হঠাৎ হিটষ্ট্ৰোক হ’লে তাৎক্ষণিকভাৱে কি ব্যৱস্থা গ্ৰহণ কৰা উচিত ?

গৰমৰ দিনত যিমানেই তাপমাত্রা বৃদ্ধি পায় সিমানেই হিট ষ্টোক হোৱাৰ আশংকা থাকে ৷ অতিপাত গৰমৰ এটা মূল কাৰণ হৈছে গোলকীয় উষ্ণতা ৷ প্ৰকৃতি ধ্বংস তথা যধে-মধে গছ-গছনি কটাৰ ফলত ভয়াৱহ ভাৱে বৃদ্ধি পাইছে গোলকীয় উষ্ণতা ৷ যাৰ ফলত প্ৰতি বছৰে গৰমৰ উত্তাপ প্ৰতি বছৰে বছৰে বৃদ্ধি পায় আহিছে যাৰ ফলত মানুহৰ দেহত বিভিন্ন ৰোগে দেখা দিছে ৷ ইয়াৰে ভিতৰত হিট ক্ৰেম(heat cramps), হিট এক্সোচন (heat exhaustion) আৰু শেষত গৈ হিটষ্ট্ৰোক হ'ব পাৰে ৷

ইয়াৰ কাৰণ সমূহ কি কি ?

অতি বেছি তাপমাত্রা হৈছে হিটষ্ট্ৰোকৰ এটা মূল কাৰণ ৷ সেয়ে অপ্ৰয়োজনীয় কাৰণত ঘৰৰ বাহিৰত ওলাই যাব নালাগে ৷ অতিপাত গৰমৰ বাবে আমাৰ দেহত কিছু উপসৰ্গই দেখা দিয়ে ৷ অতিপাত গৰম আৰু উষ্ণতাৰ বাবে বহুলোকৰ হিটষ্ট্ৰোক হোৱা দেখা যায় ৷

হিটষ্ট্ৰোকৰ লক্ষণসমূহ কি কি ?

হিটষ্ট্ৰোকৰ লক্ষণসমূহ এনেধৰণৰ-

হিটষ্ট্ৰোকৰ লক্ষণসমূহ কি কি ?

হিটষ্ট্ৰোকৰ লক্ষণসমূহ এনেধৰণৰ-

১) শৰীৰৰ উষ্ণতা বৃদ্ধি হোৱা ৷

২) অতিপাত ঘাম ওলোৱা ৷ লগতে গাটো ৰঙা পৰি যাব পাৰে ৷

৩) ডিহাইড্ৰেচন হোৱা ৷

৪) ভাগৰ অনুভৱ কৰা ৷

৫) মূৰ্ছা যোৱা ৷

৬) উশাহ-নিশাহৰ অসুবিধা হোৱা আদিও হিটষ্ট্ৰোকৰ লক্ষণ

এনেবোৰ লক্ষণ দেখা দিয়া মাত্ৰকে পলম নকৰি অতি সোনকালে চিকিৎসকৰ পৰামৰ্শ গ্ৰহণ কৰা লগতে চিকিৎসালয়লৈ নিব লাগে ৷

হিটষ্ট্ৰোকৰ পৰা ৰক্ষা পাবলৈ কেনেধৰণৰ সাৱধানতা অৱলম্বন কৰিব লাগে

১) ঘৰৰ বাহিৰলৈ ওলালে হাত দীঘল চোলা পৰিধান কৰিব লাগে ৷ সমান্তৰাল ভাবে কটন তথা অকমান ঢিলা কাপোৰ পৰিধান কৰিব লাগে ৷

২) পাৰিলে বেছি ৰদত বাহিৰলৈ ওলাই যাব নালাগে ৷ ওলাই গলেও ছাতি বা টুপী ব্যৱহাৰ কৰিব লাগে ৷

৩) শৰীৰত প্ৰয়োজনীয় ছডিয়াম, পটেছিয়ামৰ মাত্ৰা একেই ৰাখিবলৈ প্ৰচুৰ পৰিমাণৰ পানী খাব লাগে ৷ এজন সাধাৰণ মানুহে গৰমৰ সময়ছোৱাত প্ৰায় ৪ ৰ পৰা ৫ লিটাৰ পানী বা চৰ্বত খাব লাগে ৷

৪) বাহিৰৰ পৰা আহিয়ে AC ৰুমত সোমাব, বা AC ৰুমৰ পৰা ওলাই পতকৈ ৰ'দলৈ যাব নালাগে ৷ আৰু কৰবাৰ পৰা আহিয়ে গা ধুব নালাগে ৷ অন্তত ৫-১০ মিনিট জিৰণি লৈহে গা-ধুব যাব লাগে ৷

৫) ক্ৰ'ণিক হাৰ্ট ডিজিজ, লিভাৰ ডিজিজ , ডায়েবেটিছ থকা লোক সকলে এই সময়ছোৱাত বিশেষ সতৰ্কতা অৱলম্বন কৰিব লাগে ৷ কাৰণ গৰমৰ সময়ছোৱাত এই লোকসকলৰ শৰীৰৰ মেটাবলিজিম সঘনাই সলনি হয় ৷

৬) গৰমৰ সময়চোৱাত নিমখ আৰু টেঙাজাতীয় বস্তু আমাৰ শৰীৰৰ বাবে প্ৰয়োজনীয় ৷ সেয়ে টেঙা চৰ্বত খাব পাৰে ৷

৭) গৰমৰ সময়তচোৱাত ঘৰৰ ভিতৰত উত্তাপটো যাতে ভিতৰলৈ নাহে তাৰ বাবে খিৰিকী আদিত গৰম কাপোৰ ব্যৱহাৰ কৰিব পাৰে ৷

কোনো ব্যক্তিৰ যদি হিটষ্ট্ৰোক হয় তেন্তে তাৎক্ষণিকভাৱে কি কৰিব লাগে ?

অতিপাত উষ্ণতাৰ বাবে যদি এজন ব্যক্তি অচেতন হৈ যায় তেন্তে তেওঁক তাৎক্ষণিক ভাৱে হাস্পাতালৈ নিব লাগে ৷ তাৰোপৰি পানী বা বৰফ জাতীয় বস্তু, বা পাতল কাপোৰ এখন পানীত তিয়াই ব্যক্তিজনৰ শৰীৰত লগাই দিব লাগে ৷

উল্লেখ্য যে,যদিহে উচিত সময়ত ইয়াৰ চিকিৎসা কৰা নহয় তেন্তে মৃত্যু পৰ্যন্ত হ'ব পাৰে ৷ ভাৰতবর্ষত প্ৰতিবছৰেই বহুলোক হিটষ্ট্ৰোকত মৃত্যুবৰণ কৰে ৷

লগতে পঢ়ক