ভাৰতৰ উত্তৰ-পূৰ্বাঞ্চলৰ পূব হিমালয়ত অৱস্থিত ছিকিম ৷ ই দেশৰ অন্যতম সৰু ৰাজ্য ৷ ছিকিমৰ উত্তৰ আৰু উত্তৰ-পূবে চীনৰ তিব্বত স্বায়ত্তশাসিত অঞ্চল, দক্ষিণ-পূবে ভূটান, দক্ষিণে ভাৰতৰ পশ্চিম বংগ ৰাজ্য আৰু পশ্চিমে নেপাল ৷ ছিকিমৰ ৰাজধানী ৰাজ্যখনৰ দক্ষিণ-পূব অংশত অৱস্থিত গেংটক ৷ আলপাইন আৰু উপগ্রীষ্মমণ্ডলীয় জলবায়ুকে ধৰি জৈৱ বৈচিত্ৰ্যৰ বাবে ছিকিম পৰিচিত ৷ ভাৰতৰ দ্বিতীয় ক্ষুদ্ৰ ৰাজ্য ছিকিম হিমালয়ৰ সৌন্দৰ্যৰ লগতে বিশ্বৰ তৃতীয় সৰ্বোচ্চ পৰ্বত শৃংগ কাঞ্চনজংঘাৰ বাবেও পৰিচিত ৷ আমোদজনক কথাটো হ’ল যে ছিকিম এখন সৰু ৰাজ্য আৰু ইয়াত ভ্ৰমণ কৰিবলৈ য’তেই যায় তাতেই বিশেষ কিবা এটা দেখা পাব ৷
পৃথিৱীতে থকা স্বৰ্গসদৃশ ঠাই ছিকিম
ছিকিমৰ ৰাজধানী হৈছে গেংটক, যিখন ৰাজ্যৰ সৰ্ববৃহৎ চহৰ, ইয়াৰে প্ৰায় ৩৫ শতাংশ চহৰ কাঞ্চনজংঘা ৰাষ্ট্ৰীয় উদ্যানৰ দ্বাৰা আবৃত ৷ ছিকিমৰ গেংটক, মংগন, নামচি, গ্যালছিং, পাকয়ং আৰু ছ’ৰেং নামৰ ছখন জিলা আছে ৷ ছিকিম বৰ ধুনীয়া ঠাই ৷ বৰফৰ পাহাৰ, ৰসাল সেউজীয়া উপত্যকা আৰু শান্ত বিলৰ বাবে ছিকিম বিখ্যাত ৷ যদি আপুনি হিমালয় পৰ্বতমালাৰ দৃশ্য আৰু শান্তিপূৰ্ণ স্থান উপভোগ কৰিব বিচাৰে তেন্তে ছিকিমত এনে বহু ঠাই ভ্ৰমণ কৰিবলৈ আছে ৷ দৰ্শনীয় দৃশ্য আৰু শান্তিপূৰ্ণ ঠাইৰ ভঁৰাল ছিকিম যেন পৃথিৱীত স্বৰ্গতকৈও কম নহয় ৷ ছিকিমত অৱস্থিত গেংটক আৰু গুৰুডংমাৰ হ্ৰদ এনে দুখন অনন্য ঠাই য’ত আপুনি নিজকে প্ৰকৃতিক নিচেই কাৰতে পাব পাৰে ৷ ছিকিমৰ প্ৰতিটো ঠাইৰে এক সুকীয়া আৰু স্মৰণীয় অভিজ্ঞতা প্ৰদান কৰে ৷
কিয় ইমান বিপজ্জনক এই ঠাইখন
মন কৰিবলগীয়া যে, ছিকিম যিমান বিপজ্জনক সিমানেই ধুনীয়া ৷ ছিকিমৰ প্ৰাকৃতিক সৌন্দৰ্যৰ লগতে ইয়াৰ বিপদজনক ভৌগোলিক অৱস্থানও এটা গুৰুত্বপূৰ্ণ দিশ ৷ এই অঞ্চলটো অতি উচ্চ উচ্চতাত অৱস্থিত, যাৰ বাবে ইয়াত বিপদজনক বতৰ আৰু ভূমিস্খলনৰ আশংকা থাকে ৷ লগতে কিছুমান অঞ্চলত বনৰীয়া জন্তুৰো উপদ্ৰৱ দেখিবলৈ পোৱা যায় ৷ ছিকিমৰ বেছিভাগ ঠাইতে ওখ ঠাই আছে ৷ এই অঞ্চলটো ভূমিকম্প আৰু ভূমিস্খলনৰ ঘটনাও হোৱা দেখা যায় ৷
