৮বিধ স্বাস্থ্যকৰ স্মুদি যিয়ে আপোনাক গোটেই দিনটো ৰাখিব সক্ৰিয়

শীতকালত উষ্ণতা আৰু সোৱাদযুক্ত খাদ্য উপভোগ কৰাৰ সময় ৷ এনে পৰিস্থিতিত স্বাস্থ্যকৰ আৰু গৰম স্মুদি ব্ৰেকফাষ্টৰ বাবে এক উত্তম বিকল্প ৷ ই কেৱল পুষ্টিৰে ভৰপূৰ হোৱাই নহয়, আপোনাৰ দিনটো আৰম্ভণি কৰিবলৈও ই একেবাৰেই উপযুক্ত ৷ গতিকে অপেক্ষা কিহৰ, এইবাৰ শীতকালত খাব পৰা এনে কিছুমান স্মুদিৰ বিষয়ে জানো আহক যি কেৱল সোৱাদযুক্ত হোৱাই নহয় স্বাস্থ্যৰ বাবেও সমানে উপকাৰী-

• হট চকলেট প্ৰ’টিন স্মুদি

শীতকালত চকলেট খাই কোনে ভাল নাপায় ? গতিকে এই স্মুদিত গৰম গাখীৰ, ক’ক’ পাউদাৰ, কল, প্ৰ’টিন পাউদাৰ আৰু অলপ ডালচেনি দিব আৰু স্মুদি প্ৰস্তুত হয় ৷ কেৱল সুস্বাদু হোৱাই নহয়, ই প্ৰ’টিন আৰু আঁহৰ এক উত্তম উৎস ৷ এই স্মুদিয়ে শীতকালত শৰীৰৰ শক্তি বৃদ্ধি কৰে আৰু দীৰ্ঘসময়লৈকে আপোনাৰ পেট ভৰপূৰ কৰি ৰখাত সহায় কৰে ৷

৮বিধ স্বাস্থ্যকৰ স্মুদি যিয়ে আপোনাক গোটেই দিনটো ৰাখিব সক্ৰিয় (FREEPIK)

• হালধিৰ গোল্ডেন মিল্ক স্মুদি

আমি সকলোৱে শীতকালত হালধিৰ গাখীৰ খাইছো ৷ ইয়াক অধিক বিশেষ কৰি তুলিবলৈ আপুনি ইয়াত গাখীৰ, হালধি, মৌ আৰু দালচেনিৰ লগত কিছু শুকানকৈ ভাজি লোৱা ওটছ দিব পাৰে ৷ এই স্মুদিয়ে শীতকালত আপোনাৰ ৰোগ প্ৰতিৰোধ ক্ষমতা বৃদ্ধি কৰাৰ লগতে শৰীৰক গৰম কৰি ৰখাৰ এক উত্তম উপায় ৷

• গৰম চাহৰ স্মুদি

চাহপ্ৰেমী সকলৰ বাবে এয়া কোনো এক আচৰিত ৰেচিপিতকৈ কম নহয় ৷ আগতীয়াকৈ প্ৰস্তুত কৰা চাহত ফ্ৰ’জেন কল, আলমণ্ডৰ গাখীৰ, শুকান ফল আৰু মৌ একেলগে মিহলাই লওক ৷ তাৰ ওপৰত ডালচেনি আৰু ইলাচিৰ গুড়ি ছটিয়াই দিয়ক ৷ এই স্মুদি শীতকালৰ এটা আৰামদায়ক আৰু সতেজ আৰম্ভণিৰ বাবে উত্তম ৷

• কাজু-আলমণ্ড স্মুদি

তিয়াই থোৱা কাজু আৰু আলমণ্ড গৰম গাখীৰ আৰু মৌৰ সৈতে মিহলাই লওক ৷ ইচ্ছা কৰিলে ইয়াত এচিকুট ইলাচি গুড়িও দিব পাৰে ৷ এই স্মুদিয়ে শৰীৰক শক্তি প্ৰদান কৰাই নহয়, শীতকালত ছালখনক পুষ্টি প্ৰদানতো সহায় কৰে ৷

