত আয়াৰলেণ্ডৰ বিৰুদ্ধে অভিষেক ঘটোৱাৰ পিছত তেওঁ বৰ্তমানলৈ ২৭৩খন এদিনীয়াত ১১,১৬৮ ৰাণ সংগ্ৰহ কৰিছে । ভাৰতীয় ক্ৰিকেটৰ সফল অধিনায়কৰ অন্যতম ৰোহিত শৰ্মা ।