লীডছ: ভাৰত-ইংলেণ্ডৰ মাজৰ প্ৰথমখন টেষ্ট মেচৰ মঙলবাৰে পঞ্চম তথা অন্তিমটো দিন ৷ হেডিংলেত চলি থকা এই টেষ্ট মেচখনৰ সময়ত ভাৰত আৰু ইংলেণ্ড ক্ৰিকেট দলৰ খেলুৱৈসকলক ক’লা বেজ পৰিধান কৰা দেখা যায় ৷
ক’লা বেজ পৰিধান কৰি খেলপথাৰলৈ আহিছিল খেলুৱৈসকল
আচলতে ভাৰতৰ প্ৰাক্তন বাওঁহতীয়া স্পিনাৰ দিলীপ দোছীৰ সোমবাৰে লণ্ডনত ৭৭ বছৰ বয়সত মৃত্যু ঘটে । প্ৰাক্তন বাওঁহতীয়া স্পিনাৰগৰাকীৰ হৃদৰোগত আক্ৰান্ত হৈ মৃত্যু হোৱা বুলি জানিব পৰা গৈছে যদিও মৃত্যুৰ কাৰণ এতিয়াও স্পষ্ট হোৱা নাই ।
Both teams are wearing black armbands today in memory of former Indian cricketer Dilip Doshi, who passed away on Monday.
— BCCI (@BCCI) June 24, 2025
The teams also observed a minute's silence before the start of Day 5. pic.twitter.com/1npOAo4ihp
দিলীপ দোছীৰ দেহাৱসানৰ খবৰ লাভ কৰাৰ পিছত তেওঁক সন্মান জনাবলৈ ক’লা বেজ পিন্ধি খেলপথাৰত নামে ভাৰতীয় খেলুৱৈসকল । খেলপথাৰতে ইংলেণ্ড আৰু ভাৰতৰ খেলুৱৈসকলে প্ৰাক্তন ক্ৰিকেটাৰগৰাকীক শ্ৰদ্ধাঞ্জলি জনাই তেওঁৰ স্মৃতিত এক মিনিট মৌনতা অৱলম্বন কৰে । ইয়াৰ পূৰ্বেও দুয়োটা দলে এই মেচত দুবাৰকৈ ক’লা বেজ পিন্ধি খেলপথাৰলৈ আহিছিল ।
The Indian Cricket Team and the England Cricket Team observed a moment of silence in memory of the victims of the Ahmedabad plane crash ahead of the start of play on Day 1 of the first Test at Headingley, Leeds.
— BCCI (@BCCI) June 20, 2025
The teams are wearing the black armbands to express solidarity with… pic.twitter.com/Guxf1aO8iJ
প্ৰথমবাৰৰ বাবে কেতিয়া খেলুৱৈসকলে পৰিধান কৰিছিল ক’লা বেজ ?
আহমেদাবাদৰ বিমান দুৰ্ঘটনাত নিহতসকলক সুঁৱৰি আৰু শ্ৰদ্ধাঞ্জলি জনাই প্ৰথমবাৰৰ বাবে ভাৰত আৰু ইংলেণ্ডৰ খেলুৱৈসকলে বাহুত ক’লা বেজ পৰিধান কৰি লীডছৰ হেডিংলেত অনুষ্ঠিত প্ৰথমখন টেষ্টত অংশগ্ৰহণ কৰিছিল । সেই সময়তো খেলুৱৈসকলে নিহতসকলৰ আত্মাৰ সদগতিৰ অৰ্থে শ্ৰদ্ধাঞ্জলি জনাই মৌনতা অৱলম্বন কৰিছিল ।
বিগত ১২ জুনত আহমেদাবাদৰ পৰা লণ্ডনলৈ উৰা মৰা এয়াৰ ইণ্ডিয়াৰ এখন বিমান দুৰ্ঘটনাগ্ৰস্ত হৈছিল । বিমানখনত থকা ২৪১ জন যাত্ৰী আৰু ক্ৰু মেম্বাৰসকল এই দুৰ্ঘটনাত নিহত হয় । এই ঘটনাত ২৭৪ জন লোকে প্ৰাণ হেৰুৱাইছে যদিও কথমপি ৰক্ষা পৰিছে এজন যাত্ৰী ৷ নিহতসকলৰ ভিতৰত আছে ১৮১ জন ভাৰতীয় আৰু ৫৩ জন ব্ৰিটিছ নাগৰিক ।
Everyone at the ECB is deeply saddened to learn of the passing of David 'Syd' Lawrence MBE.
— England Cricket (@englandcricket) June 22, 2025
All of our thoughts are with David's family and friends during this difficult time.
কিহৰ বাবে দ্বিতীয়বাৰ ক’লা বেজ পৰিধান কৰিলে খেলুৱৈসকলে ?
ইয়াৰ পিছত দ্বিতীয়বাৰৰ বাবে খেলুৱৈসকলে ইংলেণ্ডৰ প্ৰাক্তন বেষ্ট বলাৰ ডেভিদ লৰেন্সৰ মৃত্যুত সন্মান প্ৰদৰ্শন কৰি ক’লা বেজ পৰিধান কৰিছিল ৷ বিগত ২২ জুনত ৬১ বছৰ বয়সত মৃত্যু হৈছিল ডেভিদ লৰেন্সৰ । ২০২৩ চনৰ পৰা তেওঁ মটৰ নিউৰণ ডিজিজত আক্ৰান্ত আছিল । এই ৰোগে আক্ৰান্ত ব্যক্তিৰ পেশীসমূহ দুৰ্বল কৰি আনি আয়ুষ হ্ৰাস কৰে ৷