৮বিধ স্বাস্থ্যকৰ স্মুদি যিয়ে আপোনাক গোটেই দিনটো ৰাখিব সক্ৰিয় (FREEPIK)

• খেজুৰ-আখৰোটৰ স্মুদি

খেজুৰ, আখৰোট আৰু গাখীৰ মিহলাই আপুনি এই স্মুদি তৈয়াৰ কৰিব পাৰে ৷ ইয়াত প্ৰচুৰ পৰিমাণে আঁহ, আইৰণ, আৰু স্বাস্থ্যকৰ চৰ্বি থাকে ৷ এই স্মুদিয়ে শীতকালত শৰীৰক শক্তি আৰু উষ্ণতা প্ৰদান কৰে ৷

• কমলা-আদা দিয়া ইমিউনিটি স্মুদি

কমলা, গাজৰ, আদা, হালধি আৰু নাৰিকল পানীৰ লগত মৌ মিহলাই সতেজ স্মুদি বনাওক ৷ ইয়াত প্ৰচুৰ পৰিমাণে ভিটামিন চি আৰু এন্টিঅক্সিডেন্ট থাকে, যিয়ে চৰ্দি আৰু কাহৰ পৰা ৰক্ষা কৰাত সহায় কৰে আৰু আপোনাৰ ৰোগ প্ৰতিৰোধ ক্ষমতা শক্তিশালী কৰে ৷

• ষ্ট্ৰবেৰী-কেশৰ স্মুদি

ষ্ট্ৰবেৰী, গৰম গাখীৰ, কেশৰ আৰু মৌ মিহলাই এই স্মুদি তৈয়াৰ কৰি লওক ৷ ই কেৱল শীতকালত মিঠা খোৱাৰ আনন্দ দিয়াই নহয় ছালৰ স্বাস্থ্যৰ বাবেও উপকাৰী ৷

৮বিধ স্বাস্থ্যকৰ স্মুদি যিয়ে আপোনাক গোটেই দিনটো ৰাখিব সক্ৰিয় (FREEPIK)

• ৰঙালাও মছলাৰ স্মুদি

ৰঙালাওৰ পিউৰি, ডালচেনি, জাইফল, গাখীৰ, আৰু অলপ মেপল চিৰাপ দিব ৷ এই ক্ৰীমযুক্ত স্মুদিত প্ৰচুৰ পৰিমাণে ফাইবাৰ আৰু ভিটামিন এ থাকে ৷ ইয়াৰ মছলাযুক্ত সোৱাদে শীতকালত আপোনাৰ শৰীৰক এক বিশেষ উষ্ণতা প্ৰদান কৰে ৷

(সতৰ্কীকৰণ: এই প্ৰতিবেদনত আপোনাক দিয়া সকলো স্বাস্থ্য তথা জীৱনশৈলী সম্পৰ্কীয় যিকোনো তথ্য আৰু পৰামৰ্শ কেৱল আপোনাৰ সাধাৰণ তথ্যৰ বাবেহে আগবঢ়োৱা হৈছে । আমি এই তথ্য বৈজ্ঞানিক গৱেষণা, অধ্যয়ন, চিকিৎসা আৰু স্বাস্থ্য পেছাদাৰী পৰামৰ্শৰ ভিত্তিত প্ৰদান কৰিছো । আপুনি এই উপায় বা পদ্ধতি অনুসৰণ কৰাৰ আগতে এই বিষয়ে বিতংভাৱে জনাটো উচিত তথা আপোনাৰ ব্যক্তিগত চিকিৎসকৰ পৰামৰ্শ গ্ৰহণ কৰাটো উচিত ।)

লগতে পঢ়ক