বহুলোকে পুৱাই উঠাৰ লগে লগে গেছৰ সমস্যাত ভোগে ৷ পুৱাই পেটত গেছ গঠন হোৱাটো এক সাধাৰণ সমস্যা ৷ এই অৱস্থাত পুৱাই সাৰ পোৱাৰ লগে লগে পেটত গধুৰ হোৱা, পেট ফুলা বা গেছ অনুভৱ হয় ৷ কিন্তু ইয়াক আওকাণ কৰাটোৱো পিচলৈ আপোনাৰ বাবে সমস্যাৰ সৃষ্টি কৰিব পাৰে ৷ সাধাৰণতে খাদ্যাভ্যাস বেয়া, অস্বাস্থ্যকৰ জীৱনশৈলী বা হজম শক্তিৰ লগত জড়িত সমস্যাৰ বাবে পুৱাৰ গেছ হয় ৷ কিন্তু যদি আপুনি প্ৰতিদিনে এনেকুৱা অনুভৱ কৰে, তেন্তে ইয়াৰ আঁৰত বহুতো গুৰুতৰ কাৰণ থাকিব পাৰে, যিটো বুজাটো অতিকৈ প্ৰয়োজনীয় ৷ অন্যথা সময়ৰ লগে লগে ইয়াৰ ফলত পেটৰ সৈতে জড়িত বহুতো গুৰুতৰ ৰোগ হ’ব পাৰে ৷
ৰাতি পলমকৈ আহাৰ গ্ৰহণ কৰা
ৰাতি পলমকৈ আহাৰ গ্ৰহণ কৰাৰ অভ্যাস আপোনাৰ পাচনতন্ত্ৰৰ বাবে একেবাৰেই ভাল নহয় ৷ বিশেষকৈ ৰাতি পলমকৈ গ্ৰহণ কৰা গধুৰ খাদ্য- যেনে ভজা, মছলাযুক্ত বা চৰ্বিযুক্ত খাদ্য খোৱাৰ ফলত আপোনাৰ পাচনতন্ত্ৰত বেয়া প্ৰভাৱ পৰে ৷ আচলতে গভীৰ নিশা গধুৰ খাদ্য খালে আপোনাৰ পাচনতন্ত্ৰই খাদ্য হজম কৰিবলৈ পৰ্যাপ্ত সময় নাপায়, যাৰ বাবে পুৱা গেছ গঠন হ’বলৈ আৰম্ভ কৰে ৷ গেছৰ উপৰিও এচিডিটি, পেটৰ বিষ আৰু নিদ্ৰাৰ সমস্যাও হ’ব পাৰে ৷
আঁহ
শৰীৰৰ বাবে আঁহ অতি গুৰুত্বপূৰ্ণ ৷ কিন্তু ইয়াৰ ফলত পেটত গেছ হ’ব পাৰে ৷ খাদ্যত ফাইবাৰৰ অভাৱত কোষ্ঠকাঠিন্য আৰু গেছ হ’ব পাৰে, আনহাতে খাদ্যত অতিৰিক্ত আঁহৰ পৰিমাণে গেছ আৰু পেট ফুলাৰ কাৰণো হ’ব পাৰে ৷ সেয়ে আঁহক চিন্তা কৰি খাদ্য তালিকাত অন্তৰ্ভুক্ত কৰিব লাগে ৷
পানী কমকৈ খোৱা
খাদ্যৰ সঠিক হজমৰ বাবে পানী অতি প্ৰয়োজনীয় ৷ পানী কমকৈ খালে হজম শক্তি লেহেমীয়া হয় আৰু খাদ্য পেটত দীৰ্ঘ সময়লৈকে জমা হৈ থাকে, যাৰ ফলত গেছ গঠন হয় ৷ গোটেই দিনটো প্ৰচুৰ পৰিমাণে পানী খালে খাদ্য সঠিকভাৱে হজম হয় আৰু পেট ভালদৰে পৰিষ্কাৰ হয় ৷ গতিকে দিনটোৰ ভিতৰত কমেও ৮ৰ পৰা ১০ গিলাচ পানী খোৱাটো বাঞ্ছনীয় ৷ ৰাতি কুহুমীয়া পানী খালে ভাল ৷
মানসিক চাপ আৰু টোপনিৰ অভাৱ
জনাই দিও যে, মগজু আৰু পেটৰ মাজত প্ৰত্যক্ষ সংযোগ আছে ৷ গতিকে অহৰহ মানসিক চাপ আৰু টোপনিৰ অভাৱে আপোনাৰ পাচনতন্ত্ৰত বেয়া প্ৰভাৱ পেলাব পাৰে ৷ মানসিক চাপে পাচনতন্ত্ৰৰ ক্ষতি কৰিব পাৰে, যাৰ ফলত গেছ, বিষ আৰু পেট ফুলাৰ দৰে সমস্যাৰ সৃষ্টি হয় ৷ অৱশ্যে যোগাসন, ধ্যান আৰু ভালকৈ শুলে পাচনতন্ত্ৰৰ সমস্যাৰ পৰা বহু পৰিমাণে পৰিত্ৰাণ পাব পাৰি ৷
খৰধৰকৈ খাদ্য খোৱা আৰু ভালদৰে চোবাই নোখোৱা
অতি সোনকালে খাদ্য খোৱাৰ ফলতো গেছ গঠন হোৱাৰ সম্ভাৱনা বৃদ্ধি পাব পাৰে ৷ যদি আপুনি খাদ্য সঠিকভাৱে চোবাই নোখোৱাকৈ সোনকালে খায় তেন্তে পেটত বায়ু জমা হৈ গেছ আৰু এচিডিটিৰ সৃষ্টি হ’ব পাৰে ৷ লগতে এই অৱস্থাত পেটে খাদ্য হজম কৰিবলৈ অধিক কষ্ট কৰিবলগীয়া হয় ৷ আপোনাৰ এই অভ্যাসে বদহজম, গেছ, এচিডিটি আৰু ওজন বৃদ্ধিৰ কাৰণ হ’ব পাৰে ৷ গতিকে খাদ্য লাহে লাহে আৰু ভালদৰে চোবাই খালে ভাল ৷
লগতে পঢ়ক
