যুদ্ধবিৰতি নিষ্ঠাৰে ৰূপায়ণৰ বাবে পাকিস্তান প্ৰতিশ্ৰুতিবদ্ধ

ইছলামাবাদ : আমেৰিকাৰ মধ্যস্থতাত ভাৰত আৰু পাকিস্তানে শনিবাৰে যুদ্ধবিৰতি চুক্তিত সন্মত হৈছে । অৱশ্যে যুদ্ধবিৰতি ঘোষণাৰ পিছতো পাকিস্তানে সীমান্তৰ বিভিন্ন স্থানত গুলীবৰ্ষণ কৰা বুলি ভাৰতে অভিযোগ উত্থাপন কৰিছে । কিন্তু এই যুদ্ধবিৰতি চুক্তিৰ প্ৰতি দায়বদ্ধ পাকিস্তান । দেওবাৰে দেশখনৰ বৈদেশিক পৰিক্ৰমা মন্ত্ৰালয়ে এই কথা ঘোষণা কৰে ।

যুদ্ধবিৰতি উলংঘন সন্দৰ্ভত ভাৰতৰ অভিযোগ সন্দৰ্ভত বৈদেশিক পৰিক্ৰমা মন্ত্ৰালয়ৰ মুখপাত্ৰই কয়, "যুদ্ধবিৰতি নিষ্ঠাৰে ৰূপায়ণৰ বাবে পাকিস্তান প্ৰতিশ্ৰুতিবদ্ধ ।"

এক্সৰ এটা পোষ্টত মন্ত্ৰালয়ে লিখিছে, "আমি বিশ্বাস কৰো যে যুদ্ধবিৰতিৰ মসৃণ ৰূপায়ণৰ ক্ষেত্ৰত যিকোনো সমস্যা উপযুক্ত স্তৰত যোগাযোগৰ জৰিয়তে সমাধান কৰিব লাগে । স্থলভাগত থকা সেনাও সংযম হ'ব লাগে ।"

কিন্তু পাকিস্তানৰ কথা আৰু কামৰ মাজত বিপৰীত ছবি দেখা গৈছে । যিয়ে যুদ্ধবিৰতিৰ প্ৰতি পাকিস্তানৰ দায়বদ্ধতাক লৈ প্ৰশ্ন উত্থাপন কৰিছে । কিয়নো যুদ্ধবিৰতি ঘোষণা কৰাৰ পিছতো শনিবাৰে ভাৰতৰ বায়ু প্ৰতিৰক্ষা ব্যৱস্থাই পাকিস্তানী ড্ৰোণক বাধা দিয়াৰ লগতে বিস্ফোৰণৰ শব্দও শুনা গৈছিল । শ্ৰীনগৰত তীব্ৰ বিস্ফোৰণৰ শব্দ শুনা গৈছিল । পাঞ্জাৱৰ পাঠানকোট আৰু ফিৰোজপুৰ আৰু ৰাজস্থানৰ জয়ছেলমেৰ আৰু বৰমেৰত সম্পূৰ্ণ ব্লেকআউট বলবৎ কৰা হৈছে ।

ইফালে সংবাদমেলত ভাৰতৰ বৈদেশিক সচিব বিক্রম মিছৰীয়ে কয় যে যুদ্ধবিৰতি উলংঘন আৰু ভাৰতে এই উলংঘনবোৰ অতি গুৰুত্বসহকাৰে লক্ষ্য কৰিছে । ভাৰতে পাকিস্তানক এই উলংঘনসমূহৰ সমাধানৰ বাবে উপযুক্ত পদক্ষেপ গ্ৰহণ কৰি পৰিস্থিতিৰ সৈতে গুৰুত্বসহকাৰে আৰু দায়িত্বশীলতাৰে মোকাবিলা কৰিবলৈ আহ্বান জনায় । তেওঁ আন্তঃৰাষ্ট্ৰীয় সীমান্তৰ লগতে নিয়ন্ত্ৰণ ৰেখাত উলংঘনৰ পুনৰাবৃত্তিৰ যিকোনো দৃষ্টান্তৰ সৈতে ভাৰতৰ সশস্ত্ৰ বাহিনীক কঠোৰভাৱে মোকাবিলা কৰিবলৈ নিৰ্দেশ দিয়ে ।

ইফালে বৈদেশিক পৰিক্ৰমা মন্ত্ৰী এছ জয়শংকৰেও এক্সৰ এটা পোষ্টত উল্লেখ কৰে যে ভাৰতে সন্ত্ৰাসবাদৰ বিৰুদ্ধে দৃঢ় আৰু আপোচবিহীন স্থিতি অব্যাহত ৰাখিব ।

লগতে পঢ়ক :যুদ্ধবিৰতিত সহমত প্ৰকাশ কৰিলেও অব্য়াহতআছে অপাৰেশ্য়ন সেন্দূৰ : বায়ু সেনা - OPERATION SINDOOR