“এইবাৰ পোনে পোনে ঘৰত সোমাই মাৰিম...!” পুনৰ মৃত্যুৰ ভাবুকি ছলমান খানলৈ

হায়দৰাবাদ : ছলমান খানলৈ পুনৰ মৃত্যুৰ ভাবুকি । এইবাৰ এটা মেছেজৰ জৰিয়তে এই ভাবুকি দিয়া হৈছে । বাৰ্তাটোত, শক্তিশালী ভাষাত লিখা আছিল, “মই ঘৰত সোমাই তোমাক মাৰি পেলাম । মই বোমা বিস্ফোৰণ কৰি গাড়ীখন উৰুৱাই দিম ।”

জানিব পৰা মতে, মুম্বাইৰ ৱৰ্লিত পৰিবহণ বিভাগৰ হোৱাটছএপ নম্বৰত এই ভাবুকি বাৰ্তা আহিছে । কঠোৰ ভাষাত উল্লেখ কৰা হৈছে যে ঘৰত প্ৰৱেশ কৰিলে অভিনেতাজনক হত্যা কৰা হ’ব । কেৱল সেয়াই নহয়, তেওঁৰ গাড়ীখন বোমাৰে উৰুৱাই দিয়া হ’ব বুলিও বাৰ্তাটোত লিখা আছে ।

ইতিমধ্যে ৱৰ্লি থানাত এজন অচিনাক্ত ব্যক্তিৰ বিৰুদ্ধে এজাহাৰ দাখিল কৰা হৈছে । ঘটনা সন্দৰ্ভত আৰক্ষীয়ে তদন্ত অব্যাহত ৰাখিছে । এই বাৰ্তা ক’ৰ পৰা আহিল আৰু ইয়াৰ আঁৰত কোন আছে, েসই লৈ তদন্ত অব্যাহত ৰাখিছে আৰক্ষীয়ে ।

ইয়াৰ পূৰ্বেও ছলমান খানে একাধিকবাৰ মৃত্যুৰ ভাবুকি লাভ কৰিছে । আনকি তেওঁৰ ঘৰলৈ গুলীচালনাও কৰা হৈছিল । কিন্তু ভাইজানে এই বিষয়ত কেতিয়াও একো মাত মতা নাই । ছলমানক বাৰে বাৰে হত্যাৰ ভাবুকি দি আহিছে লৰেন্স বিষ্ণৈ দলে ।

নিৰন্তৰ লাভ কৰা মৃত্যুৰ ভাবুকি সন্দৰ্ভত ‘ছিকন্দৰ’ ছবিখনৰ প্ৰচাৰৰ সময়ত প্ৰথমবাৰৰ বাবে মুকলিকৈ কৈছিল অভিনেতাগৰাকীয়ে । সেই সময়ত সাংবাদিকসকলে ছুপাৰষ্টাৰগৰাকীক সুধিছিল যে তেওঁ লাভ কৰি থকা মৃত্যুৰ ভাবুকিৰ বাবে তেওঁ ভয় খাইছে নেকি ?

উত্তৰত ছলমানে আকাশলৈ আঙুলিয়াই কৈছিল, “ভগৱান, আল্লাহ সকলোতকৈ ওপৰত । জীৱন লিখা থকালৈকে মই জীয়াই থাকিম । কেতিয়াবা যেতিয়া আমি ইমান মানুহ লগত লৈ আগবাঢ়িবলগীয়া হয়, তেতিয়া ই এটা সমস্যা হৈ পৰে ।”

কিছুদিন পূৰ্বে ঈদ উপলক্ষে মুক্তি লাভ কৰিছিল ছলমানৰ ছবি ‘ছিকন্দৰ’ । বক্স অফিচত ছবিখনে মোটামুটি ভাল ফলাফল দেখুৱাইছে । এই ছবিখনে বিশ্বজুৰি ২০০ কোটিৰো অধিক উপাৰ্জন কৰিছে ।

লগতে পঢ়ক : ‘ছিকন্দৰ’ৰ মুক্তিৰ পূৰ্বে লৰেন্স বিষ্ণৈ দলৰ পৰা পোৱা ভাবুকি সন্দৰ্ভত ভাইজানে ক’লে, ‘ভগৱান, আল্লাহ...