ঘৰৰ পৰা ওলাওতে চশমা পিন্ধাটো বাঞ্ছনীয় কিয় জানক - Protect Yourself from Air Quality

ভাৰতকে ধৰি বিশ্ববাসীৰ বাবে বায়ু প্ৰদূষণ এক প্ৰধান চিন্তাৰ কাৰণ হৈ পৰিছে ৷ দূষিত বায়ুৰ ফলত কাহ, ডিঙিত বিষ আৰু ভাইৰাছৰ সংক্ৰমণ বিয়পি পৰিছে ৷ হৃদৰোগ আৰু হাঁপানী ৰোগীৰ পৰিস্থিতি আৰু বেয়া ৷

এক গৱেষণাত বিষাক্ত বায়ুকো Corona ভাইৰাছ মহামাৰীৰ ফলত হোৱা মৃত্যুৰ কাৰকৰ সৈতে জড়িত কৰা হৈছে ৷ বিশ্বৰ চৰকাৰসমূহে বায়ু প্ৰদূষণ বন্ধ কৰাৰ বাবে নিজৰ নিজৰ স্তৰত প্ৰচেষ্টা চলাই থকাৰ সময়তে ভাৰততো কেন্দ্ৰীয় চৰকাৰে আইন প্ৰণয়নৰ কথা চিন্তা কৰিছে ৷ কিন্তু, বৰ্ধিত বায়ু প্ৰদূষণৰ পৰা নিজকে কেনেকৈ ৰক্ষা কৰিব পাৰি সেই প্ৰশ্নৰ উত্তৰ জনাটো অতি প্ৰয়োজনীয় ৷

ঘৰৰ বাহিৰলৈ ওলাই যাওঁতে এইবোৰ কথা মনত ৰাখিব:-

মাস্কৰ প্ৰয়োজন

যদি আপুনি ঘৰৰ পৰা ওলাই যায়, তেন্তে নিশ্চিতভাৱে মাস্ক পৰিধান কৰক ৷ উন্নত মানৰ মাস্কে আপোনাক প্ৰদূষণৰ পৰা হাত সাৰিবলৈ বহুখিনি সহায় কৰিব পাৰে ৷ বজাৰ, অফিচ, স্কুল-কলেজলৈ যোৱাৰ সময়ত আৰু ল’ৰা-ছোৱালীকো মাস্ক পৰিধান কৰিবলৈ শিকাওক ৷

চশমাও পিন্ধিব পাৰে

যদি আপুনি, এই প্ৰদূষণে চকুত বিৰক্তিও সৃষ্টি কৰে ৷ গতিকে চকুৰ সুৰক্ষাৰ বাবে চশমা পিন্ধিব পাৰে ৷ গাড়ীৰে যাওক বা খোজকাঢ়ি যাওক ৷ চশমা পৰিধান কৰিবলৈ নাপাহৰিব ৷

অকাৰণে ঘৰৰ বাহিৰলৈ যোৱাৰ পৰা বিৰত থাকক

অফিচ, স্কুল-কলেজ আদিলৈ যাবলগীয়া হোৱা মানুহবোৰ ঘৰৰ বাহিৰলৈ ওলোৱাটো প্ৰয়োজনীয় হৈ পৰে ৷ কিন্তু যিসকল লোকৰ কাম নাই তেওঁলোকৰ বাবে অপ্ৰয়োজনীয়ভাৱে ঘৰৰ পৰা ওলাই নোযোৱাটোৱেই ভাল হ’ব ৷ যেনে ল’ৰা-ছোৱালীক পাৰ্ক বা ৰাস্তাত খেলা-ধূলা কৰিবলৈ খুব কমেইহে পঠিয়াব লাগে আৰু সম্ভৱ হ’লে ঘৰতে থাকিবলৈ ক’ব লাগে ৷

ব্যায়াম প্ৰয়োজনীয়

বাহিৰত প্ৰদূষণ আছে, গতিকে যিমান পাৰি ঘৰতে থাকিলে স্বাস্থ্যৰ বাবে উপকাৰী৷ যদিও প্ৰদূষণৰ বাবে পাৰ্কলৈ যাব পৰা নাই ৷ কিন্তু নিজকে সুস্থ কৰি ৰাখিবলৈ ঘৰতে ব্যায়াম কৰিব পাৰে ৷

লগতে পঢ়ক: আপোনাৰ জানিবলৈ মন যায় নে বাৰু মানুহ কিমান বছৰলৈ জীয়াই থাকিব পাৰে ?