আপোনালোকৰ কোনো কাম নাই... ভাৰতীয় সেনাক লক্ষ্য কৰি পাকিস্তানৰ প্ৰাক্তন ক্ৰিকেটাৰ শ্বাহিদ আফ্ৰিদিৰ কটু মন্তব্য

পাকিস্তান : পহলগাম সন্ত্ৰাসবাদী আক্ৰমণত ২৬ জন লোকে প্ৰাণ হেৰুৱা ঘটনাৰ মূল কাৰণ হৈছে ভাৰতীয় সেনাৰ গাফিলতি । পহলগামকাণ্ড সন্দৰ্ভত ভাৰতীয় সেনাক জগৰীয়া কৰি পাকিস্তানৰ প্ৰাক্তন ক্ৰিকেটাৰ শ্বাহিদ আফ্ৰিদীয়ে এই মন্তব্য কৰে ।

লগতে এই ঘটনাত যে পাকিস্তান যে জড়িত আছে বুলি সকলোৱে কৈ আছে, তাৰ প্ৰমাণ দিবলৈ তেওঁ ভাৰতীয় সেনাক দাবী কৰিছে ।

• ভাৰতীয় সেনা সন্দৰ্ভত মন্তব্য কৰে শ্বাহিদ আফ্ৰিদীয়ে

যোৱা ২২ এপ্ৰিলত কাশ্মীৰ উপত্যকাৰ পহলগামৰ বৈছাৰণত সংঘটিত হৈছিল এই আক্ৰমণ । এই ঘটনাৰ পিছত ভাৰতে পাকিস্তানী নাগৰিকৰ ভিছা বাতিল কৰাৰ লগতে পাকিস্তানৰ সৈতে হোৱা সিন্ধু জল সন্ধিও স্থগিত ৰাখা হৈছে । বৰ্তমান সময়ত সকলোতে পহলগামৰ সন্ত্ৰাসবাদী আক্ৰমণ বিষয় চৰ্চাৰ চলি আছে, এনে সময়তে শ্বাহিদ আফ্ৰিদীয়ে কিছু কটু বক্তব্য আগবঢ়োৱা দেখা গৈছে ।

পাকিস্তানৰ এটা সংবাদ মাধ্যমৰ সৈতে হোৱা সাক্ষাত্‍কাৰত তেওঁ ভাৰতীয় সেনাক লৈ এক অপ্ৰীতিকৰ মন্তব্য কৰে ।তেওঁ কয়, ‘‘আপোনালোকৰ কাশ্মীৰত মাত্ৰ ৮ লাখ সেনা আছে আৰু এনে ঘটনা সংঘটিত হ’ল । অৰ্থাৎ আপোনালোকে ৰাইজক নিৰাপত্তা প্ৰদান কৰিবলৈ সক্ষম নহয় ।''

• ভাৰতীয় সংবাদ মাধ্যমকো দোষাৰোপ কৰে আফ্ৰিদানে

শ্বাহিদে এই ঘটনাক কেন্দ্ৰ কৰি ভাৰতীয় সংবাদ মাধ্যমকো কটাক্ষ কৰে । তেওঁ কয় যে ভাৰতীয় সংবাদ মাধ্যমে বলীউডৰ দৰে এই বাতৰিবোৰ সম্প্ৰচাৰ কৰিছে ।

ইফালে মঙলবাৰে কাশ্মীৰত সংঘটিত হোৱা সন্ত্ৰাসবাদী আক্ৰমণ সন্দৰ্ভত ভাৰতৰ প্ৰাক্তন অধিনায়ক সৌৰভ গাংগুলীয়ে এক শক্তিশালী বাৰ্তা আগবঢ়ায় ৷ সাংবাদিকৰ সৈতে হোৱা কথা-বতৰাত গাংগুলীয়ে কয়, ''ভাৰতে পাকিস্তানৰ সৈতে থকা সকলো ক্ৰিকেট সম্পৰ্ক ভংগ কৰিব লাগে আৰু লগতে আই চি চি আৰু এছিয়ান প্ৰতিযোগিতাত তেওঁলোকৰ সৈতে খেলিব নালাগে ৷''