কোনবোৰ কাৰণত অগ্নিদগ্ধ হোৱাৰ আশংকা বেছি ? অগ্নিদগ্ধ হ'লে কেনেধৰণৰ খাদ্য গ্ৰহণ কৰিব লাগে ?

বৰ্তমান সময়ত জুয়ে পোৰা বা অগ্নিদগ্ধ হোৱা এই সমূহ ঘটনা প্ৰায়ে শুনিবলৈ পোৱা যায় ৷ জুয়ে পোৰা দুৰ্ঘটনা এটা অতি ভয়াৱহ দুৰ্ঘটনা ৷ জুয়ে কেৱল ব্যক্তিএগৰাকীৰ বাহিৰৰ অংশই যে পুৰে সেইটো নহয়, ইয়াৰ ফলত মানুহৰ ভিতৰত অংগ-প্ৰতংগও অনিষ্ট হয় ৷ সমান্তৰালভাৱে ই এক শৰীৰিক তথা মানসিক আঘাত ৷ অগ্নিদগ্ধৰো আছে নানা প্ৰকাৰ, যেনে : কিছুমানৰ ওপৰে ওপৰে দগ্ধ হয় যাক superficial burn বুলি কোৱা হয়, আনহাতে কিছুমানৰ আকৌ দ কৈ বা গভীৰভাৱে পোৰে হয় যাক Deep Burn বা গভীৰ জ্বলা-পোৰা বুলি কোৱা হয় ৷

ওপৰে ওপৰে যি সমূহ দগ্ধ সেই সমূহ সোনকালে ভাল হৈ যায় যদিও কিছুমান স্থান বেছিকৈ পুৰি যায় তেতিয়া সেইসমূহ ভাল হ'বলৈ অকমান সময় লাগে ৷ Deep Burnত কেতিয়াবা অস্ত্ৰোপচাৰ কৰিব লগীয়াও হয় ৷

জুয়ে পোৰাৰ কাৰণসমূহ কি কি ?

• জুয়ে পোৰা দুৰ্ঘটনাৰ বিভিন্ন কাৰণ হ'ব পাৰে ৷ ইয়াৰে ভিতৰত-
• খোলা জুইৰ বাবে এই দুৰ্ঘটনা হ'ব পাৰে ৷
• গৰম বস্তু যেনে-গৰম পানী, গাখীৰ, দাইল আদিৰ দৰে পানীয়া বস্তু পৰা এনে দুৰ্ঘটনা হ'ব পাৰে ৷
• কেমিকেলৰ পৰাও এই দুৰ্ঘটনা হ'ব পাৰে ৷
• বৈদ্যুতিক কাৰণতো এনে দুৰ্ঘটনা সংঘটিত হ'ব পাৰে ৷
• এইবোৰ কাৰণতে সাধাৰণতে অগ্নিদগ্ধ হোৱা দেখা যায় ৷ আনহাতে প্ৰতিটো কাৰণৰে চিকিৎসাও বেলেগ বেলেগ ধৰণৰ হয় ৷

কোনো সকল লোক বেছিকৈ অগ্নিদগ্ধ হয় ?

এই সন্দৰ্ভত চিকিৎসকগৰাকীয়ে জনায় ৷ অগ্নিদগ্ধ হোৱা সকলৰ ভিতৰত বেছি ভাগে মহিলা আৰু শিশু ৷ মহিলাসকলৰ ক্ষেত্ৰতো বিশেষকৈ কম বয়সীয়া মহিলা সকল বেছিকৈ অগ্নিদগ্ধ হোৱা দেখা যায় ৷ কাৰণ মহিলা সকলে সাধাৰণতে ৰন্ধা-বঢ়া কৰে, খোলা জুইৰ লগত বেছি কাম কৰে সেয়ে তেওঁলোকৰ ক্ষেত্ৰত এনে দুৰ্ঘটনা বেছি হোৱা দেখা যায় ৷

অগ্নিদগ্ধ হ'লে কেনেধৰণৰ খাদ্য গ্ৰহণ কৰিব লাগে ?

বহুসময়ত অগ্নিদগ্ধ হলে বগা দাগ পৰা পৰিলক্ষিত হয় ৷ এনেক্ষেত্ৰত কিছু খাদ্য গ্ৰহণ কৰিব নলাগে বুলি অতীজৰে পৰা শুনি অহা দেখা যায় ৷ এইক্ষেত্ৰত চিকিৎসক গৰাকীয়ে কয়,' পুৰিলে কেতিয়াবা আমাৰ ছালত বগা দাগ পৰা দেখা যায় ৷ বহুতে কণীৰ বাবে এই দাগ পৰা বুলি কোৱা দেখা যায় ৷ কিন্তু এইয়া সত্য নহয় ৷ কণী খোৱাৰ বাবে এই বগা দাগ নহয় ৷ আমি যিসকল ৰোগী বেছিকৈ অগ্নিদগ্ধ হয় তেওঁলোকক ৬-৭ টা কৈ কণী দৈনিক খাবলৈ দিওঁ ৷ বহুতে টেঙা খাবলৈও মানা কৰা দেখা যায় ৷ ঘাঁ হলে টেঙা খাবলৈ বাধা দিয়া দেখা যায় যিটো এটা ভুল ধৰনা কাৰণ টেঙাত ভিটামিন চি থাকে আৰু ভিটামিন চি য়ে ঘাঁ শুকুৱাত হে সহায় কৰে ৷ সেইবাবে আমি যথেষ্ট পৰিমাণে টেঙা খাব লাগে ৷'

জুয়ে পুৰিলে জ্বলা বন্ধাৰ কাৰণ কি ?

জুয়ে পুৰিলে বহুসময়ত জ্বলা বান্ধি যোৱা দেখা হয় ৷ চিকিৎসক মতে যেতিয়া ছালখন ওপৰে ওপৰে পুৰে তেতিয়া জ্বলা বান্ধি উঠা দেখা যায় ৷ সেয়ে জ্বলা বান্ধি উঠিলে ভয় কৰিব নালাগে ৷ আনহাতে যদি পোৰা অংশ পানী ঢালে তেন্তে জ্বলা বান্ধি নুঠে ৷

লগতে পঢ়ক