গৰমৰ দিন কেইটাত অত্যাধিক গৰম তথা প্ৰখৰ ৰ'দৰ বাবে প্ৰত্যুকে কম-বেছি পৰিমানে সন্মুখীন হোৱা এটা সমস্যা হৈছে "ছালক ৰ’দে পোৰা" বা ছানবাৰ্ণৰ সমস্যা ৷ সূৰ্যৰ ৰশ্মিৰ প্ৰখৰতাই বিদ্যালয়ৰ অহা যোৱা কৰা শিশুটিৰ পৰা আৰম্ভ কৰি ঘৰত থকা গৃহিনী গৰাকীলৈ সকলোকে আমনি কৰে ৷ এই সমস্যাৰ ফলত ছালত এটা ক’লা দাগ পৰে, কিছুমানৰ ৰঙচুৱা হয় প্ৰথমৱস্থাত ৷ গতিকে ৰ’দলৈ ওলোৱাৰ আধাঘণ্টা পূৰ্বে "ছানস্ক্ৰীণ" ব্যৱহাৰ কৰিব লাগে ৷ 'ছানস্ক্ৰীণ' ব্যৱহাৰ কৰাৰ পাছত কম্পেক্ট পাউদাৰ ব্যৱহাৰ কৰিব পাৰে ৷
তাপমাত্ৰা বৃদ্ধি পোৱাৰ বাবে কেৱল ঘৰৰ বাহিৰত ওলাই গ’লেহে যে ছালখনক ৰ’দে পুৰিব তেনে নহয়, ঘৰৰ ভিতৰত থাকিলেও এই সমস্যা হ'ব পাৰে ৷
ছাল অনুসৰি কেনেধৰণৰ 'ছানস্ক্ৰীণ' ব্যৱহাৰ কৰিব ?
- গৰমৰ দিনকেইটাত ছালখনক ৰ’দে পোৰাৰ পৰা বচাবলৈ
ছানস্ক্ৰীণ ব্যৱহাৰ কৰাটো অতি প্ৰয়োজন ৷ ছানস্ক্ৰীণ বাচনি কৰাৰ ক্ষেত্ৰত বহুতৰে কেতিয়াবা অসুবিধা হয় ৷ সেয়ে যিসকলৰ ছালখন অকণমান শুকান তেওঁলোকে অলপমান মইশ্ব’ৰাইজাৰ ছানস্ক্ৰীণ ব্যৱহাৰ কৰিব পাৰে আনহাতে যি সকলৰ ছালখন অকণমান তেলেতীয়া হয় তেওঁলোকে ছালত জেল ছানস্ক্ৰীণ প্ৰয়োগ কৰিব পাৰে ৷
- ঘৰুৱাভাৱে কেনেদৰে যতন ল'ব ?
যি সকল ছালক ৰ’দে পোৰাৰ ফলত ক’লা ক’লা দাগ পৰিছে তেওঁলোকৰ প্ৰথমে ফ্ৰেকলচ আৰু পিছলৈ গৈ পিগমেনটেশ্বনৰ সমস্যাত ভোগে ৷ লগতে ছালখন যথেষ্ট পৰিমাণে শুকান হৈ আহে ৷ এই সমস্যাৰ পৰা হাত সাৰিবলৈ ঘৰুৱাভাৱে এটা মিশ্ৰণ তৈয়াৰ কৰি আপুনি আপোনাৰ ছালখনৰ যতন লব পাৰিব ৷
ইয়াৰ বাবে আপোনাক লাগিব এচামুচ মাহ বগা সৰিয়হ, হালধি আৰু গাখীৰ ৷ বগা সৰিয়হখিনি গাখীৰত তিয়াই এটা পেষ্ট তৈয়াৰ কৰি ল'ব, তাৰ পাছত তাত এচামুছ কেঁচা হালধীৰ ৰস মিহলাব আৰু তাৰ লগত অকণমান আলমণ্ড অইল মিহলাব ৷ এই আটাইবিধ সামগ্ৰী ভালদৰে মিহলাই মুখ আৰু ডিঙিৰ ছালত লগাব ৷ ১০-১৫ মিনিট লগোৱাৰ পাছত প্ৰথমে মুখখন গাখীৰেৰে তিয়াই ল'ব ৷ প্ৰতি সপ্তাহত যদি এনেদৰে অন্তত দুবাৰকৈ লগাই তেন্তে ছালক ৰ’দে পোৰাৰ ফলত হব পৰা যিকোনো সমস্যাৰ পৰা হাত সাৰি থাকিব পাৰিব ৷
- এই দিনকেইটা কেনেধৰণৰ সাৱধানতা অৱলম্বন কৰা উচিত ?
গৰমৰ দিনকেইটাত খোৱা বোৱাৰ ওপৰতো গুৰুত্ব দিয়া উচিত ৷ লগতে এই দিনকেইটাত আমি যথেষ্ট পৰিমাণে পানী খাব লাগে লগতে যিবোৰ শাক-পাচলিত বেছিকৈ পানী থাকে যেনে ভেন্দি, জিকা, পানীলাও আদি খাব লাগে ৷ খুব বেছি তেলত ভজা খাদ্য নোখোৱাকৈ থাকিব পাৰিলে ভাল ৷ লগতে এই সময়ছোৱাত ফলৰ ৰস খাব লাগে ৷ তৰমুজ ৰস খাব পাৰে ৷ ই আমাৰ ছালৰ বাবে যথেষ্ট উপকাৰী প্ৰমাণিত হ’ব পাৰে ৷
- ছালক ৰ’দে পোৰাৰ ফলত হোৱা ক’লা দাগ নাইকিয়া কৰিবলৈ তৰমুজ ব্যৱহাৰ কৰিব পাৰে
তৰমুজৰ ৰস খোৱাৰ লগতে ছালত লগাবও পাৰে ৷ যিসকলৰ ছাল ৰদত পৰি ক’লা পৰিছে তেওঁলোকেও সেই ঠাইত তৰমুজৰ ৰস লগাব পাৰে ৷ তৰমুজৰ ৰসৰ লগত হাত ভৰি ছালত লগাব পাৰে ৷
লগতে পঢ়ক
