হাৰ্ট এটেক তথা ষ্ট্ৰোকৰ লক্ষণসমূহ আজিয়েই জানি লওক...

Stroke and heart attack warning signs: হাৰ্ট এটেক আৰু ষ্ট্ৰোক সম্পৰ্কে আমাৰ কিছুমান ভুল ধাৰণা আছে ৷ এই দুয়োটা সমস্যা বেলেগ বেলেগ ৷ হাৰ্ট এটেক প্ৰকৃততে হৃদযন্ত্ৰৰ সৈতে জড়িত ৷ হাৰ্ট এটেক হৃদযন্ত্ৰৰ এক সমস্যা ৷ আনহাতে, ষ্ট্ৰোক আমাৰ মগজুৰ সৈতে জড়িত সমস্যা ৷ হৃদযন্ত্ৰই সমগ্ৰ শৰীৰলৈ তেজ যোগান ধৰে ৷ একে সময়তে হৃদযন্ত্ৰকো তেজৰ প্ৰয়োজন ৷ যেতিয়া হৃদযন্ত্ৰই প্ৰয়োজনীয় তেজ নাপায়, তেতিয়া হৃদযন্ত্ৰৰ কিছু অংশ ক্ষতিগ্ৰস্ত হয় ৷ ইয়াৰ ফলত হাৰ্ট এটেক আহিব পাৰে ৷

হৃদযন্ত্ৰক যেনেকৈ তেজৰ প্ৰয়োজন হয়, মগজুকো তেজৰ প্ৰয়োজন ৷ অন্যথা মগজুৱে কাম কৰিব নোৱাৰে ৷ মগজুৰ এটা অংশই হঠাতে তেজ পোৱা বন্ধ কৰি দিলে ষ্ট্ৰোক হয় ৷ মগজুৰ সকলো অংশই সিৰৰ মাজেৰে তেজ কঢ়িয়াই লৈ ফুৰে ৷ যেতিয়া সেই ৰক্ত সঞ্চালন কৰা নলী বন্ধ হৈ যায় বা নলীডাল ফাটি যায়, তেতিয়া মগজুৰ কোনো অংশত তেজ নাযায় ৷ আৰু ইয়াৰ অৰ্থ হ’ল মগজুৰ যি অংশত তেজ পোৱা নাযায়, সেই অংশই কাম নকৰে ৷ গতিকে দেখা যায় যে কাৰোবাৰ ষ্ট্ৰোক হ’লে শৰীৰৰ এটা ফাল জঠৰ হৈ পৰে ৷

সহজ ভাষাত ক’বলৈ গ’লে হাৰ্ট এটেকৰ অৰ্থ হ’ল হৃদযন্ত্ৰই প্ৰয়োজনীয় তেজ পোৱা নাই আৰু ষ্ট্ৰোক মানে যেতিয়া মগজুৱে প্ৰয়োজনীয় তেজ নাপায় ৷ এই দুয়োটাৰে ফলত মানুহৰ মৃত্যু হ’ব পাৰে ৷ গতিকে হৃদযন্ত্ৰ আৰু মগজু সদায় সুস্থ হৈ থকা উচিত ৷

