‘কহো না প্যাৰ হে’কে ধৰি বেবোৱে প্ৰত্যাখ্যান কৰিছিল এই ৭খন ছবি

হায়দৰাবাদ: আজি ২০২৫ চনৰ ৩০ জুনত বলীউডত ২৫ বছৰ সম্পূৰ্ণ কৰিলে কৰীণা কাপুৰ খানে । ২০০০ চনৰ আজিৰ দিনটোতে অভিনেত্ৰীগৰাকীৰ প্ৰথম ছবি ৰিফিউজী মুক্তি পাইছিল, য’ত তেওঁ অভিষেক বচ্চনৰ সৈতে অভিনয় কৰিছিল ।

ৰিফিউজী কেৱল কৰীণাৰেই নহয়, অভিষেকৰো প্ৰথমখন ছবি আছিল, যিখন ছবিৰ পৰিচালনাত আছিল জে পি দত্ত । কৰীণাৰ প্ৰথম ছবিখনে সুন্দৰ প্ৰদৰ্শন কৰা নাছিল আৰু ২০০০ চনত আন এখন ছবিয়ে মুক্তি লাভ কৰিছিল, যিখন ছবি সেই বছৰটোৰ আটাইতকৈ ডাঙৰ হিট বুলি প্ৰমাণিত হৈছিল, কিন্তু দুৰ্ভাগ্যজনকভাৱে কৰীণাই এই ছবিখন কৰিবলৈ অস্বীকাৰ কৰিছিল । আমি সেই ছবিসমূহৰ বিষয়ে আলোচনা কৰিম যিসমূহ ছবি কৰীণাই ২৫ বছৰীয়া কেৰিয়াৰত নাকচ কৰিছে ।

হম দিল দে চুকে সনম

ৰিফিউজীৰ পূৰ্বে কৰীণাই ছলমান খানৰ সৈতে হম দিল দে চুকে সনম ছবিখন লাভ কৰিছিল । এই ছবিখন ঐশ্বৰ্য ৰায়ৰ আগত কৰীণাক অফাৰ কৰা হৈছিল যদিও খবৰ অনুসৰি কৰীণাই ছবিখনৰ কাহিনী ভাল পোৱা নাছিল । কৰীণাই অস্বীকাৰ কৰাৰ পাছত ঐশ্বৰ্যক ছবিখনত লোৱা হয় আৰু ১৯৯৯ চনত মুক্তি পোৱা ছবিখনে খুব সুন্দৰ প্ৰদৰ্শন আগবঢ়ায় ৷

কহো না প্যাৰ হে

কহো না প্যাৰ হে ছবিখন নাকচ কৰাটো কৰীণাৰ বাবে নিশ্চয় আক্ষেপৰ বিষয়, কাৰণ এই ছবিখনেই ২০০০ চনৰ সৰ্বাধিক উপাৰ্জন কৰা ছবি ৷ ২০০০ চনত মুক্তি পোৱা ছবি মহব্বতে, ধড়ক আৰু হেৰা ফেৰীতকৈ বক্স অফিচত অধিক উপাৰ্জন কৰিছিল কহো না প্যাৰ হে ছবিখনে । যদি বাতৰিবোৰ বিশ্বাস কৰা যায়, তেন্তে কৰীণাই এই ছবিখন এইটো কাৰণেই কৰা নাছিল কাৰণ ইয়াত হৃত্বিক ৰোশনক অধিক গুৰুত্ব দিয়া হৈছিল । কহো না প্যাৰ হে হৃত্বিক ৰোশনৰ প্ৰথম ছবি আৰু কৰীণাই অস্বীকাৰ কৰাৰ পিছত আমিশা পেটেলক ছবিখনত লোৱা হয় ।

কল হো না হো

শ্বাহৰুখ খানৰ সৈতে কল হো না হো ছবিখনো নাকচ কৰিছিল কৰীণাই । এই ছবিখনত প্ৰীতি জিণ্টাৰ চৰিত্ৰটো তেওঁক অফাৰ কৰা হৈছিল । বাতৰি অনুসৰি কম মাচুলৰ বাবে কৰীণাই এই ছবিখন কৰিবলৈ অস্বীকাৰ কৰিছিল আৰু তাৰ পিছত এই ছবিখন প্ৰীতিক দিয়া হৈছিল ।

গোলীয়োঁ কি ৰাসলীলা ৰাম-লীলা

বিশাল ছেটৰ সৈতে চিনেমা নিৰ্মাণৰ বাবে বিখ্যাত সঞ্জয় লীলা ভাঞ্চালীয়ে হম দিল দে চুকে সনমৰ পাছত কৰীণাক 'গোলীয়োঁ কি ৰাসলীলা ৰাম-লীলা' ছবিখনো অফাৰ কৰিছিল । যদি বাতৰিবোৰ বিশ্বাস কৰা যায়, তেন্তে শ্বুটিং আৰম্ভ হোৱাৰ ১০ দিন পূৰ্বে কৰীণাই ছবিখন নকৰাৰ সিদ্ধান্ত লয় আৰু এই চৰিত্ৰটো দীপিকা পাডুকনক দিয়া হয় ।

চেন্নাই এক্সপ্ৰেছ

শ্বাহৰুখ খানৰ সৈতে চেন্নাই এক্সপ্ৰেছ ছবিখনৰ বাবে ৰোহিত শ্বেট্টীয়ে কৰীণা কাপুৰক নিৰ্বাচিত কৰিছিল । পিছে সেই সময়ত অভিনেত্ৰীগৰাকীয়ে আমিৰ খানৰ ছবি তালাশত কাম কৰি আছিল আৰু সেইকাৰণে এই ছবিখনক না ক’বলগীয়া হৈছিল ।

দিল ধড়কনে দো

ফাৰহান আখতাৰৰ চলচ্চিত্ৰ পৰিচালক ভগ্নী জোয়া আখতাৰে কৰীণাক ‘দিল ধড়কনে দো’ ছবিখনৰ প্ৰস্তাৱ দিছিল যদিও কৰীণাই এই ছবিখনকো নাকচ কৰিবলগীয়া হৈছিল । ২০১৫ চনত মুক্তি লাভ কৰে দিল ধড়কনে দো ছবিখনে আৰু একেটা বছৰতে কৰীণাক তিনিখন ছবি গব্বৰ ইজ বেক, বজৰংগী ভাইজান আৰু ব্ৰাদাৰ্ছত দেখা গৈছিল ।

কুইন

কৰীণা কাপুৰ খানে কুইন ছবিখনৰ প্ৰস্তাৱো লাভ কৰিছিল, যিখন ছবি পিছত কংগনা ৰনৌতৰ হাতলৈ যায় । খবৰ অনুসৰি কৰীণাই কুইন ছবি নাকচ কৰাৰ কাৰণ আছিল তেওঁ এই চৰিত্ৰটোৰ বাবে নিখুঁত নাছিল ।

লগতে পঢ়ক : যাৰ কান্দোনো ভিন্ন ধৰণৰ ৫ টা সুৰ হৈ নিগৰিছিল