ব্ৰেকআপৰ উৰাবাতৰিৰ মাজত মালাইকা অৰোৰাৰ ৰহস্যময় পোষ্ট - Malaika Arora Instagram story
Malaika Arora Instagram: স্পেইনৰ মাৰ্বেলাত সময় উপভোগ কৰি থকা মালাইকা অৰোৰাই এক ৰহস্যময় ইনষ্টাগ্ৰাম পোষ্টৰ জৰিয়তে তেওঁৰ সম্পৰ্কৰ স্থিতি সম্পৰ্কে কৌতূহলৰ সৃষ্টি কৰিছে । পোষ্টটোৰ পিচত অভিনেতা অৰ্জুন কাপুৰৰ সৈতে তেওঁৰ সম্পৰ্ক সন্দৰ্ভত নেটিজেনৰ মাজত নানা চৰ্চা আৰম্ভ হৈছে ।
Published : July 16, 2024 at 7:08 PM IST
চিটাৰা ডেস্ক, 16 জুলাই : বলীউডৰ ডান্সিং ডিভা মালাইকা আৰোৰাই বৰ্তমান স্পেইনৰ মাৰ্বেলাৰ দৃষ্টিনন্দন স্থানত পৰিৱেশ উপভোগ কৰি আছে । বিগত কিছু সময় ধৰি মালাইকা অৰোৰাৰ ব্যক্তিগত জীৱনটো আলোচনাৰ এক উত্তপ্ত বিষয় হৈ আছে ৷ শেহতীয়াকৈ তেওঁৰ ছ’চিয়েল মিডিয়া পোষ্টে অনুৰাগীসকলৰ মাজত পুনৰ কৌতূহলৰ সৃষ্টি কৰিছে । মঙলবাৰে অভিনেত্ৰীগৰাকীয়ে নিজৰ ছ’চিয়েল মিডিয়া হেণ্ডেলত ‘সম্পৰ্ক’ ৰ বিষয়ে পুনৰ এটা ৰহস্যময় পোষ্ট শ্বেয়াৰ কৰে ।
ইনষ্টাগ্ৰাম ষ্ট'ৰীত মালাইকাই এটা পোষ্ট শ্বেয়াৰ কৰে য'ত লিখা আছে, "আপুনি থাকিবলগীয়া আটাইতকৈ দীঘলীয়া সম্পৰ্কটো হৈছে আপোনাৰ হৃদয়, মন আৰু শৰীৰৰ সৈতে । এইবোৰৰ সৈতে দয়ালু হৈ থাকক ।" এই ৰহস্যময় পোষ্টে অৰ্জুনৰ সৈতে তেওঁৰ বিচ্ছেদ হোৱাৰ বাতৰিত ইন্ধন যোগ কৰিছে ৷ অনুৰাগীসকল অভিনেতা অৰ্জুন কাপুৰৰ সৈতে তেওঁৰ সম্পৰ্কৰ স্থিতিক লৈ চিন্তাত পৰিছে ।
কিছুসময় ধৰি অৰ্জুন-মালাইকাৰ সম্পৰ্ক বিচ্ছেদ হোৱাৰ বাতৰি প্ৰচাৰ হৈ আছে ৷ যোৱা মাহত অৰ্জুনৰ জন্মদিন উদযাপনৰ সময়ত মালাইকাৰ অনুপস্থিতিয়ে নেটিজেনৰ এই সন্দেহ অধিক তীব্ৰতৰ কৰি তোলে । ইমান চৰ্চাৰ মাজতো মালাইকা বা অৰ্জুন, কোনো এজনেও কিন্তু এতিয়ালৈকে আনুষ্ঠানিক বিবৃতি প্ৰকাশ কৰি একো স্পষ্ট কৰা নাই । দৰাচলতে মালাইকাৰ মেনেজাৰে ব্ৰেকআপৰ বাতৰিক কেৱল অনুমান বুলি অভিহিত কৰি এই কথা অস্বীকাৰ কৰা বুলি জানিব পৰা গৈছে । যাৰ ফলত তেওঁলোকৰ সম্পৰ্কৰ স্থিতি অস্পষ্ট হৈয়েই আছে ।
2019 চনত ডেট কৰিবলৈ আৰম্ভ কৰিছিল মালাইকা আৰু অৰ্জুনে ৷ কেইবা বছৰ ধৰি তেওঁলোক একেলগে আছে । ইয়াৰ আগতে মালাইকাই প্ৰায় দুটা দশক ধৰি আৰবাজ খানৰ সৈতে বৈবাহিক জীৱন যাপন কৰিছিল ৷ তেওঁলোকৰ আৰহান খান নামেৰে এটি পুত্ৰ সন্তান আছে ৷ আৰহানৰ জন্ম হৈছিল 2002 চনত ।
লগতে পঢ়ক : অৰ্জুনৰ জন্মদিনৰ পাৰ্টীলৈ নগ’ল মালাইকা ! - malaika arjun breakup