হাৰ্ট এটেকৰ লক্ষণসমূহ

• হাৰ্ট এটেকৰ বহু লক্ষণ আছে ৷ ইয়াৰে এটা লক্ষণ হৈছে বুকুৰ বিষ বা অস্বস্তি অনুভৱ কৰা ৷ আপোনাৰ যদি অত্যধিক বুকুৰ বিষ হৈ থাকে তেন্তে ই হাৰ্ট এটেকৰ লক্ষণ হ’ব পাৰে ৷
• আপোনাৰ হৃদযন্ত্ৰই যদি প্ৰয়োজন অনুসৰি তেজ নাপায় তেন্তে আপুনি উশাহ লোৱাত কষ্ট পাব পাৰে ৷ ইয়াৰ ফলত হাৰ্ট এটেক অহাৰ সম্ভাৱনা থাকিব পাৰে ৷
• বাহু, পিঠি, ডিঙি, পেটত বিষ অনুভৱ কৰিলে সাৱধান হ’ব ৷ কিয়নো এই সমস্যাও হাৰ্ট এটেকৰ লক্ষণ হ’ব পাৰে ৷ অস্বাভাৱিকভাৱে এই সমস্যা অনুভৱ কৰিলে ডাক্তৰৰ পৰামৰ্শ গ্ৰহণ কৰক ৷
• মূৰ ঘূৰোৱা সমস্যাও হৃদৰোগৰ লক্ষণ হ’ব পাৰে ৷ যেতিয়া প্ৰয়োজন অনুসৰি হৃদযন্ত্ৰই তেজ নাপায় তেতিয়া আপোনাৰ মূৰ ঘূৰোৱা সমস্যা হ’ব পাৰে ৷ একেদৰে ঠাণ্ডা কালত অত্যধিক গৰম অনুভৱ কৰিব পাৰে ৷

বিশেষজ্ঞৰ মতে ষ্ট্ৰোকৰ লক্ষণসমূহ

• ষ্ট্ৰোকৰ সম্ভাৱনা বৃদ্ধি পালে বা এই সমস্য়াই শৰীৰৰ এটা অংশ হঠাৎ দুৰ্বল কৰিব পাৰে ৷ শৰীৰ এটা ফাল যদি আপুনি দুৰ্বল অনুভৱ কৰে তেন্তে ই ষ্টোকৰ লক্ষণ হ’ব পাৰে ৷
• ষ্টোকৰ এটা লক্ষণ হৈছে আপুনি হঠাতে চকুৰে ধুঁৱলি-কুঁৱলি দেখিব পাৰে ৷ কেতিয়াবা এটা চকুৱে দেখাত অসুবিধা পাব পাৰে বা কেতিয়াবা দুয়োটা চকুৱে দেখাত অসুবিধা পাব পাৰে ৷
• তীব্ৰ মূৰৰ বিষ ষ্টোকৰ লক্ষণ হ’ব পাৰে ৷ তীব্ৰ মূৰৰ বিষ হ’লে সাৱধান হ’ব ৷ একেদৰে কথা ক’বলৈ বা বুজিবলৈ অসুবিধা সন্মুখীন হ’ব পাৰে ৷
• হঠাৎ যদি আপুনি খোজ কঢ়াত অসুবিধাৰ সন্মুখীন হয় তেতিয়াও আপুনি সাৱধান হ’ব ৷ কিয়নো এই সমস্যাও ষ্টোকৰ লক্ষণ হ’ব পাৰে ৷ একে সময়তে আপুনি শৰীৰৰ ভাৰসাম্য হেৰুৱাব পাৰে ৷ ভাৰসাম্য হেৰুৱাৰ লগতে আপোনাৰ মূৰ ঘূৰোৱা সমস্যাও সৃষ্টি হ’ব পাৰে ৷

(সতৰ্কীকৰণ: এই প্ৰতিবেদনত আপোনাক দিয়া সকলো স্বাস্থ্য তথা জীৱনশৈলী সম্পৰ্কীয় যিকোনো তথ্য আৰু পৰামৰ্শ কেৱল আপোনাৰ সাধাৰণ তথ্যৰ বাবেহে আগবঢ়োৱা হৈছে । আমি এই তথ্য বৈজ্ঞানিক গৱেষণা, অধ্যয়ন, চিকিৎসা আৰু স্বাস্থ্য পেছাদাৰী পৰামৰ্শৰ ভিত্তিত প্ৰদান কৰিছো । আপুনি এই উপায় বা পদ্ধতি অনুসৰণ কৰাৰ আগতে এই বিষয়ে বিতংভাৱে জনাটো উচিত তথা আপোনাৰ ব্যক্তিগত চিকিৎসকৰ পৰামৰ্শ গ্ৰহণ কৰাটো উচিত ।)

লগতে পঢ়ক