নতুন দিল্লী : বিশ্বৰ কোটি কোটি ক্ৰিকেট অনুৰাগীয়ে ২০২৮ লছ এঞ্জেলছ অলিম্পিকৰ বাবে গভীৰ আগ্ৰহেৰে ৰৈ আছে । কিয়নো আন্তঃৰাষ্ট্ৰীয় অলিম্পিক কমিটীয়ে (IOC) নিশ্চিত কৰিছে যে ১২৮ বছৰত প্ৰথমবাৰৰ বাবে অলিম্পিকত ক্ৰিকেট খেল অন্তৰ্ভুক্ত হ'ব । অৰ্থাৎ অহা অলিম্পিকত পুৰুষ আৰু মহিলাৰ ক্ৰিকেটকলৈ বৃহৎ ঘোষণা আহিছে ।
টি-২০ ফৰ্মেটত হ'ব ক্ৰিকেট :
ক্ৰীড়াৰ মহাকুম্ভ খ্যাত অলিম্পিকত টি-২০ ফৰ্মেটত ক্ৰিকেট খেলা যাব । অৱশ্যে ২০২৮ৰ লছ এঞ্জেলছ অলিম্পিকত মাত্ৰ ৬ টা দল স্বৰ্ণ পদকৰ দাবীদাৰ হ'ব । উল্লেখ্য যে ১৯০০ চনত পেৰিছত অলিম্পিকত মাত্ৰ এখন ক্ৰিকেট মেচ অনুষ্ঠিত হৈছিল । অৱশ্যে ১২৮ চনৰ পিছত ই পুনৰ অলিম্পিকলৈ উভতি আহিব । পৰৱৰ্তী ২০৩২ চনৰ ব্ৰিছবেন অলিম্পিকতো ক্ৰিকেট থাকিব ।
Cricket will be back in the 2028 Los Angeles Olympics after 128 years. 🇮🇳 pic.twitter.com/Syt3famifA
— Mufaddal Vohra (@mufaddal_vohra) August 11, 2024
৬ টা দলে কৰিব অংশগ্ৰহণ :
আয়োজকে বুধবাৰে নিশ্চিত কৰিছে যে ২০২৮ লছ এঞ্জেলছ অলিম্পিকত ক্ৰিকেট খেল অনুষ্ঠিত হ'ব । পুৰুষ আৰু মহিলা দুয়োটা শাখাতে হ'ব প্ৰতিযোগিতা । প্ৰতিটো প্ৰতিযোগিতাত মুঠ ৯০ গৰাকী খেলুৱৈয়ে অংশগ্ৰহণ কৰিব । যাৰ ভিতৰত প্ৰতিটো দলতে ১৫ জন সদস্য থাকিব ।
🚨 CRICKET WILL HAVE 6 TEAMS IN THE 2028 LOS ANGELES OLYMPICS 🚨 pic.twitter.com/qYDS81qKLM
— Johns. (@CricCrazyJohns) April 10, 2025
কেনেকৈ যোগ্যতা অৰ্জন কৰিব :
২০২৮ চনৰ অলিম্পিকৰ বাবে যোগ্যতা কিধৰণে নিশ্চিতকৰণ কৰা হ'ব সেয়া এতিয়াও স্পষ্ট হোৱা নাই । আন্তৰ্জাতিক ক্ৰিকেট পৰিষদৰ (ICC) অধীনত ১২ খন পূৰ্ণ সদস্যৰ ৰাষ্ট্ৰ আছে । আনহাতে ৯০ ৰো অধিক দেশ সহযোগী সদস্য হিচাপে টি-২০ ক্ৰিকেট খেলি আছে । যিহেতু আমেৰিকাত অলিম্পিক হ'ব সেয়ে নিশ্চিতভাৱে ইউএইৰ দলটোৱে পোনপটীয়াকৈ যোগ্যতা অৰ্জন কৰিব । বাকী দলসমূহৰ ভিতৰত কেৱল ৫ দলেহে যোগ্যতা অৰ্জন কৰিব পাৰিব ।
6 Cricket teams in the Olympics 2028. We're coming for the Gold in Cricket. It's written in stars. pic.twitter.com/2jzQMNrsfc
— R A T N I S H (@LoyalSachinFan) April 10, 2025
উল্লেখ্য যে আগন্তুক অলিম্পিকত অন্তৰ্ভুক্ত হ'বলগীয়া ৫ টা খেলৰ ভিতৰত ক্ৰিকেট অন্যতম । আন্তঃৰাষ্ট্ৰীয় অলিম্পিক কমিটীয়ে বেছবল/ছফটবল, ফ্লেগ ফুটবল, লেক্ৰ'ছ (ছিক্স) আৰু স্কোয়াছৰ লগতে ক্ৰিকেট অন্তৰ্ভুক্ত কৰাত মঞ্জুৰী দিছে ।
লগতে পঢ়ক :টীম ইণ্ডিয়াৰ ঘৰুৱা শৃংখলাৰ সূচী ঘোষণা - TEAM INDIA HOME SERIES ANNOUNCED
