হায়দৰাবাদ : সন্ত্ৰাসবাদীৰ আক্ৰমণে এখন ৰাষ্ট্ৰৰ ইতিহাসৰ কিছুমান ক’লা অধ্যায় চিহ্নিত কৰে ৷ এনে ধৰণৰ আক্ৰমণে জীৱনৰ বাবে ধ্বংসলীলা নমাই আনে, মানুহক ক্ষতিৰ সন্মুখীন কৰোৱাৰ লগতে আৰু দীৰ্ঘদিনীয়া আঘাতৰ সৃষ্টি কৰে । শেহতীয়াকৈ চলিত মাহৰ ২২ এপ্ৰিলত জম্মু-কাশ্মীৰৰ পহলগামত সংঘটিত আক্ৰমণে পুনৰবাৰ জোকাৰি গৈছে দেশ । এই কৰুণ ঘটনাই ২৫ জন ভাৰতীয় নাগৰিক আৰু এজন নেপালী নাগৰিকৰ প্ৰাণ কাঢ়ি নিয়ে ৷ বহু লোক আহত হোৱাৰ লগতে এই ঘটনাই সমগ্ৰ দেশতে দুখ আৰু ক্ষোভৰ সৃষ্টি কৰিছে ।
বছৰ বছৰ ধৰি চলচ্চিত্ৰ নিৰ্মাতাসকলে এনে বাস্তৱ জীৱনৰ ঘটনাক কাহিনীলৈ ৰূপান্তৰিত কৰি ভুক্তভোগীক শ্ৰদ্ধাঞ্জলি জনোৱা, নায়কসকলক সন্মান জনোৱা, সন্ত্ৰাসবাদ আৰু ইয়াৰ প্ৰভাৱৰ বিষয়ে চিন্তাৰ ওপৰত গুৰুত্ব আৰোপ কৰি আহিছে ৷ এই চিনেমাবোৰে দৰ্শকক কেৱল মনোৰঞ্জন দিয়াই নহয়, ইতিহাস সংৰক্ষণ কৰে, আৱেগক আলোড়িত কৰে আৰু আক্ৰান্তসকলৰ জীৱনৰ বিষয়ে অন্তৰ্দৃষ্টি প্ৰদান কৰে ।
প্ৰকৃত সন্ত্ৰাসবাদী আক্ৰমণৰ পৰা অনুপ্ৰাণিত পাঁচখন উল্লেখনীয় ভাৰতীয় ছবিৰ ওপৰত চকু ফুৰাওঁ আহক:
1. উৰী : দ্য ছাৰ্জিকেল ষ্ট্ৰাইক
আইএমডিবি ৰেটিং : 8.2
ক'ত চাব : জি5
২০১৯ চনত মুক্তি পাইছিল উৰী : দ্য চাৰ্জিকেল ষ্ট্ৰাইক ৷ উৰীত ভাৰতীয় সেনাৰ শিবিৰত হোৱা মাৰাত্মক আক্ৰমণৰ পিছত ভাৰতীয় সেনাই নিয়ন্ত্ৰণ ৰেখাৰ সিপাৰে সন্ত্ৰাসবাদী লন্স পেডৰ বিৰুদ্ধে ২০১৬ চনত কৰা প্ৰতিশোধমূলক ছাৰ্জিকেল ষ্ট্ৰাইকৰ ওপৰত আধাৰিত ছবিখন । আদিত্য ধৰৰ পৰিচালনাত নিৰ্মিত এই ছবিখনত বিকী কৌশলে হাই-ষ্টেক মিছনৰ নেতৃত্ব দিয়া মেজৰ বিহান সিং শ্বেৰগিলৰ চৰিত্ৰত অভিনয় কৰিছে । একশ্যনৰ সৈতে যুদ্ধৰ দৃশ্য থকা ছবিখনত য়ামী গৌতম, পৰেশ ৰাৱাল, কীৰ্তি কুলহাৰী আৰু মোহিত ৰাইনাও অভিনয় কৰিছে ।
2. মুম্বাই মেৰী জান
আইএমডিবি ৰেটিং : 7.7
ক'ত চাব : এয়াৰটেল এক্সষ্ট্ৰীম প্লে
