গোৰোহা ফটাতো তেনেই এক সাধাৰণ সমস্যা, যিটো দেখাত বেয়া লগাই নহয়, কেতিয়াবা বিষো অনুভৱ ৷ যদিও ঠাণ্ডা বতৰত গোৰোহা ফটাতো অতি সাধাৰণ, তথাপিও সময়ৰ লগে লগে ই নিজাববীয়াকৈ ভাল হৈ যায় ৷ কিন্তু যদি আপোনাৰ গোৰোহাত সদায় ফাট দেখা যায়, তেন্তে ইয়াক আওকাণ কৰাৰ ভুল নকৰিব ৷ কিন্তু কেতিয়াবা শৰীৰত কিছুমান ভিটামিনৰ অভাৱৰ বাবে গোৰোহাত ফাট মেলিবলৈ আৰম্ভ কৰে ৷ সেয়ে আজি এই প্ৰতিবেদনৰ জৰিয়তে জানো আহক যে কোনবোৰ ভিটামিনৰ
ভিটামিন এ
এই ভিটামিনে ছালৰ মেৰামতি আৰু পুনৰুত্পাদনত গুৰুত্বপূৰ্ণ ভূমিকা পালন কৰে ৷ ভিটামিন এৰ অভাৱত ছাল শুকান আৰু নিৰ্জীৱ হৈ পৰে, যাৰ ফলত গোৰোহাত ফাট মেলিব পাৰে ৷ খাদ্য তালিকাত সেউজীয়া শাক, গাজৰ আৰু কণী আদি অন্তৰ্ভুক্ত কৰি আপুনি শৰীৰত এই ভিটামিনৰ অভাৱ দূৰ কৰিব পাৰে ৷
ভিটামিন ই
এই ভিটামিনবিধ এন্টিঅক্সিডেন্ট গুণেৰে সমৃদ্ধ আৰু ই ছালক হাইড্ৰেট কৰি ৰখাত সহায় কৰে ৷ ভিটামিন ইৰ অভাৱত ছালত আৰ্দ্ৰতাৰ অভাৱ হয়, যাৰ বাবে গোৰোহা ফাটিবলৈ আৰম্ভ কৰে ৷ এনে পৰিস্থিতিত বাদাম, বীজ আৰু সেউজীয়া শাক-পাচলি আপুনি আপোনাৰ খাদ্য তালিকাত অন্তৰ্ভুক্ত কৰিব পাৰে ৷
ভিটামিন ডি
ভিটামিন ডিৰ অভাৱৰ বাবে কেলচিয়াম আৰু ফছফৰাছ সঠিকভাৱে শোষণ নহয়, যিটো ছালৰ স্বাস্থ্যৰ বাবে অতি প্ৰয়োজনীয় ৷ ইয়াৰ অভাৱৰ বাবে ছালখন দুৰ্বল হৈ পৰিব পাৰে আৰু গোৰোহাত ফাট মেলিব পাৰে ৷ এনে পৰিস্থিতিত সূৰ্যৰ তাপ লোৱা, মাছ আৰু কণী খোৱাটো জৰুৰী ৷
ভিটামিন বি7(Biotin)
বায়’টিনৰ অভাৱত ছাল আৰু নখ দুৰ্বল হ’ব পাৰে ৷ এই ভিটামিন ছালৰ স্বাস্থ্যৰ বাবে অতিকৈ প্ৰয়োজনীয় ৷ বায়’টিনৰ অভাৱত গোৰোহা ফটাৰ সমস্যা বৃদ্ধি পাব পাৰে ৷ এনে পৰিস্থিতিত কণী, বাদাম আৰু গোটা শস্য খাদ্যত অন্তৰ্ভুক্ত কৰাটো আপোনাৰ বাবে লাভদায়ক প্ৰমাণিত হ’ব পাৰে ৷
https://www.wwfoot.com/blogs/item/1107-can-vitamin-deficiencies-cause-cracked-heels
