ভাল খবৰ দিলে সিদ্ধাৰ্থ-কিয়াৰাই

হায়দৰাবাদ: শুকুৰবাৰে আহিল সিদ্ধাৰ্থ-কিয়াৰাৰ অনুৰাগীৰ বাবে এটা ভাল খবৰ ৷ তাৰকাদ্বয়ে জনালে তেওঁলোকৰ প্ৰথমটি সন্তানৰ আগমনৰ কথা ৷ অফ হোৱাইট ৰঙৰ এযোৰ উলৰ মোজা তেওঁলোক দুয়োৱে হাতত লৈ এখন মৰমলগা ফটো শ্বেয়াৰ কৰিছে ৷ ফটোখন আপলোড কৰা মাত্ৰেই শুভেচ্ছাবাণীৰে উপচি পৰিছে তেওঁলোকৰ সামাজিক মাধ্যম ৷ ভাল খবৰটো শ্বেয়াৰ কৰাৰ লগে লগে সিদ্ধাৰ্থ-কিয়াৰাৰ অনুৰাগীসকল উৎফুল্লিত হৈ পৰিছে ৷

"আমাৰ জীৱনৰ আটাইতকৈ ডাঙৰ উপহাৰ । অতি সোনকালে আহি আছে ।" এইদৰে লিখা পোষ্টটোৱে তেওঁলোকৰ জীৱনৰ এই নতুন অধ্যায়ক লৈ দুয়োৰে উত্তেজনা বৰ্ণনা কৰিছে ৷ ইফালে, চেলেব্ৰিটীসকলেও অনুৰাগীৰ সৈতে যোগ দি ছ’চিয়েল মিডিয়াত দম্পতীটোক অভিনন্দন জনাইছে । ৰকুল প্ৰীত সিং, নীনা গুপ্তা, সামান্থা ৰুথ প্ৰভু, আথিয়া শ্বেট্টী সকলোৱে হ’বলগীয়া অভিভাৱকলৈ উষ্ম শুভেচ্ছা জ্ঞাপন কৰিছে ।

শ্বেৰশ্বাহৰ চিত্ৰগ্ৰহণৰ সময়ত সিদ্ধাৰ্থ আৰু কিয়াৰা প্ৰেমত পৰিছিল । ২০২১ চনৰ চলচ্চিত্ৰখন একেলগে তেওঁলোকৰ প্ৰথম প্ৰকল্প আছিল । ২০২২ চনত কৰণ জোহৰৰ শ্ব' কফি উইথ কৰণত সিদ্ধাৰ্থই তেওঁলোকৰ প্ৰেমকাহিনী সন্দৰ্ভত কৈছিল, "মই এক উজ্জ্বল আৰু সুখী ভৱিষ্যতৰ কল্পনা কৰি আছো । যদি তেওঁ থাকে, তেন্তে ভাল হ'ব ।" কিয়াৰাই এই সম্পৰ্কটো নিশ্চিত কৰি কৈছিল যে তেওঁলোক "বন্ধুতকৈ অধিক"।

পেছাদাৰী ফ্ৰণ্টত সিদ্ধাৰ্থক শেষবাৰৰ বাবে যোদ্ধাত দেখা গৈছিল ৰাশি খান্না আৰু দিশা পাটানিৰ সৈতে । তেওঁৰ পৰৱৰ্তী প্ৰজেক্টটো জাহ্নৱী কাপুৰৰ সৈতে । দীনেশ বিজানৰ আগন্তুক ছবি পৰম সুন্দৰীত দেখা যাব দুয়োকে । আনহাতে কিয়াৰাক শেহতীয়াকৈ গেম চেঞ্জাৰত ৰাম চৰণৰ বিপৰীতে দেখা গৈছিল । তেওঁৰ হাতত ডন ৩ আৰু ৱাৰ ২ ও আছে ।

লগতে পঢ়ক : দীৰ্ঘদিনীয়া প্ৰেমিকাৰ সৈতে যুগ্ম জীৱনৰ পাতনি মেলিলে ইণ্ডি গায়ক অনুভ জৈনে