এই কাৰণতে হেৰাই লোক
ছিকিমৰ বতৰ প্ৰায়ে হঠাৎ সলনি হয় ৷ ইয়াত হঠাৎ বৰফ পৰা, প্ৰচণ্ড বৰষুণ আৰু ধুমুহাও হ’ব পাৰে ৷ ছিকিমত বহু ধৰণৰ বন্যপ্ৰাণী পোৱা যায়, ইয়াৰে কিছুমান মানুহৰ বাবেও বিপদজনক হ’ব পাৰে ৷ এনে পৰিস্থিতিত বতৰ, ভূমিস্খলন আৰু বন্যপ্ৰাণীৰ বাবে ছিকিমলৈ যোৱা লোকসকল বিপদত পৰিব পাৰে ৷ যাত্ৰাৰ পূৰ্বে বতৰৰ বিষয়ে তথ্য লাভ কৰি স্থানীয় গাইডৰ লগত যাব লাগে ৷ অৰ্থাৎ ক’বলৈ গ’লে ছিকিম এখন সুন্দৰ ঠাই, কিন্তু ভৌগোলিক অৱস্থা আৰু বতৰৰ বাবে এই ঠাইত কিছু বিপদ আছে ৷ এই বিপদসমূহ মনত ৰাখি ছিকিমলৈ যাত্ৰা কৰা লোকসকল সাৱধান হোৱা উচিত ৷
উল্লেখযোগ্য যে, হানিমুনৰ বাবে ছিকিমত নিৰুদ্দেশ হোৱা নৱবিবাহিত উত্তৰ প্ৰদেশৰ প্ৰতাপগড় জিলাৰ এহাল নৱবিবাহিত দম্পতি হানিমুনৰ বাবে ছিকিমলৈ গৈছিল ৷ কিন্তু ফুৰিবলৈ যোৱাৰ ১৫ দিনৰ পাছতো ঘৰলৈ এতিয়ালৈকে উভতি অহা নাই দম্পতিটো ৷ তথা আৰক্ষী-প্ৰশাসনেও কোনো শুং-সুত্ৰ বিচাৰি উলিয়াবলৈ এতিয়ালৈকে সক্ষম হোৱা নাই ৷
দৰাচলতে ৫ মে’ত বিবাহপাশত আবদ্ধ হোৱা কৌশলেন্দ্ৰ প্ৰতাপ সিং আৰু অংকিতা সিং ২৪ মে’ত ছিকিমলৈ ৰাওনা হয় ৷ ২৯ মে’ৰ সন্ধিয়া ভূমিস্খলন প্ৰভাৱিত মংগন জিলাৰ তীস্তা নদীত ১০০০ ফুট ওপৰলৈ গৈ থকা গাড়ীখন তীস্তা নদীত পৰি যায় ৷
জানিব পৰা মতে, লাচেন-লাচুং ঘাইপথৰ মুনসিথাঙৰ সমীপত পথৰ পৰা পিছলি পৰে গাড়ীখন ৷ এই দুৰ্ঘটনাত কৌশলেন্দ্ৰ, অংকিতাকে ধৰি ৮ গৰাকী পৰ্যটক সন্ধানহীন হৈ আছে ৷ নিৰুদ্দেশ হোৱা পৰ্যটকক এন ডি আৰ এফ, অগ্নিনিৰ্বাপক আৰু জৰুৰীকালীন সেৱা, বন বিভাগ, পৰ্যটন বিভাগ, টি এ এ এছ (ছিকিম ট্ৰেভেল এজেণ্টছ এছ’চিয়েচন) আৰু আৰক্ষীৰ লোকে তালাচী অব্যাহত ৰাখিছে ৷ কিন্তু বতৰ বেয়া হোৱাৰ বাবে উদ্ধাৰ অভিযানত বাধাৰ সৃষ্টি হৈছে ৷
লগতে পঢ়ক