মুম্বাই মেৰী জান (২০০৮) ২০০৬ চনৰ মুম্বাই ৰেল বোমা বিস্ফোৰণৰ ওপৰত ভিত্তি কৰি নিৰ্মাণ কৰা ছবি, য'ত ২০০ ৰো অধিক লোক নিহত হৈছিল । নিশিকান্ত কামাতৰ দ্বাৰা পৰিচালিত, চলচ্চিত্ৰখনে বিভিন্ন ব্যক্তি দুৰ্ঘটনাটোৰ দ্বাৰা কেনেদৰে প্ৰভাৱিত হয় তাক অন্বেষণ কৰে । ইৰফান খান, সোহা আলী খান, কে কে মেনন আৰু বিজয় মৌৰ্যক লৈ চলচ্চিত্ৰখনে শোক, কুসংস্কাৰৰ বিষয়বস্তুৰ ওপৰত আলোকপাত কৰিছে ।
3. নীৰজা
আইএমডিবি ৰেটিং : 7.6
ক'ত চাব : জিঅ'হটষ্টাৰ
২০১৬ চনত মুক্তি পোৱা এইখন এখন জীৱনীমূলক থ্ৰিলাৰ ৷ ১৯৮৬ চনৰ ৫ ছেপ্টেম্বৰত কৰাচীত পান আম ফ্লাইট ৭৩ অপহৰণ কৰাৰ সময়ত যাত্ৰীক বচাবলৈ গৈ প্ৰাণ আহুতি সাহসী বিমান পৰিচাৰিকা নীৰজা ভানোটৰ কাহিনী বৰ্ণনা কৰিছে ছবিখনে । ৰাম মাধৱনীৰ পৰিচালনাত মুখ্য চৰিত্ৰত অভিনয় কৰা সোনম কাপুৰে নীৰজাৰ চৰিত্ৰত এক অসাধাৰণ সাহস প্ৰদৰ্শন কৰিছে । নীৰজাৰ মাতৃৰ চৰিত্ৰত শ্বাবানা আজমীৰ চিত্ৰণে এই ছবিখনত আৱেগিক গভীৰতা যোগ দিছে ।
4. হোটেল মুম্বাই
আইএমডিবি ৰেটিং : 7.6
ক'ত চাব : জি5
হোটেল মুম্বাই (২০১৮) ২০০৮ চনৰ তাজ পেলেচ হোটেল ঘেৰাও কৰি কৰা মুম্বাই সন্ত্ৰাসবাদী আক্ৰমণৰ দুখজনক বিৱৰণী । মুম্বাইত লস্কৰ-ই-তৈবাৰ সদস্য আৰু অন্যান্য বিদ্ৰোহীয়ে তাজ পেলেচ হোটেলত ধুমুহাৰ সৃষ্টি কৰি সমগ্ৰ চহৰখনতে সমান্তৰালভাৱে আক্ৰমণ আৰম্ভ কৰিছিল । ভয়াৱহ পৰিস্থিতিত এগৰাকী সাহসী চেফ আৰু পাকঘৰৰ কৰ্মচাৰীয়ে আতংকিত অতিথিসকলক সুৰক্ষা দিয়াৰ প্ৰয়াসত নিজৰ জীৱনৰ কথা পাহৰি গৈছিল । এন্থনী মাৰাছে পৰিচালনা কৰা এই ছবিখনত অভিনয় কৰিছে দেৱ পেটেল, আৰ্মি হামাৰ, আৰু নাজানিন বনিয়াডিয়ে ।
5. ব্লেক ফ্ৰাইডে
আইএমডিবি ৰেটিং : 8.4
ক'ত চাব : নেটফ্লিক্স
অনুৰাগ কাশ্যপৰ পৰিচালনাত নিৰ্মিত ব্লেক ফ্ৰাইডে (২০০৪) ১৯৯৩ চনৰ মুম্বাই বোমা বিস্ফোৰণ আৰু হুছেইন জাইদীৰ একে নামৰ কিতাপখনৰ আধাৰত নিৰ্মিত । ছবিখনত ভাৰতীয় গেংষ্টাৰ টাইগাৰ মেমন (পৱন মালহোত্ৰাই অভিনয় কৰা)ৰ ওপৰত গুৰুত্ব আৰোপ কৰা হৈছে, যিয়ে সমগ্ৰ মুম্বাইত বোমা বিস্ফোৰণৰ প্ৰয়াসত নিজৰ ভূমিকা স্বীকাৰ কৰে । আৰক্ষীয়ে তেওঁক বিশ্বাস কৰা নাছিল আৰু সেই শুকুৰবাৰে চহৰখনৰ চাৰিওফালে বোমা বিস্ফোৰণ হৈছিল ৷
লগতে পঢ়ক : সন্ত্ৰাসবাদী আক্ৰমণক গৰিহণা পাকিস্তানী তাৰকাৰ
