এক নহয় দুই নহয় আছে সম্পূৰ্ণ ২০০ৰো অধিক প্ৰকাৰৰ এলোভেৰা, তথাপিও ইয়াৰে ৪বিধহে কিয় ব্যৱহাৰ কৰা হয় ?

এলোভেৰা বা ছালকুঁৱৰীৰ উপকাৰিতাৰ বিষয়ে সকলোৱে জানে কিন্তু বজাৰত কিমান প্ৰকাৰৰ এলোভেৰা আছে সেই বিষয়ে বহু কম সংখ্যক লোকহে জানে ৷ ছালৰ পৰা আৰম্ভ কৰি স্বাস্থ্যলৈকে সকলো দিশতে উপকাৰী ৷ প্ৰায় প্ৰতিটো ঘৰতে এলোভেৰা গছ পোৱা যায়, কিন্তু আপুনি জানেনে যে এলোভেৰা গছ মাত্ৰ এটা বা দুটা নহয় ২০০ প্ৰকাৰৰ আছে, ইয়াৰে স্বাস্থ্য আৰু সৌন্দৰ্য্যৰ ক্ষেত্ৰত মাত্ৰ চাৰি প্ৰকাৰৰ উদ্ভিদহে অন্তৰ্ভুক্ত কৰা হৈছে ৷

এই চাৰিটাৰ বাহিৰেও আন এলোভেৰা গছবোৰ কেৱল শ্ব’ পিচ হিচাপেহে ব্যৱহাৰ কৰা হয়, ইয়াৰ লগতে এই গছবোৰৰ বিশেষ যত্নৰ প্ৰয়োজন নহয় আৰু ইহঁত সোনকালে নষ্ট নহয় ৷ এই বিশেষত্বৰ বাবেই আপুনি ঘৰতে প্ৰতিবিধ এলোভেৰা ৰোপণ কৰিব পাৰে ৷

আপুনি নিশ্চয় বহু ঠাইত পঢ়িছে যে আপুনি ছালৰ যত্নত এলোভেৰা ব্যৱহাৰ কৰিব লাগে, কিন্তু আপুনি জানেনে ছালৰ যত্নত কোনবিধ এলোভেৰা ব্যৱহাৰ কৰিব লাগে ? বা কৰা উচিত যদি নাজানে তেন্তে আজিৰ প্ৰতিবেদন আপোনাৰ বাবে ৷

১) ৰঙা এলোভেৰা

এইবিধ অতি ধুনীয়া উদ্ভিদ যিটো সূৰ্যৰ পোহৰত ৰাখিলে ইয়াৰ ৰঙা ৰং দেখা যায় ৷ ইয়াৰ পাতত বহু কাঁইট থাকে যদিও ইয়াৰ সৌন্দৰ্যৰ বাবে সকলোৱে নিজৰ ঘৰত ৰেড এলোভেৰা বাব ৰঙা এলোভেৰা ৰোপণ কৰিব বিচাৰে ৷ এইটো মূলতঃ দক্ষিণ আফ্ৰিকাৰ উদ্ভিদ, যাৰ বাবে ইয়াক বেছি পানী দিয়াৰ প্ৰয়োজন নহয় ৷

২) সৰু সৰু পাত থকা এলোভেৰা

সেউজীয়া ৰঙৰ এলোভেৰাত সৰু সৰু বগা ফুট থকা পাতবোৰৰ বাবে ইহঁতক বৰ ধুনীয়া দেখা যায় ৷ কাঁইটেৰে ভৰপূৰ হোৱাৰ পিছতো ইয়াক ছালৰ যত্নত ব্যৱহাৰ কৰা হয় ৷ সৰু সৰু টিণ্টেড পাতৰ লগতে ই ধুনীয়া ৰঙা আৰু হালধীয়া ফুলো গজা দেখা যায় ৷

৩) স্পাইৰেল এলোভেৰা

বজাৰত বহু প্ৰকাৰৰ এলোভেৰা পাব কিন্তু এইবিধ আটাইতকৈ ধুনীয়া জাতৰ ভিতৰত অন্যতম ৷ ইয়াৰ আকৃতি ঘূৰণীয়া আৰু ইয়াৰ ফুল ৰঙা কমলা ৰঙৰ ৷ এই গছজোপা ঘৰ সজোৱাৰ বাবে সৰ্বোত্তম বুলি বিবেচিত হয় ৷

৪) কাৰমাইন এলোভেৰা

যদি আপুনি কেৱল আপোনাৰ ঘৰৰ সৌন্দৰ্য বৃদ্ধিৰ বাবে উদ্ভিদ বিচাৰিছে, তেন্তে কাৰ্মাইন এলোৱে আপোনাৰ বাবে সৰ্বোত্তম হ’ব ৷ এইটো এটা হাইব্ৰিড উদ্ভিদ যিয়ে পানী নোহোৱাকৈও জীয়াই থাকিব পাৰে ৷

লগতে পঢ়ক: মানুহৰ মৃত্যুৰ দ্বিতীয় প্ৰধান কাৰণ আত্মহত্যা