লোভনীয় ৰন্ধন প্ৰণালীৰ প্ৰতি যি ধৰণৰ শ্ৰদ্ধা আৰু সন্মানজনক প্ৰশংসাই আপোনাৰ হৃদস্পন্দন দ্ৰুত কৰি তোলে আৰু আপোনাৰ ভোকক সাধাৰণ ভোকতকৈ বহুগুণ বেছিকৈ বঢ়াই তোলে সেয়াই হৈছে প্ৰকৃত ৰন্ধন পদ্ধতি । নিজৰ অদ্ভুত ৰন্ধন পদ্ধতিৰে চমক সৃষ্টি কৰা এগৰাকী শ্বেফ হৈছে শ্বেফ বিকাশ খান্না ৷ মাষ্টাৰ শ্বেফৰ প্ৰায় প্ৰত্যেকটি চিজনতে দেখিবলৈ পোৱা শ্বেফগৰাকীৰ ৰন্ধন পদ্ধতি প্ৰায় প্ৰত্যেক ঘৰতেই অনুসৰণ কৰা হয় ৷ নতুন নতুন ৰন্ধন পদ্ধতিৰে সকলোৰে হৃদয় জয় কৰা শ্বেফ খান্নাই এইবাৰ এক নতুন ৰেচিপিৰ সৈতে আন্তঃৰাষ্ট্ৰীয় ক্ষেত্ৰত ভাৰত তথা অসমৰ এক সুকীয়া পৰিচয় দাঙি ধৰিছে ৷
ইতিমধ্যে বাৰ্ষিক অম্বুবাচী মেলাৰ বাবে সাজু অসমবাসী তাৰ পূৰ্বে চেলিব্ৰিটি শ্বেফ বিকাশ খান্নাৰ নিউয়ৰ্ক চহৰৰ ৰেষ্টুৰেণ্ট বাংলোৱে দেৱী কামাখ্যালৈ সেৱা জনাইছে ।
২৫ মে’ত ইনষ্টাগ্ৰামত শ্বেয়াৰ কৰা এটা ৰিলত বেকগ্ৰাউণ্ডত বাজি উঠা অসমৰ জাতীয় সংগীত 'অ মোৰ আপোনাৰ দেশ', ভিডিঅ’টিক অনন্য মাত্ৰা প্ৰদান কৰিছে ৷ ভিডিঅ’টিত খান্নাই ৰেষ্টুৰেণ্টখন ৰঙা পাহি, সুগন্ধি ৰজনীগন্ধা ফুলৰ মালা, আৰু পৰম্পৰাগত অসমীয়া উপাদানেৰে সজাই তোলাৰ দৃশ্য প্ৰদৰ্শন কৰে । গুৱাহাটীৰ কামাখ্যা মন্দিৰত অনুষ্ঠিত হোৱা অন্যতম পবিত্ৰ উৎসৱ অম্বুবাচীত উদযাপন কৰা ঐশ্বৰিক নাৰী শক্তিৰ প্ৰতি মুখৰ ইংগিত এই ইংগিত ।
খান্নাই লিখিছে, ‘আজি বাংলোত অসমীয়া ঐতিহ্য উদযাপন কৰা হয় । “আমি উৰ্বৰতা আৰু সৃষ্টিৰ শক্তিশালী প্ৰতীক কামাখ্যা দেৱীৰ ঐশ্বৰিক নাৰী শক্তিক সন্মান জনাইছো ।”
মিচেলিন ষ্টাৰৰ সন্মানেৰে বিভূষিত শ্বেফগৰাকীয়ে লগতে কয় যে, ৰেষ্টুৰেণ্টখনত ভক্তিৰ চিহ্ন হিচাপে গোলাপৰ পাহিৰে ডাষ্টিং কৰা ঘৰতে তৈয়াৰী বাটাছা পৰিবেশন কৰা হ’ব । তেওঁ কয় যে, এই ডিচত থকা ৰঙা আৰু বগা ৰঙে 'কামাখ্যা মা'ৰ সৃষ্টি আৰু চক্ৰীয় শক্তি প্ৰদৰ্শন কৰিব ৷
জনাই দিও যে, নিউয়ৰ্কৰ ইষ্ট ভিলেজত অৱস্থিত বাংলো হৈছে খান্না আৰু ৰেষ্টুৰেণ্টৰ মালিক জিমি ৰিজভিৰ শেহতীয়া উদ্যোগ । ২০২৪ চনত মুকলি হোৱা এই ৰেষ্টুৰেণ্টখনে ইতিমধ্যে চহৰখনৰ আটাইতকৈ কঠিন ৰিজাৰ্ভচনৰ ভিতৰত স্থান লাভ কৰিছে বুলি দ্য ইনফেচুৱেশ্যনে উল্লেখ কৰে ।
২৫ মে’ত শ্বেয়াৰ কৰা এটা ভিডিঅ’ত খান্নাই নিজৰ ৰোঁস্তোৰা বাংলোক আটক ধুনীয়াকৈ সজাই নিউয়ৰ্ক চহৰৰ অতিথি সকলক আদৰণি জনায় ৷ মা কামাখ্যা দেৱালয়ত অনুষ্ঠিত হোৱা অম্বুবাচী মেলাত বহু সাধু-শন্তৰ পৰা আদি কৰি দেশী-বিদেশী পৰ্যটক তথা ভক্তপ্ৰাণ ৰাইজে ভিৰ কৰেহি । খবৰ অনুসৰি ২২ জুনৰ দুপৰীয়া ২.৫৬ বজাত প্ৰবৃত্তিৰ লগে লগে মা কামাখ্যাৰ দুৱাৰ বন্ধ হ'ব । ২৬ জুনত নিবৃত্তিৰ পিছতেই ভক্তৰ বাবে খোল খাব মা কামাখ্যাৰ দুৱাৰ । ২২ জুনৰ পৰা পুনৰবাৰ উখল-মাখল হৈ পৰিব নীলাচল বুকু ।
লগতে পঢ়ক
