নৱজাতকক ডাইপাৰ পিন্ধোৱাৰ অভ্যাস আছে নেকি ? তেনেহ’লে সাৱধান হওক - Pediatrician On Child Health Issue

এইমছৰ শিশু চাৰ্জাৰী বিভাগৰ অধ্যাপিকা ডাঃ শিল্পা শৰ্মাই সিশু সম্পৰ্কীয় কিছুমান গুৰুত্বপূৰ্ণ বিষয়ৰ সন্দৰ্ভত শিশুসমূহক কেনেদৰে যত্ন লোৱা হয় আৰু কিছু ৰোগ শিশুৰ বাবে কিমান বিপদজনক হ'ব পাৰে আনকি এই আসাৱধানতাৰ ফলত শিশুৰ মৃত্যুও কৰিব পাৰে বুলি বহুতো গুৰুত্বপূৰ্ণ মন্তব্য প্ৰকাশ কৰে ৷ ডাঃ শিল্পা শৰ্মাই কয় যে, শিশুক ডাইপাৰ পিন্ধাৰ অভ্যাসে নৱজাতকৰ বৃক্কৰ ওপৰত বেয়া প্ৰভাৱ পেলাইছে ।

বিশেষজ্ঞসকলৰ মতে, প্ৰায়ে দেখা গৈছে যে এই ডাইপাৰৰ ফলত নৱজাতকৰ মূত্ৰনলী অৱৰুদ্ধ কৰা, প্ৰস্ৰাৱ ৰৈ ৰৈ টোপাল টোপালকৈ অহা আদি ৰোগত ভুগিব পাৰে ৷ ইয়াৰ ফলত, প্ৰস্ৰাৱৰ চাপ বৃক্কৰ ওপৰত পৰে ৷ ফলত এটি শিশু বৃক্কৰ ৰোগত আক্ৰান্ত হ’ব পাৰে ৷ যদি ইয়াক সময়মতে চিকিৎসা কৰা নহয়, তেন্তে বৃক্কও ক্ষতিগ্ৰস্ত হ'ব পাৰে । ইয়াৰ বাহিৰেও, শিশুটোৰ খোজ কাতলো সলনি হয় ৷

প্ৰায়ে দেখা যায় যে, অভিভাৱকসকলে সাধাৰণতে এইসমূহ সমস্যাৰ প্ৰতি মনোযোগ নিদিয়ে আৰু নৱজাতকক ডাইপাৰ পিন্ধায় । ফলত দিনক দিনে এই সমস্যাসমূহ বৃদ্ধি হয় ৷ আনহাতে পূৰ্বতে, মহিলাসকলে তেওঁলোকৰ সন্তানৰ প্ৰস্ৰাৱৰ পথ চাই আছিল । তেওঁলোকে কয় যে শিশুটোৰ প্ৰস্ৰাৱৰ পথত মনোযোগ দিব লাগে । যদি এইটো পোন নহয়, তেন্তে চিকিৎসকৰ সৈতে যোগাযোগ কৰিব লাগে । এই বিষয়ে মানুহৰ মাজত সজাগতা বৃদ্ধি কৰিলে এই সমস্যাটো হ্ৰাস হোৱাৰ সম্ভাৱনা আছে । ডাঃ শৰ্মাই কয় যে এনে ক্ষেত্ৰত শিশুৰ অস্ত্ৰোপচাৰ দক্ষ চিকিৎসকৰ ওচৰত কৰোৱা উচিত ।

ততালিকে চিকিৎসকৰ সৈতে যোগাযোগ কৰক :

বহুসময়ত জন্মতে শিশুৰ শ্বাসনলী তৈয়াৰ হৈ নাহে । এনে শিশুৱে খাদ্য খোৱাৰ সময়ত, মুখেৰে ফেন ওলায় । যদি শিশুৰ এনে সমস্যা হয় তেনেহ’লে তেওঁক এঘণ্টাৰ ভিতৰত চিকিৎসাৰ বাবে চিকিৎসালয়লৈ অনা উচিত। এনে নৱজাতকৰ অস্ত্ৰোপচাৰৰ দ্বাৰা এটা শ্বাসনলী তৈয়াৰ কৰিব পাৰি । কিন্তু দেখা গৈছে যে কেতিয়াবা শিশুসকলক 5-6 দিনলৈও চিকিৎসালয়লৈ অনা নহয় আৰু ফলত তেওঁলোক নিউমোনিয়া ৰোগত আক্ৰান্ত হয় ৷

লগতে পঢ়ক: তামোল-পাণ-গুটখা খোৱাৰ ফলত দাঁতৰ কি কি সমস্যা হ'ব পাৰে? - Side effect of tobacco