সুখবৰ! শিক্ষক-নাৰ্ছ আৰু এইসকল লোকে লাভ কৰিব UAEৰ গোল্ডেন ভিছা, ইয়াৰ লাভ তথা আবেদনৰ পদ্ধতি জানি লওক
এই প্ৰতিবেদনৰ জৰিয়তে কোনবোৰ লোকে তৎক্ষণাত গোল্ডেন ভিছাৰ বাবে আবেদন কৰিব পাৰে সবিশেষ জানো আহক-
Published : July 3, 2025 at 12:21 PM IST
বহিঃৰাজ্যত থকাৰ সপোন সকলোৱে দেখে ৷ অৱশ্যে ইয়াৰ বাবে তেওঁলোকে বহু ধৰণৰ নথি-পত্ৰ প্ৰস্তুত কৰিবলগীয়া হয় ৷ যদি আপুনিও বিদেশত বসতি স্থাপন কৰিব বিচৰাসকলৰ মাজৰ এজন, তেন্তে আপোনাৰ বাবে এটা ভাল খবৰ আছে ৷ দৰাচলতে সংযুক্ত আৰব আমিৰশ্বাহীৰ (ইউ এ ই) গোল্ডেন ভিছা আপোনাৰ বাবে এক সুন্দৰ সুযোগ হ’ব পাৰে ৷ এতিয়ালৈকে এই ভিছা কেৱল ব্যৱসায়ী বা বিনিয়োগকাৰী আৰু বিজ্ঞানীসকলকহে দিয়া হৈছিল যদিও শেহতীয়াকৈ ইউ এ ই চৰকাৰে ইয়াত ৫টা নতুন শিতান যোগ কৰিছে ৷
জনাই দিও যে, এতিয়া নাৰ্ছ, শিক্ষক, ছ’চিয়েল মিডিয়াৰ Influencer, গেমিং বিশেষজ্ঞ আৰু বিলাসী ইয়টৰ মালিকসকলেও এই ১০ বছৰৰ ভিছাৰ বাবে আবেদন কৰিব পাৰিব ৷ ইয়াৰ বাবে তেওঁলোকক কোনো কোম্পানীৰ পৃষ্ঠপোষকতাৰো প্ৰয়োজন নহ’ব ৷ ইউ এ ই চৰকাৰৰ লক্ষ্য হৈছে বিশ্বৰ বিভিন্ন প্ৰান্তৰ প্ৰতিভাৱান লোকক ইউ এ ইৰ প্ৰগতিৰ ক্ষেত্ৰত অংশগ্ৰহণ কৰা ৷
কোনবোৰ লোকে লাভ কৰিব গোল্ডেন ভিছা ? কেনেকৈ কৰিব আবেদন
এই ভিছা লাভ কৰিলে তেওঁ নিজৰ পৰিয়ালৰ লোককো লগত ৰাখিব পাৰিব ৷ আজি আমাৰ এই প্ৰতিবেদনত এই বিষয়ৰ ওপৰত ৷ এই প্ৰতিবেদনৰ জৰিয়তে আমি আপোনালোকক জনাম কোনবোৰ লোকে তৎক্ষণাত গোল্ডেন ভিছাৰ বাবে আবেদন কৰিব পাৰে ৷ গতিকে পলম নকৰাকৈ সবিশেষ জানো আহক -
দীৰ্ঘদিন ধৰি কাম কৰি অহা নাৰ্ছ
যদি কোনো নাৰ্চে ১৫ বছৰতকৈ অধিক সময় কাম কৰি আছে, তেন্তে তেওঁ এই গোল্ডেন ভিছাৰ বাবে আবেদন কৰিব পাৰিব ৷ তেওঁ সহজেই লাভ কৰিব ১০ বছৰৰ গোল্ডেন ভিছা ৷ আপোনালোকক জনাই দিও যে, ১২ মে’ত ‘আন্তঃৰাষ্ট্ৰীয় নাৰ্ছ দিৱস’ত ঘোষণা কৰা হৈছিল ৷ জনাই দিও যে, প্ৰতি বছৰে লাখ লাখ লোক ডুবাইলৈ চিকিৎসাৰ বাবে যায় ৷ এনে পৰিস্থিতিত ইয়াত নাৰ্ছৰ অধিক প্ৰয়োজন ৷ সেইবাবেই এই সিদ্ধান্ত লোৱা হৈছে ৷
