ৰামোজী ৰাও, কৃষ্ণম ৰাজুলৈ শ্ৰদ্ধাঞ্জলি কল্কি ২৮৯৮ এডি নিৰ্মাতাৰ - Tribute to Ramoji Rao Krishnam Raju
Tribute to Ramoji Rao Krishnam Raju: কল্কি ২৮৯৮ এডিৰ নিৰ্মাতাসকলে ৰামোজী গ্ৰুপৰ অধ্যক্ষ ৰামোজী ৰাও আৰু অভিনেতা কৃষ্ণম ৰাজুক আন্তৰিক শ্ৰদ্ধাঞ্জলি জ্ঞাপন কৰি সংবাদ মাধ্যম আৰু চলচ্চিত্ৰ জগতৰ ক্ষেত্ৰত তেওঁলোকৰ গভীৰ প্ৰভাৱ আৰু স্থায়ী অৱদানৰ কথা উল্লেখ কৰে । ভাৰতীয় চলচ্চিত্ৰৰ পটভূমি গঢ়াত দুয়োৰে ভূমিকাক সন্মান জনাই অনুৰাগীসকলে আৱেগিক পোষ্ট শ্বেয়াৰ কৰে ৷
Published : June 27, 2024 at 1:21 PM IST
চিটাৰা ডেস্ক, 27 জুন : অৱশেষত প্ৰভাসৰ অনুৰাগীসকলৰ চকু জুৰ পৰিল ৷ আজি বিশ্বজুৰি মুক্তি পালে কল্কি ২৮৯৮ এডি ৷ পুৱাৰে পৰা প্ৰতিটো শ্ব’ৱে হাউচফুল ৷ ছবিখন চাই উঠিয়ে দৰ্শকৰ পৰা সমালোচক, সকলোৱে সামাজিক মাধ্যম নিজ নিজ প্ৰতিক্ৰিয়াৰে ভৰাই তুলিছে ৷ বেছিভাগেই ছবিখনক পৌৰাণিক কাহিনীৰ সুন্দৰ মিশ্ৰণ বুলি অভিহিত কৰে, যি ভাৰতীয় চলচ্চিত্ৰৰ বাবে এক নতুন মানদণ্ড স্থাপন কৰে বুলি উল্লেখ কৰে তেওঁলোকে ।
ইমান অপাৰ সফলতাৰ মাজতে সকলোৰে পৰা আৰু এটা কাৰণে প্ৰশংসা লাভ কৰিছে কল্কি নিৰ্মাতাই ৷ ভাৰতীয় চিনেমাৰ দুগৰাকী প্ৰবীণ প্ৰয়াত ৰামোজী ৰাও আৰু প্ৰভাসৰ ককাক আৰু গুৰু প্ৰয়াত কৃষ্ণম ৰাজুক শ্ৰদ্ধাঞ্জলি জনাই নিৰ্মাতাই । তেওঁলোকৰ আন্তৰিক শ্ৰদ্ধাঞ্জলিয়ে দুই কিংবদন্তিৰ চলচ্চিত্ৰ উদ্যোগত গভীৰ প্ৰভাৱৰ বিষয়ে আলোকপাত কৰে ।
ST #Kalki2898AD #KALKI #kalki2898ad Excellent Movie @nagashwin7 Nuvu tope anna 🙏🏻 #Prabhas Anna love you as always… Next level… @SrBachchan sir 🫡🫡 @deepikapadukone Superb acting 👊 #BlockbusterKalki Must watch in Big screens 🙌 pic.twitter.com/JNYZzXBSZN
— PK REDDY (@REDDY_PK_SEA) June 26, 2024
এজন অনুৰাগীয়ে ৰামোজী ৰাও আৰু অভিনেতা কৃষ্ণম ৰাজুৰ ফটো শ্বেয়াৰ কৰি শিৰোনামত লিখে, "কিংবদন্তি চিৰদিন জীয়াই থাকে ৷" ভাৰতীয় চলচ্চিত্ৰ আৰু বিশেষকৈ দক্ষিণ আৰু তাৰ বাহিৰৰ সংবাদ মাধ্যমক গঢ় দিয়াত তেওঁলোকৰ গুৰুত্বপূৰ্ণ ভূমিকাৰ ওপৰত আলোকপাত কৰে তেওঁ ।
লগতে পঢ়ক : বিদেশত টিকটৰ অগ্ৰিম বিক্ৰীৰে অভিলেখ গঢ়িলে Kalki 2898 AD এ - Kalki Record Breaking Advance Sales
পদ্ম বিভূষণ বঁটা বিজয়ী তথা ৰামোজী গ্ৰুপৰ অধ্যক্ষ শ্ৰদ্ধাৰ ৰামোজী ৰাওৱে চলিত মাহৰ আৰম্ভণিতে ৮৭ বছৰ বয়সত শেষ নিশ্বাস ত্যাগ কৰে । চিনেমালৈ তেওঁৰ অৱদান কেৱল আন্তঃগাঁথনিতে সীমাৱদ্ধ নাছিল; তেওঁ এনে এক পৰিৱেশ তন্ত্ৰ ৰক্ষা কৰিছিল যিয়ে সৃষ্টিশীলতা আৰু উদ্ভাৱনক লালন-পালন কৰিছিল, চলচ্চিত্ৰ নিৰ্মাতা আৰু নতুন প্ৰজন্মক অনুপ্ৰাণিত কৰিছিল ।
কেৱল নিজৰ অভিনয় দক্ষতাৰ বাবেই নহয়, প্ৰভাসৰ দৰে প্ৰতিভাক পৰামৰ্শ দিয়াৰ বাবেও বিখ্যাত ইউ কৃষ্ণম ৰাজুৰ ২০২২ চনৰ ছেপ্টেম্বৰত ৮৩ বছৰ বয়সত মৃত্যু ঘটে ।
দীপিকা পাডুকন, অমিতাভ বচ্চন, কমল হাছান আৰু দিশা পাটানি অভিনীত কল্কি 2898 এডিয়ে ভাৰতীয় চলচ্চিত্ৰক বিশ্বব্যাপী পুনৰ জনাজাত কৰাৰ প্ৰতিশ্ৰুতি দিয়ে ।
কল্কি ২৮৯৮ এডিক লৈ দৰ্শকৰ প্ৰাৰম্ভিক প্ৰতিক্ৰিয়া অতিশয় ইতিবাচক, ভৱিষ্যদ্বাণী অনুসৰি ভাৰতত ২০০ কোটি টকা আৰু উত্তৰ আমেৰিকাত আত্মপ্ৰকাশৰ দিনটোত আকৰ্ষণীয় ৩৫ লাখ ডলাৰ অৰ্জন কৰিব ছবিখনে ।
লগতে পঢ়ক : কল্কি 2898 এডিয়ে উত্তৰ আমেৰিকাত আৰ আৰ আৰৰ অভিলেখ ভংগ কৰে - Kalki AD 2898 Box Office
