অসমীয়া ছবি তথা টেলিভিছন জগতত এক নতুন মুখৰূপে উদয় হৈছে বৈভৱী গোস্বামী । বৈভৱী গোস্বামী এগৰাকী সুদক্ষ মডেল, আৰু টেলিভিছন উপস্থাপক হোৱাৰ লগতে এগৰাকী সফল অভিনেত্ৰীও যিয়ে অসমীয়া চলচ্চিত্ৰ আৰু ৱেব ছিৰিজত নিজৰ অভিনয়েৰে সকলোৰে মন জয় কৰিবলৈ ইতিমধ্যে সক্ষম হৈছে ।
তেওঁৰ অভিনয়, গ্লেমাৰ আৰু আত্মবিশ্বাসে ইতিমধ্যে বহু দৰ্শকৰ মন জয় কৰিছে । ২০২৩ চনৰ ইউটিউবত মুক্তিলাভ কৰা “১৩ থাৰ্টিন” চিনেমাৰ জৰিয়তে ৰূপালী পৰ্দাত খোজ পেলোৱা বৈভৱী গোস্বামীয়ে ইতিমধ্যে কেইবাখনো ধাৰাবাহিক, ৱেব চিৰিজত অভিনয় কৰি দৰ্শকৰ মন জয় কৰিবলৈ সক্ষম হৈছে । অভিনয়ৰ উপৰি তেওঁ মডেলিং জগততো সক্ৰিয় বৈভৱী গোস্বামী ৷ বিগত বর্ষত বিশেষ ভাৱে চৰ্চা লাভ কৰিবলৈ সক্ষম হোৱা প্ৰণৱ ভৰালীৰ পৰিচালিত অসমীয়া ৱেব চিৰিজ “চুপা চুপী” ত “সংগীতা” নামৰ চৰিত্ৰত অভিনয় কৰি দৰ্শকক বিমোহিত কৰিবলৈ সক্ষম হৈছে ৷ ইটিভি ভাৰতৰ সৈতে হোৱা এক বাৰ্তালাপত অভিনেত্ৰী গৰাকীয়ে জনাই তেওঁৰ দৈনিক ৰুটিন পৰা আৰম্ভ কৰি শৰীৰ চৰ্চালৈ বহু কথা ৷ তেন্তে পলম নকৰি আজি জানো আহক অভিনেত্ৰী বৈভৱী গোস্বামীয়ে কেনেদৰে ৰাখে নিজে শৰীৰৰ যতন ? অভিনেত্ৰী গৰাকীৰ দৈনিক ৰুটিন কি ? অভিনেত্ৰী গৰাকীৰ প্রিয় খাদ্য কি ?
অভিনেত্ৰী গৰাকীৰ দৈনিক ৰুটিন কি ?
এই সন্দৰ্ভত বৈভৱীয়ে কয় মোৰ দৈনিক ৰুটিন বুলি তেনেকুৱা বিশেষ একো নাই ৷ সাধাৰণ ভাবেই থকা হয় ৷ শুই উঠি দৈনিক কাম কৰি কলেজ থাকিলে কলেজলৈ যোৱা হয় ৷ ৰাতিপুৱা 'অটছ' আদি খোৱা হয় ৷ আনহাতে দুপৰীয়া ভাত খাওঁ ৷ তাৰ মাজতে চাহ খোৱা হয় ৷ শ্বুটিং থাকিলে অৱশ্যে, শ্বুটিংৰ খাদ্য খোৱা হয় ৷ তেনেদৰেই এটা সাধাৰণ ভাবে থকা হয় ৷'
শৰীৰ চৰ্চাৰ কেনেদৰে কৰে ?
'শৰীৰ চৰ্চা আচলতে সকলোয়ে কৰিব লাগে, শৰীৰচৰ্চা সকলোৰে বাবে প্ৰয়োজনীয় ৷ কিন্তু আমাৰ বাবে এইটো সদায়ৰ বাবে সম্ভৱ নহয় ৷ কাৰণ কেতিয়াবা ৰাতিপুৱাৰ পৰা গোটেই দিনটো শ্বুটিং থাকে ৷ কেতিয়াবা গোটেই ৰাতিও কাম কৰিবলগীয়া হয় ৷ কিন্তু তাৰ মাজতে যেতিয়া সময় পাওঁ , অকমান যোগ বা আসন কৰা হয় ৷ সেইখিনিয়ে আচলতে প্ৰয়োজনীয় বুলি ভাবোঁ ৷ খোৱাটোও তাৰ মাজত গুৰুত্বপূৰ্ণ ৷'
অভিনেত্ৰী গৰাকীৰ প্রিয় খাদ্য কি ?
অভিনেত্ৰীগৰাকীয়ে কয়,"পিজ্জা খাইয়ো ভাল পাওঁ ৷ যদিও জানো এয়া স্বাস্থ্যৰ পক্ষে উপকাৰী নহয় কিন্তু 'সকলোৰে দৰে মইয়ো ভাত খায়েই ভাল পাওঁ ৷
ছালৰ যতন কেনেদৰে লয় অভিনেত্ৰী গৰাকীয়ে ?
'ছালৰ মই বৰ বিশেষ তেনেকৈ যতন নলও ৷ মোৰ ছালখন যিহেতু শুকান সেইবাবে শালমইনাৰ সমস্যা ইমান নাই ৷ কেতিয়াবা এলোভেৰা জেল লগাওঁ ৷ আৰু নৰ্মেল ক্ৰীম, ছানস্ক্ৰীণ সেয়াই লগোৱা হয় ৷' উল্লেখযোগ্য যে, আহিবলগীয়া নতুন অসমীয়া ছবি "ভাইমন দা" টো দেখিবলৈ পোৱা যাব অভিনেত্ৰী গৰাকীক ৷
লগতে পঢ়ক