স্কুল আৰু কলেজৰ শিক্ষক
ডুবাই আৰু ৰাছ আল খাইমাৰ ব্যক্তিগত বিদ্যালয়ৰ শিক্ষক, অধ্যক্ষ আৰু কলেজৰ অধ্যাপকসকলেও এতিয়া এই ভিছাৰ অধিকাৰী হ’ব ৷ এই সিদ্ধান্তই ইউ এ ইৰ শিক্ষাৰ মানদণ্ড আৰু অধিক শক্তিশালী কৰিব ৷
Youtuber, Social Media Influencer বা চলচ্চিত্ৰ নিৰ্মাতা
আজিকালি ছ’চিয়েল মিডিয়াত মানুহ অধিক সক্ৰিয় হৈ পৰিছে ৷ ইয়াৰ পৰাও তেওঁলোকে টকা উপাৰ্জন কৰে ৷ এনে পৰিস্থিতিত এতিয়া ইউটিউবাৰ, ভিডিঅ’ মেকাৰ আৰু ছ’চিয়েল মিডিয়া ষ্টাৰৰ দৰে কন্টেন্ট ক্ৰিয়েটৰেও এই ভিছাৰ বাবে আবেদন কৰিব পাৰিব ৷ ইয়াৰ বাবে তেওঁলোকক কোনো কাৰ্যালয় বা কোম্পানীৰ সৈতে জড়িত হোৱাৰ প্ৰয়োজন নাই ৷
গেমিং আৰু ই-স্প’ৰ্টছৰ সৈতে জড়িত লোকসকল
গেমিং বা অনলাইন গেমৰ জগতখনত কাম কৰা লোকসকলেও এই ভিছাৰ বাবে আবেদন কৰিব পাৰে ৷ ইয়াৰ বিশেষ কথাটো হ’ল ২৫ বছৰৰ ওপৰৰ যিকোনো ব্যক্তি যিয়ে এই ক্ষেত্ৰত পেছাদাৰী ব্যক্তিয়ে ভিছা লাভ কৰিব পাৰে ৷
ইয়ট (বিলাসী নাও)ৰ মালিক
যদি আপোনাৰ ৪০ মিটাৰতকৈ অধিক দীঘল ইয়ট আছে বা আপুনি একেটা উদ্যোগতে কাম কৰি আছে, তেন্তে আপুনিও এই ভিছা লাভ কৰাৰ অধিকাৰী হ’ব ৷
ভিছা কেনেকৈ লাভ কৰিব পাৰি ?
আপুনি নিশ্চয় ভাবিছে যে এই গোল্ডেন ভিছাৰ বাবে কেনেকৈ আবেদন কৰিব ৷ গতিকে আমি আপোনালোকক জনাই দিও যে, আপুনি অনলাইনত পঞ্জীয়ন কৰিব পাৰে ৷ আপোনাৰ পেছাৰ প্ৰমাণ দিব লাগিব, কি কাম কৰি আছে ৷ আপোনাৰ ডিগ্ৰী কিমান ? আপোনাৰ কিমান অভিজ্ঞতা আছে ? এই আটাইবোৰ তথ্য দিয়াৰ পিচত প্ৰায় ৩০ দিনৰ ভিতৰত এই প্ৰক্ৰিয়া সম্পূৰ্ণ হয় ৷
এই ভিছাৰ বিশেষত্ব কি ?
- কোম্পানীৰ প্ৰয়োজন নাই
- লগতে নিজৰ পৰিয়ালকো নিজৰ লগত ৰাখিব পাৰে
- ১০ বছৰ বহিঃৰাজ্যত থাকিবলৈ অনুমতি লাভ
- ই এখন কৰমুক্ত দেশ
- ইয়াত আপোনাৰ জীৱনশৈলী উন্নত কৰিব পাৰিব
লগতে পঢ়ক
